عندما يكون للصبر حدا

بسم الله الرحمين الرحيم

أخواتي أتمنى كل وحدةة منكم تحط نفسها مكاني وتحكم يارب يارب ؤلا وحدة تجرب اللي جربته .. أنا انخطبت وعمري 15 سنةة لواحد من أقربائي طبعا شيء غريب أني استمر مخطوبة لفترة طويلةة بالذات عندنا لكن جتني مضايقات بسبب التأخر وكل الناس تشوفني بعين الشفقة ليه تأخر علي كذا وكل اللي بعمري خلااص تزوجو وصل الموضوع لدرجةة أني لما أكون بالجلسةة ويجيبو طاري زواج وحدة أي تعليق يطلع مني سواء سلبي أو إيجابي يضحكون ويقولولي ليه مقهورة منها ؟ عاد تعالو شوفوني أحلف أني مو مقهورة وفعلا ماكنت أغار من أحد لكن خلااص هم شايفيني كذا ..
طبعا لما صار عمري 20 وصرت استوعب ؤش معنى زواج رحت أقول لاإهلي ماابغى أحس مو مرتاحةة الإنسان ذا أحس انه مايناسبني !! طبعا كان رد أهلي توك جايةة تقولي الكلام ذا بعد السنين كلها ؟عيب والناس خاطبينك من زمان طيب ي عالم أنا كنت صغيرةة وصراحه مليت من الخطوبةة ليتني مأانخطبت ؤلا إبقى كذا الناس بس تحكي عني علما بأني ألحمدلله محبوبة جدا وكانو الخطاب يجوني بالرغم أني مخطوبةة لكن كان رد أهلي بالرفض بحكم انهم يستحون من خطيبي اللي مطنشني ل6 أو 5 سنوات بحكم انه يدور وظيفة وهو أساسا كان كل سنةة بشغلة جديدة

المهم صارت الملكةة السنة هذي بعد مأاهلي بداو ينزعجو من تأخيرهم .. الحين صار عمري 21 وملكت عليه ي ناس اكتشفت عكس الإنسان اللي كانو يمدحون فيه !!
نكدي وجاحد وكل شيء يقهررررر ..

تصدقون كنت مأاقصر معاه دائم مكالمات وضحك وسوأليف لكن بعد مدة اكتشفت انه كان يتكلم عني من وراي زي مثلا (هذي مين جبرها علي ؟ .. هذي واضح مأتبغاني !)
أنا لما عرفت انهرررررررررت وقعدت أبكي تخيلو لدرجةة انه يقارني بزوجات أصحابه مع أنهم مملكين من شهور ؤانا توي أول شهر يبيني أتغزل فيه !!

كان يقهرني أنا أموت قهر ؤابكي مع نفسي مأاقول لأحد لأن كننا متفقين من أول يوم بالملكةة حياتنا ماتطلع لأحد .. لكن هو يفضفض للناس مني .. أنا لما اكتشفت هالشي صرت أمشي واتكلم عنه .. طبعا ضايقه وصار يقولي حياتنا لا تطلعيها الناس كلها عرفت !!مايشوف نفسه يقهرررر

ولما أسأله أنا ؤش العيب فيني يقول مأقصرتي معاي بس جأت فترة أحسك مأتبغيني !!
تخيلو بنات مجرد إحساس مشكلته ! والفترة هذي صارتلي ضروف هو عارفها وسوى فيها مقدر

قعدت فترةة مأاكلمه وتعبت نفسيتي وبس أبكي خواله واعمامه سمعو بالسالفةة راحو يقولون له ماتنفعلك هذي شخصيتها قويةة !!وحططو الغلط فيني بحكم انه طيب مع أني ؤربي الكل يشهد أني طيبةة ؤلا عمري أذيت أحد .. أهلي قالولي عطيه فرصه أخيرةة الولد طيب ؤشاريك والخ الخ

عطيته فرصةة ومشينا عادي تمام .. فجأة جاء يقول أبغاك بموضوع وجا عندنا وقلي فكرةة الطلاق دخلتيها برأسي .. و الناس بدأت تلاحظ أن إحنا بعيدين عن بعض !! أنا بدأت أخاف من المستقبل !! اااااااه تخيلو قلي كذااا أحس قلبي انحرررق

المرةة ذي حلفت ماعأد أتزوجه وماعاد كلمته راح عند أهلي يقول ؤالله أحبها بس. كنت إبغى إخوفهااا !!

ي عالم يقهر مايعرف يتصرف مايعرف يعتذر يسأل أصحابو عن كل شيء .. والحين أنا بس أبكي لما يجيبو طاريه .. كل اللي حولي يقولون لي أنتي دلوعةة هو مسكين مره على نياته أعذريه !!!ؤالله العظيم صليت استخارةة كذا مرا وكل مرة أحس أكرهه أكثر

يعني ألحمدلله ألحمدلله لا خطوبة ريحني فيها ؤلا ملكةة اتهنيت فيها ..والحين يدق ؤيغصبوني أرد عليه ويستهبل على رأسي ويحلف أني أحبه وغنيلي ؤمن الكلام الفاضي حقه ويقول شيلي الطلاق من رأسك أنا أحبك و ماراح اطلق .. امي تبكي ؤأبوي شايل همي يقولو مانبغاك تتطلقي ؤانتي صرتي كبيرةة وحرام بجمالك ذا والناس يقولو مطلقة ..

ألحمدلله ألحمدلله لا خطوبة انبسطت فيها ؤلا ملكة تهنيت بها ..
تعبت تعبت تغيرت كثيررررر كنت أحب اضحك واحب أسولف الحين صرت إنسانةة كئيبةة والكل لاحظ والكل صار يقول افتقدناك

أنا واثقة بربي راح يعوضني خير لكن الحين أنا عائشة بوضع جدا سيئ ودائم ادعي أني أموت وافتك من هالزواج

ماعندي أي رأي أخاف أقولج تطلقي وصدقيني مب عدلة توج صغيرة على شحططة الطلاق ومسمى مطلقة
لكن نفس الوقت الخوف أنكم ماتتوالفون عقب الزواج ذيج الساع بيكون الانفصال وأيد أصعب 🙁

المشاركة الأصلية كتبت بواسطة تراجي عراقية تطلقي احسن باين جدا جدا انج ماتريديه فتطلقي احسن

ع طووووول حليتي المشكله بكلمه تطلقي
في اصعب الحالات بين الزوجين نقول
حاولوا تتصالحون
يعني بتصعب الحالات ما ننصح بالطلاق
بل نترك الامر لصاحب القرار
حتى لا يكون من النوع اللي يتأثر
بكلامنا.انا لا احب ان انصح
احد ان يطلب الطلاق
ابدددددددددددا
لانه هو صاحب القرار