صدفه

بسم الله الرحمن الرحيم

السلام عليكم و رحمة الله و بركاته
راح اكتب رواية بأذن الرحمن ( صدفه ) .. نبدأ

في احد الاحياء الفقيره كانت رنا تبكي بصوت عالي

رنا : يبه قوم واللي يعافيك قوووووووم مالي غيرك شسوي اني بدونك قوم يبه خلاص اهئ اهئ ..

…
و هناك في احد الاحياء الغنيه و الثريه كان تركي يسوق سيارته البورش و هو مبتسم و هو قاعد يسوق شاف متجر يبيع الورود وقف سيارته و ابتسم
و قال :

تركي : نوران تحب الورود البيضه .

نزل من سيارته و اخذ اجمل انواع الورود البيضاء و كانت ريحتها تجنن .
راح البيت اللي تسكن فيه نوران و كانت الصدمةة
……
نرجع الى رنا
طلعت رنا و هي في حاله هستيريه راحت تصرخ في الشارع
رنا : ساعدوووووووووووووووووووووووووني الله يخليكم ساعدوني

في هذي اللحظه كان وليد يمشي بسيارته . و شاف بنت تصرخ بهستيريه .. نزل من السيارة و سألها

وليد : شصاير !!!!

رنا : الحق عليييي ابوي !! ابوي !! ابوي مات ابوي مالي في الدنيا غيررررره !

وليد اشفق على البنت .

وليد : وين بيتكم

رنا حست الفرج جاها . اخذت وليد الى البيت

وليد كان متقزز من البيت لكن من شفقته و تعاطفه على رنا اخذ ابو رنا و وداه المستشفى .

في المستشفى عند وليد و رنا
وليد : ها شصاير يادكتور

الدكتور : والله احنا سوينا اللي علينا و لله الحمد انقذناه من الموت لكن الظاهر ان المريض دخل في غيبوبه و احتمال ان يقعد مايقل عن 5%

رنا من الصدمة اغمى عليها …

نبدأ في تعريف الشخصيات :
رنا : امها تركتها و تزوجت واحد غني .عيونها واسعه و لونها عسليه فاتحه رموشها
طويله شعرها ناعم و طويل الى نهاية ظهرها و لونه بني شفايفها صغيره و ورديه وخشمها مسلول و لون بشرتها بيضه مره و جسمها يجنن احلى من العارضات و هي طولها متوسط و تشبه امها (( بالعربي البنت ملااااك)) عمرها ( 20 سنه ) و شخصيتها ( قويه فيها عناد بس طيبه و حبوبه و هادئه ما تحب تتكلم كثير و اعصابها بارده )

ابو رنا ( نايف ) : طييب مره يحب رنا يشتغل في حلاق و راتبه مايقل عن 1000 ريال عمره ( 43 سنه )

ام رنا ( الجوري ) : تركت بنتها و زوجها عشان الفقر و تزوجت واحد غني . طيبه و تحب بنتها لكن الفلوس اغرتها و تركت اهلها عمرها ( 33 سنه ) جميله

تركي : عيونه خضرا و حاده و لون بشرته برونز مايل للبياض شعره ناعم بالمره و قصير و لونه اسود و جسمه رياضي و طويل و خشمه مسلول شفايفه صغيره و ورديه شخصيته ( بارد بس لما يحب يصير حنون فيه غرور و فيه عناد و عصبي شوي ) عمره ( 21 سنه )
ابو تركي ( عبدالرحمن ) : حنون و يحب زوجته و غني مره مره مره عمره ( 44 سنه )
ام تركي ( وفاء ) : حنونه بس وقت الجد جد . طيبه و تحب عيالها مافيها غرور ابدا . عمرها ( 40 سنه )

لمى : اخت تركي . قلبها ابيض و طيبه و تحب الاستهبال . تحب اخوها تركي و كل تمزح معاه و تسوي مقالب فيه .. جميله جدا عمرها ( 19 سنه )

وليد : اخو تركي . طيب و حنون و عقله و تصرفاته اكبر من عمره يعرف يتصرف في المواقف الصعبه عنده قدره على تهدئة الامور . شعره يوصل لين كتفه و ناعم لونه اسود شفايفه ورديه و صغيره خشمه مسلول عيونه سوده جسمه رياضي يشبه تركي شوي عمره ( 22 سنه )
الجد ( عبدالله ) : طيب و حنون عمره ( 57 سنه )
الجده ( سمات ) : طيبه و حنونه و قلبها ابيض عمرها ( 55 سنه )
ام مرام ( علياء ) : اخت وفاء مغروره و متكبرة عمرها ( 38 سنه ) زوجها خاتم في صبعها

ابو مرام ( منير ) : شخصيته ضعيفه و هو خادم الى علياء كل شي تقوله يسويه لانه فقير و يخاف ان علياء تطلب الطلاق و يرجع الى الفقر عمره ( 40 )

غرام : نسخه من امها مغروره و حقيره و نذله و اللي فراسها تسويه . بس هي جميله و لعوبه و فاسقه و كل تلبس قصير و ماتلبس عباة و الاولاد زي النمل عليها . عمرها ( 19 سنه )

