السلام عليكم ورحمة الله وبركاته
انا اليوم حقولكم قصه حقيقيه وبصراحه احب اقول كل شي حقيقي للاننا محاسبين على كل حرف وكلمه نقول ..
هذي القصه صارت قدام عيوني يعني موسمعت الا شفت احداثها كامله , جعل السؤ مايجيكم ولا يجيني قولوا امين ياحلوين
في يوم من الايام كنا في بيت قريبتي هي محترمه جدا ماشاء الله هي وامها ماشاء الله المهم انا وخالتي وبناتها وقرايب لنا ثانيين كلنا موجودين وكنا في بيت هذول الناس المحترمين ..
بس للاسف خالتي ماكانت محترمه البيت اللي دخلته ولا الناس اللي جتهم في بيتهم ..
المهم كنا في بيتهم وخالتي فيها حقد الله لا يوريكم حقد كبير , بتقولون ليه؟؟عشان بنات هذا البيت عاقلات وجميلات (سابقا قبل لا تعطيهم عين)خالتي واعرفها , وهم اصلا مايوذون احد , المهم من قلة ادب خالتي راعية البيت موجوده في نفس المجلس وخالتي تسولف في المجلس قدامها وقدام الحاضرين كلهم تقول فلانه (قصدها عن بنت راعية البيت) فلانه مشفوحه ماشافت خير تدرون وش سوت ؟ وتدرون وش قالت ؟ وكلام كبير على عينك ياتاجر , واصلا خالتي كذابه هههههه, الله لا يبلانا , بس وش اسوي ما اقدر اسكت خالتي وفيه راعيه البيت المفروض تسكتها وتطلعها برى البيت والحريم الكبار المفروض يسكتنها .
المهم مالقت احد يسكتها بالعكس جاملوها في الكلام , واعتقد ان صواريخ خالتي مكشوفه ولو كانت مو مكشوفه لابد يوم تنكشف 
المهم قبل لانطلع من البيت سمعت راعية البيت تعلم بنتها لان بنتها ماكانت حاضره وقت الجلسه اللي انحكى فيها ردت البنت بكلمه وحده والله يمه ماحصل شي من اللي قالته فلانه لكن حسبي الله ونعم الوكيل الله ياخذ لي حقي..
المهم بعد فتره ما ادري وش كثر تواصلت انا والبنت هذي ماهاوشتني ولا شي لانها تعرف ما لي دخل باللسالفه لكن كانت زعلانه من خالتي في اثنا السوالف قالت لي انها دعت بهذا الدعاء :حسبي الله ونعم الوكيل
والله والله والله ربي اخذ حق هالبنت وخالتي تمت محروقة القلب, حرقت قلبها في بيتها , حرق لها الله قلبها وهي في بيتها ,اقولكم وشلون؟
دق الباب على خالتي وهي في بيتها , قال زوجها من ؟ جاء الرد : حنا الشرطه جايين في امر تفتيش.
فتح زوجها الباب عسى ماشر؟ قالوا : حنا معنا امر نفتش البيت ..
وفعلا قعدوا يفتشون البيت وعفسوه وقبضوا على اثنين من عيال خالتي مو واحد , شفتوا كيف الله حرق قلب خالتي على اثنين مو واحد؟؟!!
شفتوا كيف لما وكلت امرها لله , كيف اخذلها حقها وحرق قلب خالتي؟!!
لكن خالتي من النوع اللي مايتوب
لما قرب خروج عيالها من السجن بعد ماتموا سنه باقي على خروجهم شهر او اقل خالتي دخلت بيت هذول الناس وسوت نفس الحركه والبنت دعت نفس الدعوه:حسبي الله ونعم الوكيل حتى بعد ماتواصلت انا واياها تقولي انا اقول حسبي الله ونعم الوكيل(طبعا انا ماراح ازعل عليها لان معها حق وبتم هي اقرب وافضل صديقه بعيوني وقلبي)
المهم بعد ماسوت خالتي نفس الحركه بعد كم يوم الغي خروجهم من السجن وحكم عليهم بتمديد مدة السجن (تحرق قلب غيرك لك رب راح يحرق قلبك)
وخالتي هذي قعدت تقهر البنت خمس سنوات وقعدوا عيالها في السجن خمس سنوات (وكما تدين تدان الله مطلع على كل نوايا البشر)
بنات انا ما اقولكم لاني اكره خالتي , لا , ابي انا وانتم ناخذ العظه والعبره من غيرنا , لاننتظر يصير لنا شي حتى ناخذ منه العضه والعبره ..
تبون تعرفون كيف نفسيت خالتي خلال سجن عيالها ؟؟
والله اللي شفته وسمعته اصبحت مريضه نفسيا بس تبكي وحالتها حاله , تعاسه بمعنى الكلمه 
وكل مره تبي تغير جو تروح عند هذول الناس ولما تروح تنقهر من ادبهم واخلاقهم وتسبب لنفس البنت مشكله وترد البنت نفس الكلمه(حسبي الله ونعم الوكيل وفعلا وكلت الله والله اخذ لها حقها )
نجي لنهاية الموضوع وهو ايش الفائده من هذي القصه ؟؟
اولا : اذا احرقت قلب غيرك والله جايك الدور وراح يحترق قلبك
ثانيا :لا تعبي حالك وتاكلي في نفسسك هم , قولي حسبي الله ونعم الوكيل وحيجيلك حقك تمام
الان اقولكم مع السلامه يا احلى صحبه
شكرا حبيبتي
فعلا حبيبتي ونعم الكلام وراح اقيمك ياعسل لان كلش عجبتيني—- حتى انا لما احد يؤذيني او يتكلم عني بسوء او يجرحني مااقول غير حسبي الله ونعم الوكيل— امي من النوع اذا احد يظلمها تدعي وتدعي عليه وانا دائما انصحها اقللها لاتدعين انما قولي بس حسبي الله ونعم الوكيل
فعلا كلامك صح والعبد دايما يوكل امره لرب العباد ، مشكورة قلبي ….
شكراااااااا على القصة فيها موعضة وعبر يعطيك العافية
موضوعك عجبني حيل
يسسسلمو
حسبي الله و نعمة الوكيل الحمد لله على نعمة الإسلام
,والله قصصصصه معبره
مشكوره حبيبتي
سبحححححححححححححااااااااااااان الله