في غيابك هالفضاء والكون يكسيه الظلام

والشوارع ، والمدينه ، من غيابك ، في ركود

وشف عيون ، أللي يحبك ، صار يحاربها المنام

وشف دموعي ، معها نوحي ، من سبايب هالصدود

حس فيني ،، ولا ، بُعدك ، نسّى قلبك هالغرام ؟

أو عشان الهجر طول ، صاب قلبك هالجمود ؟

كيف ضاع عشقي وعشقك ؟ وين كل ذاك الهيام ؟

وليش توعد دامك أصلاً ،، ناوي تخلف هالوعود ؟

قلتلي أنا أحــــــــبك ،، وأتضح أنه ، كـــــلام

ودي أعرف ، وش تغير ،، يوم صابك هالبرود؟

لاختفى بين الحبايب ،، مبدأ أسمه ، أحترام ؟

اعرف أن الحب ماله ،، فالقلوب أصلاً ، وجود

وأن حصل بين الحبايب ،، ياجفا ، ولا ، خصام ؟

غالباً ، بأسباب عاذل ،، ولا ، عين(ن) من حسود

وأن تردّى طبع خلك ؟ ،، صار مايرمي السلام ؟

هذا يعني ،، شخص واقف ، بينكم تافه حقود

ودامها ، زادت مهازل حبنا ،، وزاد الملام ؟

ودام صوتك صار عالي ، ودام عديت الحدود ؟

أسمع أللي ، لك بقوله ،، ومني هذا ، ألتزام

وأن خلصت بكل كلامي ،، مابي أسمع أي ردود

أوعدك بتعيش عمرك ، وأنت تشعر بأنهزام

وأوعدك يوم بتجيني ،، ترتجي قلبي يعود

وقتها ، بصد عنّك ،، وألتفتلك ،، ياحرام

ثم بقول ، أني نسيتك ، لاتّرجى قلبي زود

وكان قصدك يوم أقول ،، الكون يكسيه الظلام ؟

أكتشفت أني مغمض ،، وعيني وجفني شهود

ما أقسى غياب من نحب ..