كل صدر فيه من الاحزان ســـــاحه

كل صدر فيه من الاحزان ســـــاحه…

مايسر البـال ويزيـد انشراحـه

غير طاعة من خلق فالجسم روح
و
البعد عما يسد النفـس راحـه

في كلام الجـد والا فـي مـزوح

لازم الشده يجي معهـا سماحـه

كان تقدر للجزاء خلـك سمـوح

مايغثك غير مـن فيهـم وقاحـه

لابلاك الله بهـم وانتـه نصـوح

مايهم القلب لـو زادت جراحـه

المهم اش قـد تاثيـر الجـروح

لايغرك ضحك من يكثـر مزاحـه

يمكن انه لاختلـى يقعـد ينـوح

شوف صدري فيه للضيقات واحه

رسمها بالعين ياضح لك وضوح

مابقى للهم فـي قلبـي مساحـه

كل جزءٍ فيـه بهمومـي يفـوح

اتصبـر واطلـب الله الابـاحـه

واكتـم الاهـات مـاودي ابـوح

مابغيت افصح واخليهـا نياحـه

بس وقتي دوم بافراحي شحـوح

كل صدرٍ فيـه للاحـزان ساحـه

غير ساحات المسـره والفـروح

بس بعض الناس باسلوبه بجاحه

دايما تلقاه فـي هرجـه لحـوح

اكثر العالم تضيق من الصراحـه

بس ضيقة وقت ماتبطي تـروح

لاجلس وحده صفق راحه براحه

وايقن ان العلم مايبغـى شـروح

في بحور الشعر يازين السباحـه

ومن خيوله ماحلى عسف الجموح

لاكتبت الشعـر ودي بالفصاحـه

لان شعري دايمـا قافـه يلـوح

وجودكم في صفحاتي هو احدى معايير جودتها .!!
و من دواعي سروري أن يكون أشخاص مثلكم موجودين في صفحاتي !
أردت أن أجاري اقلامكم .. فانحنت الريشة محسورة عن الإفصاح بما في داخلي
من كثير شكر وغفير امتنان ..