سلاااام
راح أقول لكم قصة ولادتي اللي كانت بالنسبة لي سالفة طويلة
في يوم 22-2 كان عندي آلام خفيفة تجي وتروح وبما أني ماولدت طبيعي من قبل ما كنت متأكدة إذا اللي فيني طلق حقيقي ولاا كاذب فقلت لزوجي خلنه نروح نمشي رحت مشيت في الممشى لين طلعت روحي من المشي وكان فيني الألم وأستمر الالم معاي وأبتده ينتظم تقريبا ثاني يوم تاريخ 23/2 فخبرت أمي قالت لي روحي المستشفى تطمني أحسن رحت المستشفى العصر فحصوني قلو أنج واحد وقالو لي بداية الطلق بس مو شرط تولدين اللحين يمكن تاخذين حتى ليه أسبووووع لانه أنتي عبارة اللحين مثل البجر
أهنييييي آنه بطلت عيوني وقلت لا شكلي ريضه المهم أستمر الألم معاي ليه في الليل كنت بيت خالتي رجعت ساعة وحده في الليل البيت رحت الحمام جفت دم أهني حسيت بالخوف واتصلت بأمي علشان تجي تاخذني وأتصلت لزوجي وقلت له أطلع من الشغل شكلي باولد
طولت عليكم هاااااا
رحت المستشفى كان ثلاثة سانتي تصورو يومين وآنه بس ثلاثة بس رحت عندهم لعبو فني لعب وحده رايحه وحده جايه تدخل يدها طلعت روحي لين وصلت سبعة سانتي قلت لهم بس خلاص باموووت ولدوني قيصرية قالو أي قيصرية خلاااص قربتي تولدين وكل شوي أقوول لعم ودوني الحمااام باروح الحمام ويقولون لي مايصير شوي وقالو خلاص عشرة يلااااا عصري عصري والهندية تقول لي بوووش بوووش وآنه مو قادرة أدفع من التعب وقلة النوم والصراخ طول مدة الطلق قالو لي لاتصرخين دقات قلب البيبي قاعدة تنزل أهني خفت ومن خوفي قمت أدفع وهمه يشجعوني ممتازة ممتازة:) ودفعت كم دفعة وبين كل طلق والثاني أصك عيني بانام ماشفت نفسي أله فجأة صرخت صرخة وألاا البيبي نزل مني ساعة سبع ألا ربع تاريخ 24/2
أدري طولت عليكم
بس ترى هاي والله بأختصار وفي وايد أشياء صارت ماكتبتها لكم يزعم هههه قصتي كانت وايد طويلة يومين من الألم والطلق لكن الحمدلله والشكر على هالنعمة الله يرزق كل محرومة ألم الولادة… آآآآآآآآآآخ
الحمدالله على السلامه مبروك المولود
الحمدلله على سلامتك ومبروك بالمولود يتربى في عزكم
ألف الحمدلله على السلامة يا أم أحمد
الله عانك…يومين من الطلق!!!؟
شفتي كيف ربنا رحيم ويسرها لك وولدتي طبيعي
الحمدلله على كل حال والف الحمدلله
على سلامتك وسلامة هادي
الله يحفظه لك ويجعله قرة عين لك ولوالده
ها بس لاتنسين تحطي الصوره في انتظاااارك
الحمدللة ع السلامة يالغلا ويتربى بعزك وعز ابوة انشاللة
يالله الحمد لله على سلامتش وسلامة المولود كلة ينسى
صدق صراحة اني اخاف من اسمع عن الولادة بعدي ما حملت واحاتي الولادة
لاني جربت السقط بغيت اموت من الطلق لو ما عملوا الي تنظيف مت كنت بنتحر هههههههههههههه
انتحار مرة واحدة شلون الطلق للولادة ههههههههههه
الحمدالله على سلامتك وألف مبرووووك علىالمولد يتربى بعزكم إن شاء