مرام : اخت غرام دائما تنصح غرام بس غرام مطنشه . طيبه و حبوبه و ملتزمه و متزوجه رجال صالح عمرها ( 20 سنه )

فيصل : زوج مرام . يحب مرام بشكل مو طبيعي . رجال صالح و ملتزم عمره ( 22 سنه )

سلطان : ملتزم و طيوب و حبوب و كبير بعقله عمره ( 25 سنه )

ابو رغد (محمد) : اخو عبدالرحمن طيب و حنون متزوج عمره ( 30 سنه )

ام رغد (رانيا) : زوجة محمد حنونه و طيبه عمرها ( 29 )

رغد : جميله و حلوه و جمالها ماينوصف و طيبه مررررررره و عيونها و اسعه و لونهم بني غامق و رموشها طوال و شفايفها ورديه و حلوه و خشمها مسلول و طولها تقريبا 140 سم تحب تستهبل عمرها ( 15 سنه )

نرجع للرواية
رنا فتحت عيونها ببطئ و كان قدامها وليد

قامت و هي تتألم و فجأه تذكرت وش صار معاها و جلست تبكي

وليد تورط ما عرف وش يسوي وياها

وليد : خلاص خلاص لا تبكي ان شاءالله يقوم ابوك بصحه و عافيه

رنا حست بأهتمام وليد و تعاطفه معاها

رنا : مشكور ماقصرت
فجأه انتبهت ان هي ماعليها حجاب قامت بسرعه و تغطت
بالبطانيه

رنا : اطلع بره بلبس حجابي *-*

وليد انتبه على نفسه و ضحك وطلع بسرعه و كلم جده عبدالله

الجد( عبدالله ) : جيبها البيت مايصير تتركها

وليد : امرك

في الغرفه :

وليد: لازم تعيشين معانا

رنا : لاا مستحيل انا كبيره واعرف اتصرف

وليد : لالا بتجين يعني بتجين و انا ما اتراجع عن كلمتي

رنا بصراخ و عصبيه : انت ماتفهم انا ابي اقعد في بيتنا فيها ريحة ابووي مستحيل اجي معااك

وليد : لازم م قدر اتركك هنا

رنا تنهدت : امرنا لله

وليد استانس

نرجع الى تركي :

تركي طاحت منه باقة الورد

نوران سمعت الصوت : حبيبي دقيقه باشوف من

….: طيب حبيبتي

نوران انصدمت لما شافت تركي

نوران تبي توضح الموضوع : تركي هذااا أأأأأأأءء

تركي عطاها كف و راح

نوران نزلت منها دمعه و جت تبي تلحقه

نوران : تركي وقف خلني افهمك

تركي : شنو تفهميني انا عيني شافت كل شي مابي توضييييح

نوران : احبك

تركي نزلت دمعته : خاينه !

نوران : لا انتظررررررررر

تركي : حبيتك من كل قلبي و جيت بخطبك وهذي نهاية عشرة 4 سنين ؟؟

نوران بصدمه : تـ تـ تـ تـ تـ تخطبني ؟
تركي: لكنك ماتستحقين الخطبه !

نوران : اسمعنــــ

تركي : نورااااااااااااااااااااااااااااااااااااااااان !

عند وليد و رنا :

رنا : ابي اطلع من المستشقى

وليد : طيب طيب دقيقه بس باسوي الاجراءات

رنا : اوكي 

طلعت رنا وشافت واحد حامل بنت و يركض

….: ارجوككككككك انقذها

الدكتور : دخلها غرفة الطوارئ بسرعه

…: امرك يادكتور

الدكتور :يلا بسرعه

و راح بسرعه غرفة الطوارئ

الدكتور : لو سمحت اطلع

…..: بســــــ

الدكتور بعصبيه : اطلع بسرعه لازم نعالجها

…. : طيب

طلع الدكتور

….: بشر

الدكتور : طلع عندها فقر في الدم ولازم تعتني فيها و تغذيها اكل صحي , تعال حضرتك ؟

.. : تركي

الدكتور : تعال ياتركي عشان توقع

تركي : امرك

رنا كانت تطالعهم بفهاوه

بعد ماخلص وليد الاجراءات: يلا امشي

رنا : هاه اووه طيب

لما وصلو الى القصر رنا انبهرت من القصر

الجد ( عبدالله ) : انا ابي اكلمكم في موضوع

الكل : سم طال عمرك

فجأه وصلت رنا و وليد و الانظار كلها على رنا

الجد : هذي البنت راح تكون منا و منكم

غرام : وععععععععع هذي القرف و بنت الشوارع بتصير عندنا وع

الجد : غرام !!!! عيب هالكلام و احترمي نفسك

رنا : لو سمحتي اول شي شوفي ملابسك وبعدين قولي بنت شوارع

علياء : انتي هييييه جايه من الشارع و عندك جرئه انك تتكلمين ؟ بنتي ماقالت شي خطأ

رنا : ماعندك لباقه في الكلام !!
الجد : بس انتي وياها !!هذي البنت بتصير منا و منكم و اللي عنده اعتراض الباب يوسع جمل

الكل سكت .

. هذي نهاية البارت الاول اتمنى نال على اعجابكم