السلام عليكم، سبب كتابة قصتي لأني قبل 3شهور كنت أبحث عن تجارب للحريم شالوا الورم من الرحم وماكنت القى الجواب الكافي حول الموضوع وأخذت على عاتقي أني بس أسوي العمليه وأتحسن بكتب تجربتي بالتفاصيل في بداية أنا متزوجه من 4سنوات ونص وماحملت كنت اروح من مستشفى لثاني وهذا أكبر غلط لازم يكون لك دكتورة وحده تبحثين عنها تكون شاطره وفاهمه واستمري معها واستمري في العلاج مو شهر تراجعين و10تقعدين مثلي المهم اول مااكتشفت الورم كان حجمه صغير تقريبا 6 بس وكانوا يقولون عادي مايمنع الحمل وانا كان عندي تكيسات بعد ودورتي من بعد الزواج ماصار منتظمه تغيب بالشهور مع الوقت بدأ يكبر وبدأ وزني يزيد وخصوصا البطن والله كل من يشوفني يفكرني حامل وحتى لما كنت اروح المستشفى الحريم يسألون في كم حامل قالوا ماني حامل الكل يستغرب المهم وكان يجيني نزيف مو طبيعي كميه الدم غزيرة وكتل كبيره ويظل شهر ومايوقف الا بالحبوب ومره من المرات تأخرت الدورة كالعادة وقررت أروح دكتور شاطر جلست ابحث انا من سكان جدة لقيت دكتور وليد إدريس في مستشفى خالد إدريس وكان الموعد عنده بعيد مره فرحت لزكريا في نفس المستشفى الله يسامحه افجعني قال وينك عن عمرك الورم صار كبير جدا لو تاخرت أكثر ممكن يعدم الرحم بالكامل وهذا التقرير روحي اي مستشفى تأكدي وخرجت من عنده الله وحده يعلم بحالتي واليوم الثاني رحت عند دكتورة في مستوصف عبير في الشرفيه اسمها شاهيناز وقالت لي نفس الكلام خرجت كل تفكيري وين اروح أسوي العمليه قررت اروح مستشفى الاطباء المتحدون في بدايه رحت عند نيرمين وهي حولتني عند فاطمه النمر بس مواعيدها بعيده وإلغوا موعدي مرتين بسبب انها مشغوله بالعمليات فخفت أطول وتأخير مو من صالحي فتركتها ودخلت موقعهم وشفت الاطباء اللي عندهم كان من بينهم الدكتور أنس المرزوقي تخصصه اورام نسائيه ودخلت أبحث عنه في النت واأكثر من وحده مدحته توكلت على الله ورحت له وقال نفس الشي وأخذت موعد للعمليه كانت بعد أسبوع ووقعت على ورقه انه في حالة صار اأي مضاعفات راح يشيلون الرحم عاد فيكم تتخيلون وضعي خوف وتوتر وتعب ووقتها كان عندي نزيف وكنت خايفه يشيلونه وماأصير أم كانت أصعب أيام حياتي بس الحمدلله ماتركت الدعاء والاستغفار
جاء اليوم المحدد للعمليه وكانت حرارتي مرتفعه فالدكتور أجل العمليه بعد يومين ورحت بس كان الخوف في المره الثانيه بسيط لاني اخذت انطبع عن الاجراءات االمهم وقت العمليه طلبت تخدير كامل والحمدلله نجحت العمليه كانت المفروض ساعه ونص ظليت 3ساعات ونص لان كان كبير وداخل الرحم حتى الدكتور قال بصراحه كبير مدري كيف كنتي متحمله وجوده داخل رحمك تكلفة العمليه 30 الف غالي مره بس الصحه أغلى وأنا وضعي المادي متوسط أضطريت أستلفها بس يقول وش حدك على المر قال اللي امر منه وعلى الفكره أنا سويت حجامه مرتين أنصحكم فيها ماجابت نتيجه في الورم والحمل لكن جابت نتيجه في النشاط وتحسين جسمك خفيف
الحين صار لي شهرين وأسبوع من سويتها طبعا كانت بالليزر
دعواتكم لي بالذريه الصالحه وكل من تتمنى
حاولت اختصر واعطيكم المفيد وأسأل الله العظيم رب العرش العظيم أن يشفي كل مريض ويكتب أجره ويصبره على ماقدر الله عليه ويرزقك كل من يتمنى الذريه بالذريه الصالحه وتقر عينه بهم آمين