بسم الله الرحمن الرحيم المقادير :
لحمة مقطعة مكعبات صغيرة ورقيقة شوية
معلقة سمن ومعلقة زيت ذره
فلفل (احمر واصفر واخضر )طرنشات
بطل طرنشات
(ملح فلفل بهارات لحم وبهار مشكل )
بطاطس مقطعة مكعبات ومحمرة
الطريقة : 
بصي بقى ياسيتي الموضوع سهل جدا هتجيبي الحلة اللي هتعملي فيها وتحطي السمن والزيت ولحد مايسخن وتضيفي اللحم وتشوحيها فيها وتهدي النار عليها وتسبيها تدخل في السوا وتذوديها شوية ماية
وما تدخل في السوا تضيفي البطل والفلفل الملون وتضيفي التوابل والبهارات وتهدي النار خالص وتسبيها لما تستوس وتعمل صوص تحفة
وتكوني حمرتي البطاطس وتحطيها في طاجن بيرس او فخار زي ماتحبي وتضيفي عليها الحمة بالصوص بتعها وتقلبيها وتزوديها شوي ماية بسيطة وتدخليها الفرن تتحمر وبالهنا والشفا .
ملحوظة :
لو بتحبوا تحطوا كركم على اللحم بيكون جميل وبيدي لون اصفر لذيد
وجربواوقولولي بالهناء والشفاء
جميل يا ريمو تسلم ايدك
بس عايزه استفسارات بسرعه علشان عندى عزومه الصبح و بفكر اعمل حركات جديده
انتى بتقولى نحمر البطاطس
تقصدى يعنى نشوحها على النار شويه قبل الفرن و الا زى البطاطس المحمره الصوابع
و البطاطس لازم مكعبات صح ؟
انا لو عملتها هصور الطريقه بالموبايل و انزلها هههههه
منتظره ردك و شكله طبق تحفه و يمشى معاه رز بسمتى ابيض و خضار سوتيه
بقولك كمان … مش عندى حاليا غير فلفل اخضر … ممكن ينفع لوحده؟
و ايه رايك لو اضفناله مشروم و الا يبقى عك خخخخخ
مشكورة على المرور يا رحيق المسك ممكن اضافة الفلفل بس: