صرت شايله هم هالشيء الحمدلله على كل حال

السلام عليكم ورحمة الله وبركاته
خواتي صرت شايله هم من اللي الاحظه

تقدمي لي شخص بس ماصار شيء للحين صحيح ابي اتزوج والحمدلله كثيرا
على كل حال

بس شايله هم كيف اعيش معه مستقبلا من كثر ماقرأ قصص اللي متزوجات

اللي تقول عايشه مع زوجها بجحيم
واللي تقول زوجها عصبي ويردو عليها البنات انها لازم تصبر وتسكت
وتتحمله وانا ماحب المشكلجي او المطلوب انا مني دايم اتحمل

واللي تقول انه نكدي او مايوديها السوق وانا احب اتسوق وماعندي راتب
واخاف مايعيشني مثل ماكنت عند اهلي او احسن

واللي تقول زوجها يخونها او اذا ماعجبته يصير يدور غيرها

اقول بنفسي كله سنه عسل عند الرجال كلهم ويبدا النكد معهم
طيب وليه كذا

ماتحمل انه يتغير علي او يغير رأييه فيني او او اذا انتم فاهميني

يعني من كثر ماشوف بالرجال من قصص الحريم واللي حولي
طقتني نفسيه واتوقع انه مستقبلا زوجي كذا

قولوا لي الصدق ي المتزوجات هم كذا اولا

انتي وحضك مع الزوج بس لكل شخصيه طريق

وانا اشوف الزوجه هي اللي تقدر تتحكم في بيتها وهي اللي تتحكم بسعادة حياتها الزوجيه

يعني مثلاً المشاكل اللي تسمعينها من بعض البنات ممكن يكونوا هن الغلطانين فيه المتكبره على زوجها وفيه النكديه وفيه التعيسه وفيه الضعيفه وفيه المجنونه وفي المريضه نفسياً وفيه اللي تبغى تتحكم في زوجها وفيه اللي تغار بجنون لدرجة خراب البيوت وفي المبذره وفيه المهمله وفيه الكسوله مو كل المشاكل من الرجل

يعني بالعربي البنت الذكيه هي اللي تقدر تسير حياتها بالصح

وهذا مايعني انه الرجال كلهم طيبين لا طبعاً في الطيب والبطال

انتي اللي عليك انك ماتوافقي على شخص الا بعد ماتتاكدي من بعض الاشياء وهي اساسيه في الانسان العاقل

مثلاً

اسالوا عنه زين في دينه وفي اخلاقه وفيه سلوكه وهذي الاساسيات هي اللي الوحده تبني موافقتها عليه

ثانياً لازم تغيري نظرتك عن الحياه الزوجيه انه كلها اسواق وحب ورومانسيه ودلع

لا ابداً الحياه الزوجيه مسئوليه كبيره على الطرفين وانتي الطرف الاكبر في المسئوليه وخصوصاً داخل البيت اذا انتي احتويتي زوجك وريحتيه هو راح يعطيكي كل شئ وراح ترتاحي لكن اذا حصل عكس ذلك فطبيعي انه ماراح يريحك في حياتك واهم شئ في الزواج الاحترام هذا الشئ الوحيد اللي اقدر اقولك لاتتنازلي عنه مهما صار

انا انصحك انك تثقفي قبل الزواج كيف تتعاملي مع الرجال وكيف تقدري تحافظي على مملكتك الصغيرة