السلام عليكم ورحمة الله وبركاته
فديتكم حبايب قلبي والله من زمان مادخلت المنتدى طلبتكم بخدمه
والله انا قبل زواجي سويت اليوكو بشعري والله طلع ناعــم وحرير يعني والله انى زوجي على باله شعري نام بس تساقط شعري مره مدري اهو من اليوكو اول قل الاهتمام لاني بصراحه مهمله بشعري يعني شعري خف مرررررررررره سمعت بالكراتين بس عندنا بالشرقيه محد يظبطه واني اطلع بر الشرقيه صعبه وفي مشغل يمدحونه البنات كثير في المنتديات اسمه مشغل لادوسيا بالخبر يسوون فرد اسمه على اسم المشغل لادوسيا يقلوون روعه وسعره معقول مدري سمعتو عنه؟؟ المشكله اني خايفه اصلع
تكفون ساعدوني اللي عندها خبره بالفرد أو اي فرد جربتوه وحسيتو انه حلو اكتبو عنه بس اهم شي يكون المشغل بالشرقيه تكفوون بنات ابي اسويه برمضان لاني مسافره بعد رمضاان
فديتكم لاتطنشوني
محد رد؟؟؟ ليـــــــــــــــــه؟؟
حبيبتي عندي لك خلطه هيي
الحلبه ( مطحونه مو مطحونه او زيت الحلبه عادي)
مع 3 فص ثوم
معع زيت الصبار وزيت الزيتون
واذا ماتتحملي الريحه لاتحطي الثوم براحتك
بسس الصراحه كلهم يكثفوا الشعر يعني راح تشوفي
النتيجه من اول استخدام واذا تبغي تسوي شعرك بالكيراتين
روحي البحرين قريبه من المنطقه الشرقيه
يضبطوا الكيراتين اخت رفيجتي مسويه هناك
معع السيشوار راح تبين النتيجه
من ثاني تجربه او ثالث
وانشاء الله اكون افدتك