السلام عليكم عندي ابني البكر عمرة13 عاما ولازال يخاف وعنده حركات مثلا اذا سكر باب سيارة بيدة اليمين لازم يمس الباب بيدة اليسار يعني اي شي يسويه بيده لازم يلمسه بيده الثانيه ودايما يصفق صفقه وحدة قال تعودت وما احس نفسي حتى اصفق اخاف يكون فيه شي..واذا دخل الحمام يجلس ساعه لين يخلص الوضوء او الاستحمام ..كيف اقنعه انه يبطل هالحركات لمس الاشياء مرتين مثلا او التصفيق وهل اقول له اذا ما بطلت هالشي الناس راح يقولون عنك انك مريض نفسي والا شو اسوي؟؟؟؟ ارجوكم ساعدوني باسرع طريقه اخاف ولدي يضيع مني او يجيه شي بسبب نصايحي اترك هالشي واترك هالشي وسو كذي ..
اختي العزيزه انا رايي تشوفي مواقع طبيه بالنت توصفي حالت ابنك لدكتور نفسي وهو ينصحك
في موقع الطبي بس اكتبي طبي ع قوقل
وممكن تستشيري اخصائيه اجتماعيه او نفسيه من خلالك فقط ولا تعرضي ابنك عليها تخافي يتأثر نفسيا
انا هذه نصيحتي
الله يعافيه الك
مثل ماقالت (( لمة حبايب )) استشيري اخصائية
وهي بإذن الله راح تفيدج بعد الله ..
اتوقع الطفل يحتاج لتكامل حسي ..وعلى كل حال ..استشيري اخصائية تفسية افضل
ماعندي فكرة كيف تساعدينه
ولكن أكبر غلط إنك تقولين له مريض نفسي .. لإنه بيعتبر نفسه طول عمره مريض نفسي!
لا تجيبين له طاري النفسية .. خاصة بعمره يتحسس بقوه ..
ولكن أنا ما أحسه مشكلة كبيرة الحمدلله
ابحثي بالنت عن موقع اسمه استشارات إسلام ويب
فيه دكاتره ممكن انهم يفيدونك ولكن اشرحي المشكلة بشكل مفصل أكثر
حبيبتي انا برإئي لا تقولين لابنك انو راح تعرضيه للدكتور
هيك راح تولدي عندو مشاعر خوف جديده
لانو الاطفال يخافوا لمجرد سماع كلمه طبيب
انا انصحك انك انتي تكوني طبيبة طفلك
اجلسي معه بكل حب وهدوء وفهمي
انو هي الاشياء يلي عم يعملها مش منيحه
وفي حركات افضل من هيك متل التصفيق اكتر من مره
يعني حاولي تكسبي طفلك بصفتك الدكتوره تبعو
والله المستعان حبيبتي
تحيتي
الولد واضح يشك بان اللي عمله صح او لا ! يتاكد من الباب مرتين يطول وهو يتوضا او يتحمم حتى بالتصفيق يشك انه صفق او لا
اذا تبغيه تجيه حالة نفسية قولي له الناس راح يقولون عنك مريض نفسي !
راح يظل طول وقتها يفكر بالناس ومايركز على تصرفه
انصحك تحكين له قصص الايمان وتعطينه نصيحة واضحة نهاية القصة ،، مثلا حكاية خياليه عن ولد في اي مكان واجهته مشكله ضاعت مثلا فلوس دعى الله وتوكل عليه وتذكر انه نسيها كذا واخذها وانبسط مع اصحابه بعدين والنصيحة لما يصير اي حاجة لك تتضايق فيها توكل على الله اوادعيه وقولي له حديث واشرحي الاحاديث لانها كلها قصص تربوية والله !
وانك تخبرينه ان الانسان لما يتوضا مثلا يتوضا مره وحدة واذا شك بطاهرته لا يتوضا ثاني لانه من الشيطان يشككه بنفسه ،، وفيه احاديث كثيره عن الوضوء والطهارة خبريه توكل على الله وصلي
لازم تقول بسم الله قبل تتوضا عشان ما يغلطك الشيطان
والسيارة كمان نفس الحكاية ،، قولي له مثلا ابوك ماراح يخاصمك فانت اقفل الباب مره وحده اليوم وبكره ارجع شوف راح تلاقيه مقفول مايحتاج تتاكد وخليه يطبق مثلا لو خرجتو ورجعتو انه يقفل السيارة بيد وقولي له خلاص خلينا نروح وبكره تشوفها لو رجع وشافها مقفول خلاص بيثق انه مايحتاج يستخدم يدين وقول له كلنا نقفل الباب بيد عادي لو قفلته بيد ما يضرك عشان لا تقعد تتاخر تقفل وتتاكد مره وحده وثابته انت ولدي وشاطر احسن اولادي انا عارفه انك تحب ابوك عشان كذا تتاكد بس لا تتاكد كثير ياولدي
انا ما ابغاك تشك كثير بالاشياء اللي انت تسويها لانك صح وكذا يعني كلميه بتودد ولطافة !
مو سوي كذا لو ماسويت يالله انت نفسي !
مشكلتي كثير مراهقات وبنات تعرضو بمراهقتهم لكلمات معينة خلت تفكيرهم للان سلبي سوا على انفسهم او اهلهم !
المراهقين يحتاجلهم تمسكي بكتفه وتعامليه انت مثلي انا افتخر فيك مو بيده وتسحبيه لقدامه !
لازم يعرف اللي واره واللي قدامه عشان ياخذ خطواته ويكون على النهج الصح معاك
تكوني معاه تعطيه قصص جوا هالقصة هو يستخرج الفائدة بنفسه وخليه يطبق يغلط ويتعدل وخليه يختار قراراته ولكن بعد ماتتاكدي انك ربيته على مفاهيم صح !
ماينفع تجبري المراهق او تكلميه على انه جاهل لانه بيشوفك انتي جاهله ويشك في قدراتك والاجبار مع الاجبار ينتج عنه تمرد ولكن وقت الاغلاط فيه تاديب طبعا وفيه ضرب وقت الغلط وفيه نصح ولكن على حسب طفلك !
استشيري طبيبة فيه مواقع واطباء كثير ممكن تتواصلي معاهم انتي وهم بس بدون علم ابنك مثل الان اذا كنت تظني انه سيتاثر وممكن تشوفي محاضرات لتربية الاطفال او تشتري كتب
الكلام اللي قلته وجهه نظري واسلوب امي اللي تربيت فيه ،، يمكن فيه الصحة وفيه الغلط وممكن اذا نفع معنا ما ينفع مع الغير ولكن حبيت ارد " ابدا مو كلام طبيب نفسي " ولكن نهج الرسول وحكايات الاحاديث اؤمن انها اعظم تربية لكل مراحل الانسان صغير او كبير
وانا اقول الاخت (
ذكري ) كفت ووفت بالكلام .
ما عندي زود ,,
هي ما قصرت
وعسي ربي يحفظ لج ولدج من كل سوء ومكروه .