قصه واقعيه فيها المتعه والقدره الالهيه ادخلوا وما راح تندموا

السلام عليكم ورحمة الله وبركاته

كيفكم ياخوات
اليوم جايبه لكم قصه حقيقيه ميه بالميه صارت مع خالتي بسردها عليكم كالاتي:

خالتي مزوجه وهي عايشه هي وزوجها في بيت لحالهم الاثنين موظفين
في يوم من الايام وفي الصباح كالعاده كل منهم ذهب لوظيفته ولما رجعت خالتي وعلى غير العاده لقيت باب الشقه مو مقفل باحكام دخلت البيت لقيته مسررررررررررروق تفاجأت وانصدمت طبعا البيت مو في عماره يعني منفرد وما حد بينتبه من اللي بيدخل او يخرج طبعا المسكينه دخلت تشوف وايش اللي انسرق طلع سارق شويه فلوس ومسجل يجي فيه تلفزيون وياريته بتاعهم هو حق صاحب زوج خالتي وسرق ملابس "الحمدلله" ماكان في مجوهرات عشان تنسرق بس للأسف سرق صوره لخالتي وهذه كانت الصاعقه بحثوا بلغوا الشرطه ما وصلوا لشيء
مرت الايام والشهور ونسيوا الموضوع بعد تقريبا اقل من سنه خالي نزل من البيت (بيت جدي مش بيت خالتي) الا واحد يجي لعنده يعرض عليه بعض الاشياء يشتريها وكان من بين الاشياء
.
.
.
.
.
.
.
.
.ايش تتوقعوا
.
.
.
.
.
.
صوره لخالتي
خالي تفاجىء بس قال له لحظه بس اطلع اجيب الفلوس من البيت واجيك
طلع خالي نادى اخوالي الباقيين ومسكوه وطلبوا الشرطه ومسكوه طبعا الاغراض اللي سرقها من بيت خالتي كلها قد باعها كان باقي الصوره وتصدقوا لو قلتلكم أن خالتي اللي انسرق بيتها في محافظه وبيت جدي اللي فيه اخوالي بمحافظه ثانيه سبحان الله اللي جاب السارق لعند بيت جدي عشان يعرض الصوره قدره الله فوق كل شي

والله العظيم ان القصه حقيقيه وممكن اكون مش دقيقه بالاشياء الثانويه بس الاشياء الرئيسيه في القصه وموضوعها صحيح ميه بالميه