السلام عليكم
مدري كيف أبدا بالموضوع
من كبرت وأنا ما أحس للعيد طعم اقعد متنكددده من ليلة العيد وأحس أني مؤ متحمسهه مثل العالم
أولا أصلا الأعياد عندنا كئيبه محد يجينننا مااااصارت مثل قبل الناس تغيروا
قلت أوكي يمكن في منطقتنا كئيبه وان شاء الله إذا تزوجت يمكن تكون أعياد زوجي غير
وتزوجت وأول عيد كان العام وصرت متنكددده على نهاية رمضان عشان العيد أبي أحس بطعم الفرحة بحس بالعيد
وجاء العيد وللأسف أعيادهم طلعت ممره ممله نفس أعيادنننا
وهذي السنه كنت اسعد إنسانه لأني حملت ووالادتتتتي برمضان وقلت البيبي راح يغير حياتي وبدل العيد عيدين
بس للأسف فقدت طفلتي في الشهر السابع قبل شهر وصرت حساسه وبس حزيينه وأبكي إذا تذكرت
والحين رمضان وأبكي من أتذكر لان شهري كان هو
وكنت انتظر رمضان عشان أشوف البيبي
وانتظر العيد عشان البسها
حالتي الحين جداً حزيينه وشائله هم العيد من الحين مؤ متحمسه لشي
ولا متحمسه اشتري ملابس وانبسط مثل العالم صدقوني مؤ بيدي ادري قضاء الله وقدره ومثل ما قالوا يوم لك ويوم عليك
اللي مخليني حزيينه أكثر هو أن ماما الله يطول في عمرها عندها عمليه في العيد وزوجي يبي يسافر في العيد
بشيل همهم الاثنين
وش تفسرون حالتي من الحين مكتئبه
على فكره أنا جداً جميله الحمد لله وهذي الحالة بدت عندي من اول ما كبرت اكره العيد فقط أما المناسبات ما أحضرها غير القريبين مني وأكون مبسوطة لها عكس الأعياد
آنـآ مثلك وبعد اخسس ما عاد تهمني الهدايـآ ولا الحفلات ولا العزايم ولا حتى فرحهة برمضان او العيد او مولود او ضحكة طفل
صصايرة مششاعري متبلده جدآ
مقوولة :
التعيس يركز على مايتعسه, ويخلق المبررات ليتعس !
السعيد لديه كل المشكلات, ولكنها لاتلفته! بقدر مايلفته الحب والجمال والنعم ..!!
اولا : طفلك بيشفع لك ولابوه يوم القيامة بإذن الله ..
ثانيا : برمضان ادعي لامك ان الله يشفيها وان شاء الله تنجح العملية وتقوم لكم بالسلامة
ثالثا : زوجك بيسافر ويرجع ان شاء الله سالم غانم
ماله داعي تشيلي هالهم كل اللي بيصير مكتوب ومقدر .. ارضي بكل شيء ولا تخلقين لنفسك التعاسة
..!!
الاعياد هي عيد صحيح ولكن حقيقته هو يوم مثل الايام ولكنه يوم محدد ليكون عيد لناا جميعا ..!!
العيد لن يأتي ليضحكنا او يداعبنا او يسعدنا ؟!
نحن من نصنع السعادة بذاك اليوم نحن من سيحاول اسعاد انفسنا ومن حولنا .. اذا كنا متشأمين لايهم مايحدث او ما نصنع فلن نصبح سعداء به .. لان لا يخرج منا إلا التعاسة
السعادة لا تحتاج عناء بقربنا من الله سنكون سعداء حتماً
نصيحة اخيرة .. ( كوني إيجابية ومتفائلة وقنوعة وواقعية حتى تعيشي براحة وتكوني سعيدة )
الايجابية :
" ان تمتلك زمام المبادرة الى الطاعات وان تفكر انك ستحاسب يوم القايمة عن اعمالك وعما قدمت دون ان تسأل عن اعمال الاخرين "
التفاؤل :
ان ترى المستقبل يحمل بين جنباته الخير واليسر بل عليك ان تحسن الظن بأقدار الله تعالى دائما .
الواقعية :
ان ترى الامور والوقائع والاحداث والعلاقات بنظرة متوازنة ، فلايوجد شئ تام مائة بالمائة لان الكمال لله سبحانه وحده ، فابتعد عن مقاييس التمام والكمال…
القناعة:
ان تبذل كل ما تستطيع فعله للوصول الى ما تريد ، ولكن ترضى بكل ما يقدره ويقسمه لك الله عز وجل من نتائج واقدار ، ستعش مطمئن البال سعيد السريرة ….
اتمنى لك التوفيق بالدارين وكل من تحبين 
بعض الناس تحصل لهم مشكلة أو موقف وهو صغير تأثر فيه ولا يتبين التأثر إلا بعد مايكبر
الكل صاير يتملل من المناسبات لأنها شبه رسمية او تكون سطحيه هذا كان في بالي قبل
تعرفي ليه العيد ماله اي طعم
لأننا نسهر في رمضان طوال الليل وننام في النهار
جسمنا يصير منهك ولا يستقبل اي شعور بصورة طبيعيه
حتى العقل يصبح شارد بعض الشيء
معذورة في حزنك على بنتك ( الله يجعلها لكما شفيعه) تذكري أن الله ما يأخذ من مسلم شيء إلا يعوضه خير منه
ابتسمي تيقني أن الله بيعوضك قريباً واحسني الظن بالله ولا تقولي بس او تدوري على حجج
العيد لاتنتظري الفرحة اصنعيها غيري الجوء
اضيفي اشياء جديدة شوفي الافكار اللي يسونها البنات في يوم العيد وتناسب عائلتك
بس انتبهي تنتظري الشكر من احد لأن هذي بحد ذاته تفسد عليك الفرحة
اسأل الله لك ولنا أن يبدل الحزن فرح