لقمة القاضي ( الزلابية أو العوامات)
لازم العجينة بتاعتها الي بالدقيق حتي لو جاهز مع الخميرة والميا الدافية تبقي ليها عرق ، نلتها كويس في الطبق بمعلقة خشب ونلاقيها ايها عرق زي الملوخية بس تقيل ، هو ده سر نجاحها عشان لما نيجي نقليها تتكور معانا في الزيت ، ونسيبها تخمر في مكان دافي ونغطيها بفوطة مبلولة . وبعدين نقليها بمعلقة صغيرة ناخدها من بين ايدينا ونحطها في الزيت السخن وتكون النار هادية عشان تستوي من كل الجهات وماتتحروقش وهي مش مستوية من جوا ونقلب ونكمل باقي الكمية بسرعة جدا ونحطها في الزيت عشان مايبقاش شوية استووا وشوية لسه بنعملهم ونحطهم في الزيت لأنها بتستوي علي طول وعاوزه سرعة وخفة يد .
ونكون عملنا شربات ونسيبه يبرد قبل القلي كوباية ونص سكر علي كوباية ميا ونص لمونه ونغمرها فيه لما تتصفي من الزيت.
نفتح الفرن ندفيه بس ونحطها تتخمر ونحط الخميرة مع الدقيق نقلبها ونحط الميا الدافيه في حفره في النص شويه شويه ونعجن بالمعلقة الخشب لحد ماتتظبط
ونخلي المعلقة بوذها في الزيت واحنا بنحط الزلابية نقليها وندور بإيدينا لحد ماالواحده الي بنحطها في الزيت تاخد شكل دايرة عشان لماتعد في الزيت تنفش وتبقي كوره شكلها مظبوط.