الله يعطيك العافية ويعطيكي ع قد نيتك الطيبة بعتلك هي الاسئلة عالموضوع اللي نزلتيه لاي استفسار من يومين بس ما سمعت رد و قلبي ع نار
شكرا ع ردك اللطيف ع قصتي مع الحقن المجهري
حابة اسأل انا بتاريخ 2024 عملت تحليل الدم والحمدلله طلعت حامل عالغالب توأم و كان تاريخ يوم ترجيع الاجنة 611 و تاريخ اخر دورة 2310 كم بيكون عمر الاجنة الحساب بيكون من يوم الترجيع و لا من يوم الدورة
سؤال تاني عم حس بوجع بسيط باسفل الضهر و صداع و عم يصير عندي هبوط بالضغط لما قوم لدرجة ما بعود بشوف قدامي و عم يجيني وجع ببطني متل مغص الدورة بس لما فوت عالحمام بيروح كأنو حبس بول هل يمكن تكون المثانة عم تضغط عالرحم و هل اللي عم حسه عادي
و اخر سؤال و اسفة لاني طولت عليك لما حللت دم طلع عندي هرمون الحمل 512 تقريبا و متوقعيلي توأم بس انا حاسة النسبة عالية و خايفة يبقوا الاربع اجنة و بعدين يأثروا ع بعضون انا طولي 174 و وزني 63 كم بتعتقدي كم جنين يكون عندي عاساس نسبة الهرمون و ممكن يتحمل جسمي اجنة يعني لو كانوا 3 او 4 في خطر عليهون لو بقيوا و لا هاد الشي ما الو علاقة بالوزن علما انو ما عندي فقر دم و خضابي 14
انشالله اسمع ردك و الله لا يحرمنا منك
عنجد بتجنني
أختي بعد قليل سأدخل لأجيبك عن سؤالك …انتظريني وعذرا ان تأخرت عليك.
أختي أولا وقبل كل شيء يا رب يثبتهم لك ويتممهم على خير.
أما بالنسبة لسؤالك الأول …فنحن الأطباء نحسب من آخر دورة يعني أنت الآن عندك 4 أسابيع و4 أيام.
بالنسبة لسؤالك الثاني …العلامات التي عندك عادية جدا مع الحمل وهنا عليك بالراحة التامة الجسدية والذهنية …وتغذي جيدا واشربي الكثير من الماء.
أما بالنسبة لسؤالك الأخير …كل شيء بيد الله وان كتب لك الحمل بأكثر من 2 …فان شاء الله خيرا.
وأخيرا أي سؤال أنا حاضرة ولكن ان تأخرت عليك فاعلمي أنني مشغولة جدا بعملي في عيادتي وبعملي هنا وبالاشراف ويا رب يوفقني لما يحبه ويرضاه.
يعطيكي الف عافية و الله انك عسل و كتير فرحت اني دخلت بالشهر التاني لاني عم حس الوقت ما عم يمشي و الدكتور جابرني ما اطلع من البيت ابدا و ضل مرتاحة
تسلميلي انشالله و الله يرزقك ذرية صالحة و يوفقك متل ما عم تساعدي كل الناس
بسم الله ماشاء الله الله يحفظك من كل سوء ومكروه ويحفظ الأجنة بحفظه ورعايته ويقومك بالسلامة
الله يتمم لك على خير
حاولي تزيدي مشاركاتك ..وتوصليها 50 مشاركة
وبعدين إسألي الدكتورة عالخاص أفضل ..وأحسن (استعينوا على قضاء حوائجكم بالكتمان)مقولة لعمر بن الخطاب رضي الله عنه
الله يحفظك
|
المشاركة الأصلية كتبت بواسطة cutey
 يعطيكي الف عافية و الله انك عسل و كتير فرحت اني دخلت بالشهر التاني لاني عم حس الوقت ما عم يمشي و الدكتور جابرني ما اطلع من البيت ابدا و ضل مرتاحة
تسلميلي انشالله و الله يرزقك ذرية صالحة و يوفقك متل ما عم تساعدي كل الناس |
ألف شكر على الكلام الحلو وعلى الدعاء الأحلى…يا رب يثبتهم لك ويتممهم على خير.
|
المشاركة الأصلية كتبت بواسطة عقد المحبة
بسم الله ماشاء الله الله يحفظك من كل سوء ومكروه ويحفظ الأجنة بحفظه ورعايته ويقومك بالسلامة
الله يتمم لك على خير حاولي تزيدي مشاركاتك ..وتوصليها 50 مشاركة وبعدين إسألي الدكتورة عالخاص أفضل ..وأحسن (استعينوا على قضاء حوائجكم بالكتمان)مقولة لعمر بن الخطاب رضي الله عنه الله يحفظك |
فعلا أختي كلامك صحيح…ويا ريت تقرأ أختنا كلامك وتطبقه …وأنا أيضا أطلب منها ذلك …وأقول لها ان أحببت أن أكون معك خطوة بخطوة لا تترددي في مراسلتي على الخاص ولكن عليك أن تجتهدي وتصلي لل50 مشاركة.