مذكرات أم

بعض الذكريات طريفه

و بعض الذكريات تجربه خرجت منها انها تعلم اولادها شيء معين

و لكل ام نصايح معينه في تربيه اولادها نصيحه ما تاخد سطر لكنها مهمه

و في موضوعي ده حبيت اشارككم في كثير من تجاربي

اخطائي في التربيه

مواقع مفيده في التربيه او مواقع تعليميه استفدت منها

نصايح مهمه جدا ممكن الامهات تغفل عنها

اتمني ان كل ام تشاركني بنصايحها و تجاربها و فرصه حلوه نتعلم من بعض

لكن كان ما بيبكي مثل باقي الاطفال اللي بيكونوا في نفس الموقف

الولد طلب من جوزي انه يتصل بابوه اللي كان حافظ رقم موبايله

و طبعا الوالد عرف مكان ابنه و اخذه

كان تصرف رائع من الولد

اتعلمت من الموقف ده اني اعلم اولادي يعملوا ايه لو كانوا في نفس الموقف

علمت بنتي رقم تليفوني بحكم انهم بيخرجوا معايا اكتر من والدهم

علمتها لو ضاعت مني انها تقف مكانها و ما تتحرك لاني اكيد هاكون بدور عليها و لو اتحركت و انا بدور عليها مش هانتلاقي بسهوله

علمتها لو اتاخرت تطلب من اي حد انه يتصل برقمي بدون ما تتحرك من مكانها

و لو انا مارديت تنتظر تاني شويه و بعدها تتصل بالشرطه اللي علمتها رقمها و كمان حفظتها العنوان مع تنبيه مهم جدا انها ابدا ما تتحرك من مكانها الا برفقه شرطي في زي الشرطه

طبعا صعب عليه يحفظ رقم تليفوني

بكتب رقمي و رقم والده في ورقه و دايما بتكون في جيوب بنطلونه و احنا خارجين

و تنبيه مهم جدا انه ما يتحرك و لا يمشي مع اي حد غريب

و كمان جوزي معظم اليوم في الشغل

و في يوم جاني خاطر لو تعبت جدا او اغمي عليه اولادي ممكن يتصرفوا اذاي

سالت بنتي لو تعبت جدا يا نور و ما برد عليكي هاتعملي ايه

سكتت ما عرفت تعمل ايه

قولتلها تروح لجارتي في البنايه تقولها

و بعدها قولتلها طيب لو جارتنا مش موجوده تعملي ايه ؟

ما عرفت ترد

علمتها تتصل بالشرطه و الشرطه هاتبعت لماما الاسعاف

حبيبتي ام انفال اشكرك علي كلماتك الرائعه و رغم صغر سن ابنائك الا ان التجارب اكيد موجوده لو تأملتي قليلا لوجدتي الكثير

و الام بتكون حيرانه مش عارفه تفسير لبكائه

بتكون دايما اسباب البكاء

جوع – انتفاخات في البطن – محتاج الي تغيير الحفاظ – عايز ينام – ممكن تكون حشره لذغته – و ممكن محتاج يحس بالحنان في حضن الام

و مع الوقت الام بتعرف ابنها بيشتكي من ايه بالخبره

نرجع تاني للنوم

الطفل في الوقت ده بيكون نومه مش منتظم ابدا و ده بيسبب ارهاق للام

و الام ابتداء من سن ال 3 شهور لازم تبدا تعود ابنها علي روتين قبل النوم

مثلا قبل النوم تحممه و تطفي النور و تغني ليه اغنيه

و الطفل ذكي هايربط بين الاجراءات دي و النوم

لكن الطفل ممكن يصحي بعد ساعتين و يفضل سهران

عملت ايه

هيه كانت دايما بترضع عشان تنام

في اول يوم لما جه الوقت اللي متعوده انها تنام فيه بدات تبكي عشان ترضع

ما رضعتها و كل شويه اوريها حاجه جديده عمرها ما شافتها

و ده بيجذب انتباه الطفل جدا لانه في مرحله اكتشاف العالم الخارجي

مره اجيب حبل

مره حله من المطبخ

مره ورده

يعني اي حاجه من البيت البنت مش متعوده تشوفها كتير

و فضلت صاحيه و كل ما تبكي يادوب ارضعها ربع رضعه عشان ما تشبع

و امشي بيها

و قدرت ابعدها عن الميعاد اللي متعوده تنام فيه بساعتين

لما خلاص بدات تبكي و مافي اي شيء بيجذب انتباهها دخلت حممتها و طفيت النور و نامت اخيرا للصبح

تاني يوم كررت الروتين ده بس سهرتها كمان ساعه

و اليوم اللي بعده نفس الروتين مع زياده ساعه لغايه ماوصلت بيها للوقت اللي عايزاها تنام فيه

تعبت تقريبا اسبوع لغايه ما وصلت لهدفي

بس في النهايه ارتحت كتير لاننا كنا بنصحي مع بعض و ننام مع بعض

و بكده ارتحت من الارهاق و العصبيه اللي بيسببهم قله النوم

كتير هايقولوا ده مستحيل اننا نغير نظام نوم الاطفال الصغار

لكن صدقوني بشويه اراده الصعب بيكون سهل جدا