مرحبا لا كل اللي عم بقرأ قصه ولادتي الاولى ببنتي نتالي …… ولا كل اللي مقبله على ولاده تئوووم بالسلامه
بدايه قصتي كانت هوون بأستشااره على المنتدى …. اللي كان صااير معي قبل اسبووع من ولادتي بلش ينزل علي افرازاات خفيفه جدا بنيه الصرااحه انا كيفت ئلت خلص يا رب فرجك رح ارتاح واخلف اخيرا ويخف الحمل 
ههههههههه لاكن للاسف ما كان فييي وجع او طلق !! حكتلي إمي اصبري لا بكرا وبنروح على الدكتووور وفعلا اجى الصبح وانا لسه مصمده ما في وجع 
الساعه 10 رحت على الدكتوور الله يساامحه بس ما رح احكي اكتر حكالي يلا فحص داخلي صيحه رقم 1 لا تخافوا من الفحص الداخلي لانه ايد عن ايد واسلوب عن اسلووب بيختلف سدئووني 
المهم وفعلا فحصني داخلي وكان كأنه دااخل معركه هااد اقل وصف عليييه
ههههههه
والل ما بخبي عليكوا صرخت ع طوول صووتي من الوجع وصرت ابكي بس خلص امي بتحكيلي اللي بده الدح ما بحكي ااااح 
حكالي الراس نازل يا بنتي ع الاخر وعندك توسع 2 بس لسه عنق الرحم لا داخل اصبري على حالك 
وروحت ع البيت وانا منهاااره حكيييت ازا هيك الفحص الدااخلي كيف الولادة !!!!!!!!!!!!
تاني يوم نزل علي كتل بنيه وراااحت اكرمكم الله … وبعدها طوول الاسبووع صار ينزل علي افرازات خضراااء واحيانا بني لاكن بدوون وجع والكل كان يحكي شكل اشي روحي ع الدكتوور اشي لا ترووحي ما في دااعي هااي علاماات ولاده اصبري كله بتصييير دكااتره توليد يخزي العيين 
بعد مرور اسبووع انا بحاله لا توووصف حايره بأمري شوو اسووي وفعلا لجئت لا المنتدى وطرحت موضوعي والكل كان مؤيد الروحه على الدكتور او على المستشفى
كان هااد يوم سبت تاريخ 1-10 وفعلا رفعت خط على دكتوور شااطر وشرحتله وضعي حكاالي دغري بوجهك على المستشفى بيكوون البيبي تبرز ببطنك وانا سمعت هالحكي من هوون واعمل منااحه واصرخ ع زووجي وع اهلي عجبت فيهم هههههههههههه
وفعلا لبست ورحت على المستشفى انا و زوجي وامي
ودغري ع الفحص الدااخلي … فحصتني السيستر داخلي ومااحسيييت فيها انها بتفحصني الم بسييييط جدا .. حكتلي انت ما عندك افرازاات خضرااء هااي يمكن تكوون التهاابات بيكوون فيي خوف لمى تكوون المي خضرا وعندك توسع 2 س بس ما في ولاده عندك لمى يصير عندك وجع تعالي
سألناها عن دكتوره ممكن نستفيييد منها ورحنا عليها فحصتني كمااااااااان مره داخلي ههههههههههه وما في الم الم بسييط
وحكتلي عندك توسع 2سم + يعني 2 ونص وعنق الرحم عندك جدا هش وما عندك اي شييي مخيييف .. طبعا يا صبايا انا بطني كاان جدا كبيير وزااد وزني جدا بالحمل فحكتلي تعالي بكرا اخلفك شكله وزن البيبي كبيير وخلص بيكفي انت مبين عليكي تعبانه وزااد وزنك انا الصرااحه كيفت
و وافقت بدوون تردد ابدا صحيت الفجر ركعت ركعتين لا ربنا ودعييييت وبكيييت واترجيييت الله واتوكلت عليييه قرأت سوره مريم و يس والمعوذاات والزلزله ودعييت بالادعيه الخاصه بالولاده وطلعت من بيتي الساعه 6 وربع
وفعلا الساعه 7 الصبح كنت بالمستشفى
لبسووني المريوول واعطوني طلق اصطنااعي وفاتت علي امي طبعا امي خوويفه فااتت علي ما بدها تفرجيني دمووعها سألتني شوو حطوولك وحابسه دموعها حبس صرت اضحك هههههههههه حكيتلها ما بعرف يمكن طلق اصطناااعي 
