لا طفوله ولا مراهقه ولا مرحلة الشباب

السلام عليكم
لن اطيل عليكم اخواتي ان شاء الله
عمري 22

من طفولتي وانا ارى مشاكل ابي وامي وعراكاتهم الدائمه والتي لا نهايه لها
وبالمختصر الى يومكم هذا
حلمي الاكبر في حياتي كلها اني اكون عايشه في جو اسري هادئ ودافى ويكونو ابي وامي يحبون بعض او علاقتهم طبيعيه.
اختي الكبيره دخلت 30 سنه وزواجها قرب جننتنا ماقدرنا عليها عصبيه وعنيده ومتسلطه وانانيه وخبيثه
يمكن ماتصدقوني يابنات انا ما ابالغ والادهى من هذا كله (قوييييييييييييييييييه) كأنها رجال مو انثى ابدا تعبنا نفسيا منها انا واخواتي ابي وامي معطينا الصلاحيه في كل شي وهي منغسه علينا حياتنا وقاتلتنا وتغير من اختي اللي اكبر مني وخانقتها حسبي الله ونعم الوكيل فيها ( وكل يوم تزداد عن اللي قبله ) وين تبي توصل ؟ حتى ابوي ماقدر عليها

لاتقولو نشتكي لناس لأقارب احنى ناس مقطوعين من شجره واقاربنا في تبوك وعلاقتنا في الاقارب جدا جدا جدا رسميه (يعني مافي مجال).

جسمي يابنات انا طولي 160 و وزني 91 الحمدلله على كل حال
بس انا من صغري احلم بالنحف اسوي رجيمات وانحف وارجع لوزني الطبيعي
زهقتتتتتت من الحميات والرجيم والدكاتره وكل شي
والجو الاسري عندي مابيشجع على اي شي لا رجيم ولا حتى دراسه ولا اي شي.
واهلي للاسف كللللللهم متشائمييييين بطريقه عجيبه ونظرتهم للحياه سوداويه هذا اللي مأثر فيني ومخليني مني قادره اعيش حياتي بفرح وسلام
احباط احباط احباط بشكل غير طبيعي .
للمعلوميه انا لاعشت طفوله ولا عشت مراهقه ولا اعرف هالسوالف من عيشتي الضنكا الحمدلله على كل حال
كل ما اقول ببعد شوي عن اهلي واحاول انعزل الاقي المشاكل تلاحقني
يا حرب بين ابي وامي او تحرشات اختي اللعينه