الصراحه من زمان عن المنتديات واكتب موضوع طبخ وهالاشياء
القديمه اللي كان لها طعم
بس اليوم شاركت بالمنتدى وعجبني وحبيت كذا
اضيف لكم شيء من وصفاتي
^ تشوفون هاللذيذ اللي فوق
انصحكم جميعا تجربونه خصوصا مع الصوص حقه
مراح اطول عليكم
المقادير :
بطاطس مقشره ومسلوقه
بهارات ( ملح – فلفل اسود – بهارات بنيه – اي بهارات تحبينها – ثوم )
جبن مثلث
شوي دقيق
بيض
باقسماط
زيت للقلي
الطريقه :
تاخذين البطاطس المقشر المسلوق وتهرسينه هرس بعدين تضيفين له البهارات وشوي دقيق عشان يتماسك بس ذوقيه قبل لانه غالبا يصير ماصخ لو اضفتي ملح يبي له ملح كثير
بعد ماتتبلين البطاطس تجي الخطوه الثانيه خوذي كميه قليله من البطاطس وافرديها بيدينك على شكل دائره وحطي داخلها قطعة جبن بعدين كوريها بس اهم شيء تكون الدوائر صغار ومرتبات مو فيها تضاريس
بعد ماتخلصين حطيها بالبيض بعدين البقسماط
ودخليها شوي الثلاجه بعدين اقليها
طبعا تقدم مع الصوص حقها البي يجمع النكهه الحاره والحلوه والحامضه
مقادير الصوص :
ملعقة كاتشب
ملعقة شطه
نص ملعقه صويا
ذرة نشا
وملعقة او ملعقتين ليمون مثل ماتحبون حموضته
بعدين تخلطين هالمكونات ويطلع لك صوص لذيذ
عاد انتِ تفنني بتزيينه مع الطبق
وبالعافيه
لذيذه ، الشگل بيشهي ، عليگ بالعاآفيه …♥~
شكلهآ مررره لذيذ ، الله يعطيك ألف عآفية ^^
شكلها بتشهي
ماشاء الله فنانة .. يسلمو حبيبتي