نصيحه رقم 2 روحي وانتي متوكله على الله ورح تكووني مرتااحه جدا التسااهيل بس من عند ربنا مو من ابره ولا من الدكتور س او ص من ربنا
بلش الطلق زي الم الدوره خفيف ومنتظم بعد بشووي نزلولي ميه الراااس طبعا رح تستغربوا انا ما كنت متوجعه كان كله الم وبئدر استحمله كنت اصبر حاالي واتنفس بطريه منتظمه شهيييق زفييير جدا بسااعد بتخفيف الوجع لمى زااد الطلق كنت بقرأ سوره الزلزله وبدعي ربنا يسهل امري بلوئت هااد فات عندي زووجي ومبين الخووف عليييه 
كان بدي حدا يضل عندي ينسيني الوجع حكيتله خلييك عندي وانا بتوجع بهدوووئ حكاالي هلا برجع شووي وبرجعلك هههههههه ورااح وما رجع
واحكي لا السيستر نادي امي كان تتحجج كل شووي بقصه مره طلعت ومره رااحت هوون عرفت انه الاتنين خاايفين وما حدا مسترجي يدخل عندي
صاارت الساعه 8 وتلت زااد الوجع فحصتني داخلي كان التوسع كاامل الدكتووره روماانيه هوون شوو حكتلي يلا ماما شد زي اللي معه امسااك اقوى ما عندك يلا ماما الراس مرتفع انت بدك تنزله هوون انا صرت اضحك هههههه وفعلا ع كل طلئه كنت اشد وادفع اشد وادفع 
وشد يلي بتشد ههههه تعرفوا كان اسهل علي استحمل الطلقه وانا بشد اسهل ما استحملها وانا متمدده وفعلا لمى بين عليها الراس نئلتني لا الغرفه وحطتني على سرير الولاده ويلا شدييييييييييييييييييييييي
اول مره تاني مره تالت مره لمى خلص حسيييت لمى شقتني ولمى طلع الرااا س وهوون انا صرخت على طووووووووووووووووووووووووووووووووووووووووووووووووو ول صووتي 
وبعدها داار البنج حسيت بالبنت لمى طلعت بالايدين والرجليين وسمعت صووت البكى ورحت بقيلوله صحيت وهما لسى بكملوا شغلهم بسأل السيستر انا خلصت حكتلي اه رديت صحيت كمااان مره بئلها متأكده انا خلصت حكتلي اه ضحكت وكملت نوومتي وما وعييت الا انا بالغرفه وزوجي وامي حولي وبحكوولي عن البنت بس لسه ما كنت بكامل وعيي
واخيرا كانت ولادتي سهله الحمدالله بفضل رب العالمين والتوكل ع الله اجت حبيبتي نتالي يوم الاحد 2-10- وزنها 3 كيلو 400 غ يلي مو نيمتني اليل لانها طول النهاار نايمه ومتغلبه بالرضاعه الطبيعيه بسبب الحلماات بتمنى لا كل حامل تئووم بالسلامه وشكرا لا المنتدى انا بعتبره كان سبب راائع بولادتي وتحيااتي لا الجمييع انا عاارفه قصه طوويله بتمنى تكونوا استمتعتوا و استفدتوا …. بااي
الحمدالله على السلامة
وتتربى بعزك ان شالله يا رب
بدي اسألك كيف التعامل انا اردنية
بس مو بالاردن حاليا بس لقدام ممكن نرجع
نتالي حبيبه امها
الف الحمد الله على السلامه
تتربى بعزكم
صدق اهم حاجه بلولده التنفس والطلق الصناعي انا مجربتو اهون بكتير من الطبيعي
الله يسلمك حبيبه البي وترجعي بالسلامه التعالمل جدا رااائع وكلام حلوو كله حبيبتي وماما وبرفعه المعنويه الصرااحه انا ولدت بالراهبات الورديه
ام سوسن الله يسلمك حبيبه البي كلك زووووئ يا عمري انشالله يستفيدوا المقبلات ع الولاده ويخودوا بنصيحتنا
حمد الله على سلامتك بنوتة زي القمر الله يخليها وتفرحي فيها
بس احكيلي غيداء انتي حاطة شريط الحمل يعني انتي هلا على وجه ولادة مرة تانية
يا حبيببببببببببببببتييييييييي
بتجن ولابسة حلق من زمان ما شفت بنت لابسة حلق
نورت القسم حبيبة قلبي واحلى تقيوم مو الك للننوسة تقبلي مروري