لا حمولة ولا اهل يالله دخيلك الجنة :(

السلام عليكم
شخباركم بنات ؟

انا الصراحة مصدومة بشكل مو طبيعي .. ببداية زواجي فزيت بحمولتي وايد طيبين هاديين انطوائيين .. واستانست فيهم وحمدت ربي وانا ساكنة معهم بنفس البيت .. لكن مع الوقت بدت تطلع صفاتهم عدل يعني تخيلوا يتدخلون بكل شي مثل امه تقولي نقلي لمدينة ولدي وهي تبعد ساعة عن بيتنا الي احنا فيه قلت ما تسوى غربة عالفاضي وديرة هناك مو زين مو متطورة وجلست تقنعني وكل ما اقابلها هي وبناتها يجيبون طاري النقل طيب واخته زوجه يشتغل مع زوجي بنفس الشركة والمدينة ولا خلت بنتها تنقل ليه العين علي بس .. لكن طوفت لهم وقبل شهر كنت اسولف مع زوجي بخصوص اني ابي اتوظف وكان موافق ووضعنا سليم وقبل اسبوعين فتحت له الموضوع اني لقيت وظيفة صرخ بوجهي وهاوشني وقال ما ابي عيالي يربونهم شغالات قلت ماراح اخليهم عند شغالات بخليهم بحضانة بالمدرسة اللي بشتغل فيها ورفض انتي بتدخلين الشقة تعبانة وبتكشرين بوجه عيالي * طبعا صارلي سنة وللحين مو حامل * قلت ليه تستعجل وتقدم الشر وللحين ربي ما رزقنا بهالعيال وزعل وقلب الطلعة نكد وبنفس الليلة رحت اسلم على خواته والا اخته المتزوجة تقولي ايه قبل امس اسولف مع زوجك وانه جتني وظيفة ورفضتها وقلت ليه ارجع من الدوام تعبانة واكشر بوجه عيالي !! وفوق كذا مابي عيالي يربونهم شغالات والا حضانة ما اضمنهم .. انا يوم قالت هالكلام كشفتها وعرفت انها هي اللي تحشر زوجي وتعبي راسه علي ..
وانا والله بحاجة وظيفة زوجي صح راتبه عالي لكن بخيل بالصرف علي ما يعطيني الا 500 بالشهر !! متخيلين واذا خلصت وطلبت منه عصب علي واني انانية واني مبذرة بالله عليكم مو شي يقهر .. ولا يتدخلون ليه اهلك ما يجونك يزورونك حنا مستغربين قلت اهلي يستحون يسيرون وانا ببيت حمولة قالوا لا عادي مافيها شي قلت لا والله اهلي خجولين وبالصحيح اهلي من يوم تملكت وهم قالبين علي خواتي نبذوني لاني تزوجت قبلهم وانا اصغر منهم وخربت عليهم ترتيب الزواج بمخيلتهم الكبيرة قبل الصغيرة .. وامي تغار مني بكل شي ليه زوجك شرى لك ليه زوجك عطاك وليه وليه .. ولو اجيب اي شي لشقتي ماشاء الله على زوجي يعلمهم بكل شي بسوالف اهلي بسوالفنا بكل حاجة وانا ورب البيت ماعمري فاتحت اهلي ولا كلمتهم بسوالف اهله مع انهم مقطوعين من شجرة متهاوشين مع كلن مع عمامهم وخوالهم ولا يزورون اللي مناسبينهم ولا جيرانهم ولا شي .

خروجك كن بيت اهل زوجك يحل كثييير من المشاكل
تحملي تعيشي بالغربه ولا اعيش مع اهل زوجي

المفروض تفرحين انك بتكوني قريبه منه

ثانيا اذا زوجك مرتاح ماديا انا كموظفه اقولك ارتاحي واجلسي فبيتك احسلك من تعب الشغل واذا الله رزقكبعيال تربينهم بنفسك وهذا من تجربتي معاناه شديده مع بناتي فتربيتهم وهم بنتين لو اكثر كان شاب راسي

ثالثا وقت فراغك احفظي القراءن وهذا افضل استثمار فحياتك ويا بخت من حفظ كتاب الله يجد نور وضياء في قلبه ووجه وانشراح في صدره وسعاده غريبه وتنصلح حياته

رابعا استغفري ليل نهار وباذن الله تزين حياتك اكثر

زوجك فرصه لحين ما معك عيال تزيدي فرصة الحب والحنان تحتوينه وتخلينه يموت عليكي ولو هو موافق تنقلين لعنده ليش لا روحي واستانسي وانبطستي معها ليس تقعدين بيت اهله وهو يبغيك جنبه ولاتجلسين تقارنين انا واخته انا وعمته وش لك بهم عليك من زوجك حبيبيك

ولو مو موافق خلاص خليه ع راحته المهم احتويه كوني حنونه غرقيه حب خليه يموت عليك وش لك بالمقارنات انا واخته انا مدري من عليك من حياتك كيف تكون