ليتني أقدر على رد الجميل
لـ أمي اللي مستحيل ألحق جزاها
مستحيل ألحق جزاها مستحيل
الله يسعدلي صباحه مع مساها
والله إن المدح في مثله قليل
ليتني أقدر أحقق له مناها
الحنونه مالها شبه ومثيل
الله اللي عزها يوم إن عطاها
الرحومه هي لنا الظل الظليل
الحظيظ اللي قدر يكسب رضاها
العطوفه مانبي غيره بديل
كل مانملك بذا الدنيا فداها
علمتنا نعشق الصبر الطويل
كيف نعشق دنية(ن) يتعب مداها
علمتنا مبدأ الحب الأصيل
هي بدايات المحبه ومنتهاها
هي دوايه لاغدا قلبي عليل
وين ماراحت خذت قلبي معاها
لا أبعدت عني غدا جسمي نحيل
من غلاها بس أهوجس في لقاها
ولاازعلت عني وقامت بالرحيل
قمت أنا كلي ندم أطلب رضاها
هي أساس الخير جيل(ن) بعد جيل
مايشوف الخير مخلوق(ن) عصاها
من عصاها عاش بالدنيا ذليل
ومن جفاها خاب يوم انه جفاها
تاج راسي جعل تاجي مايميل
نور عيني جعل عيني بس تراها
دمعتك دامني حي (ن)ماتسيل
الله ينساني إذا قلبي نساها
أدعي المعبود والمولى الجليل
كل ماصليت يحفظ لي خطاها
ليتني أقدر على رد الجميل
لـ أمي الي مستحيل ألحق جزاها
اشكرااااااااااااااااااااااااا
كلام في منتهى الذوق وعبارات جميله جدا وصفت مدى الحب الذي تحمله قلوبنا لامهاتنا حفظ الله أمي وأمهاتكم جميعااااااا تقبلي مروري وخالص تحاياي
شكرا لك
وربي يحفظ لي الماما ويشفيها
الله يحفظ لنا امهاتنا ويطول باعمارهم ويعيننا على برهم وكسب رضاهم
مشكورة ياذوق طرح رائع
قصيدة اكثر من رائعة ويسلموواالله يقدرنا على رد الجميل لهم ومايحرمنا منهم والله يعطيك الف عافية
صح لسانك .. كفيتي ووفيــتي …
مهما قدمنا ….وأكرمنا …وبرينا فيها ماراح نوفي
قدرها عاااااااااااااااااااااالي … الله يرحمك ياأمي .. ويجمني فيها بالجنه
آمين ..
قولوا آمييييين << الله يسعدكم يارب..
نورتن ياغوااااالي