السلام عليكم ورعمة الله وبركاته
هلأ رح اكتبلكم القصة التانية لحملي وولادتي…..
طبعا كان الي متزوجة تقريبا سنتين ونص .. زكان عندي بنت ( زينة )
كان عمرها سنة وكم شهر لما قررت احمل.. 
طبعا كان زوجي متحمس للحمل اكتر مني.. طبعا لإنه مو هو اللي بيحمل وبيولد 
طبعا سبحان الله حتى لو ما كنت حابة كتير احمل بس ازا ما صار حمل
بسرعة .. بتكركب وبحس انه في عندي مشكلة .. المهم 
صرت استنى كل شهر .. ولما تيجيني الدورة ازعل
وزوجي كمان 
لحتى قررت اروح عند الدكتورة وافحص…
لما رحت عند الدكتورة حكتلي انه عندي التهابات وقرحة بالرحم
وزعلت كتير لإني ما بحب العلاجات كتير 
بس في النهاية استسلمت طبعا 
والعلاج اخد كم شهر .. اول شي عطتني تحاميل
وبعدين عملتلي كوي .. 
وبعدها طبعا كنت بترقب بالدورة.. وتأخرت عن موعدها 5 ايام 
وجبت جهاز الفحص المنزلي 
والحمد لله طلعت حامل .. بس الخط كان خفيف كتير
وزوجي ما رضي يصدق غير لما رحنا ع الدكتورة واكدتلنا الحمل
والحمد لله .. انبسطنا كتير 
المهم طبعا بلشت عندي حملة الاستفراغ وفقدان الشهية 
ولما اجى الموعد التاني للدكتورة .. حكتلنا انه في عندي انحراف بالرحم
والحمل جاي على جنب الرحم .. وزعلت وخفت كتير
بس وكلت امري لله وما رضيت اخد اي مثبت .. لإني خفت جسمي يتعود عليه
حاولت اريح حالي شوي زي ما حكتلي الدكتور .. بس مو دايما بينفع 
خصوصا اني عندي طفلة وكانت عفريتة بتغلب وما بتهدا ..
المهم بعدين صرت بالشهر الرابع وبلش البيبي يتحرك 
وهاي لحظات حلوة ربنا ما يحرمها لحدا
ورحنا ع الدكتورة وكنا حابين نعرف بنت ولا ولد ..
وما بين كان مسكر رجليه..
وكنت كل ما اروح عند الدكتورة تحكيلي انه حملك نازل لتحت ..
وانه المشيمة فوق الرحم.. وهاد ممكن يخليكي تولدي قيصري
وكنت موكلة امري لله
المهم بالشهر السادس رحنا كمان ع الدكتورة .. وحكتلنا انه ولد ..
وبصراحة انبسطنا كتير.. لإنه عنا بنت وحابين يكون ولد..
وصرنا ندور ع اسم كنا بدنا نسمي كرم.. او زيد
بعدين بالشهر السابع صار عندي بواسير…
وبطلت اقدر اقعد او اوقف من الوجع
رحنا ع الدكتورة وهي اللي حكتلنا انه بواسير واعطتني علاج..
والحمد لله استفدت عليه ..
وبالشهر التامن طبعا انا الآن متل البرميل اللي الو ادين ورجلين
وصرت زي الدبدوبة وكالعادة .. لا بقدر انام ولا اقلب حالي
وتعبت كتير في اهاد الحمل
وبالتاسع زادت الأمور صعوبة
وتعبت كتير بس الحمد لله الدكتورة طمنتني انه المشيمة نزلت ورح اولد طبيعي..
وارتحت كتير لإني منت خايفة من هالموضوع
والمرة الجاي بكمللكم لإني تعبت
بدي ردود حلوة بلاش ازعل 
حياااااتييييي
كنت عم بستنى قصة ولادتك التانية
الله يخليلك ولادك يارب وتشوفيهم دكاترة
يلا بس ترتاحي بتكمليلنا
ولا يهمك حبيبتي …
ربنا يرزقك اللي بتتمني يا عسل
|
المشاركة الأصلية كتبت بواسطة small rose
 ولا يهمك حبيبتي …
ربنا يرزقك اللي بتتمني يا عسل |
تسلميلي يا احلى دلول
مشكوره قصه حلوه
|
المشاركة الأصلية كتبت بواسطة ملاك الروح2
مشكوره قصه حلوه
|
شكرا لوجودك ولمرورك الجميل
قصص ولادتك عنجد قصص
سبحان الله بستنى التكملة يا حلوة
والله يرزقنا يا رب
يسلمو اختي الله يرزقنا الي نتمناه