كل وحدة تدخل وتكتب عن فطور أول يوم رمضان

مرحبا بنات الرمضان ما بقى علية شئ وأحنا الحريم سواء كنا موظفات أو في البيوت شغلنا واحد وهو دخول المطبخ من الظهر. فياريت كل وحدة تكتب شو ناوية أتفطر أهلها لول يوم وممكن ناخذ من بعضنا البعض وانطبقة لبقية الأيام.

بالنسبة لي أنا أول يوم فطور راح يكون عبارة عن:

1- شوربة لحم أو دجاج بالبر
2- برياني أو مكبوس باللحم أو الدجاج أو السمك يعتمد
3 – سمبوسة دجاج وسمبوسة بيض وجبن
4- بيتزا
5-سلطة
6- التمر أو الرطب إذا توفر
7- طحينية للتمر
8- الحلو راح يكون عبارة عن لقيمات أو أصابع الجبن بالعسل

بالنسبة للمشروبات طبعا اللبن في المقدمة + العصير

طبعا كل هذيك الأصناف بتكون بكميات قليلة عشان ما يفظل شئ ونرمية حرام بس أنا أحب التنويع