حباباتي حبيت نعلمكم اليوم بامر اكتشفته و هو امر جد خطير
في اوساطنا الشعبية كاين بزاف يقولو هداير حنا تبانلنا نورمال مي راهي فضاعة
ماكالاه نطول نتمنى تستفيدو
ربي يعطي السواك لعوجة لحناك ربي يعطي اللحم الي ما عندهش ضروس … هده العبارة وكان ربنا ظالم استغفر الله
راني فالنازعات غرقا ….استعمال الفاظ قرانية في غير محلها فالمقصود انه غارق بالمشاكل لكن معناها الحقيقي الملائكة حين تنازع ارواح بني ادم
عيشة راجل … حيت فيها سب لعائشة رضي الله عنها فكل امراة لها صفات قبيحة تسمى هكدا لعن الله الكافرين
واحد ملايكاتو ثقال …..حاشى لله ان تكون للملائكة ثقل فهادا سب لاطهر المخلوقات
يا دين الزح …. الزح هو الاه يوناني والتلفظ به و كانك حلفت بغير الله وهادا كفر والعياد بالله
جابلي ربي …..استغفر الله لمادا هل نزل عليك الوحي الله المستعان
والله والو …. وكانك تقول ان الله لا شيء استغفر الله هو الاول والاخر و هو بكل شيء عليييييم
عيشة بواسة… تقال للمراة التي تحب التسلام و البوسات ولكنه طعن في امنا عائشة رضي الله عنها
لمليح ربي … يقولها بعض الناس ولكنها ليست من اسماء الله و اسماء الله توقيفية
تفكره ربي …. للمبتلي تعالى الله عما يقولون و ما كان ربك ناسيا
اللهم اجعلنا ممن يستمعون و يتكلمون خير الحديت
كاين بزاف يقولو هاد العبارات وانا وحدة منهم بصح كي عرفنا بلي قاع حرام نتمناو ما نزيدوش نقولوهم
ربي يهدي من خلق …………….. استفيدوا وافيدوا
يععطيك ألعافية
بارك الله فيكى أختى وتقبل منك
بارك الله فيك
جزاك الله خيرا والله معك حق واضيف ايضا
دائما عندما يتشاجر شخصان الاخر يسكته بكلمة صلي على النبي
هنا هذه الصلاة ليست في محلها لان الغرض منها اسكات الشخص الاخر لاالصلاة على النبي عليه الصلاة والسلام وكذا
نقولو للعقد الشرعي الفاتحة صح لالا لاتسمى هكذا لان الفاتحة لاتقراء في العقد الشرعي بل هي بدعة وانما وصية ابن مسعود هي من تقرا في العقد الشرعي لذا لاتسمى الفاتحة وانما يسمى العقد الشرعي
وبورك فيك اخية والله المستعان
وعلا ش فضحتينى يا بنتى أسيرة الالام هذا مجتمعنا نقبلوه كيما هو
يسلموا شكرا وجزاك الله خيرا
يعطيك الصحه الحبيبه
وهادي راها قطره من مطره
كاين بزاف كلام مايجوز ونحكوه
الله غالب