شوفتي والصدمه .. ساعدوني بسرعه…!!
بسم الله الرحمن الرحيم
ابي ابدأ موضوعي على طول لاني جد تعبانه نفسيا وابي الكل يساعدني بتجاربه وافكاره ونصايحه
مشكلتي
هي ان فيه عائله جات اتقدمتلي حق ولدها بس المصيبه ان ولدهم اصغر مني ب7 سنوات <<بقوه كثيره
المهم وبعد اقناع من ابوي وامي ومرة ابوي توكلت على الله ووافقت على الشوفه طبعا هذا كله بعد
مااصريت ان امه تعرف عمري الحقيقي وتبلع ولدها فيه علشان مايقول غشيتوني ومن هالكلام
وقبل الشوفه بيوم ترددت على الشوفه وغيرت رأئي خوفا من الاحراج والرفض لكن امه قالت لااهلي انه يقول انا لاجمال يهمني ولا عمر اهم شي الدين والاخلاق ..
ارتحت ومالقيت نفسي الا وانا بالسوق اشتري لبس للشوفه..وجاء يوم الشوفه شافتني امه اول شي وخالته معاهم اعجبو فيني ومن لبسي وشكلي طبعا انا موشينه بالعكس الحمدلله وفوق هذا معلمه دين
ياربي لك الحمد والمنه
ويوم دخلت عليه اقدم له العصير اعجب فين وقام يسأل عن صحتي وجلس يطالعني وهو مبتسم
واعطاني هديه وخرجت ع طول ..
طبعا الهديه دليل على الرضا من ناحيتي انا انصدمت لانه مو قد عمره اللي وصلني اكبر واعرض مني
وربي كأني طفلته وهو ابوي حسيت اني ارتحت من شكله واهله اهل دين الحمدلله ففرحت ليلتها انه عجبني وعجبته
قالت امه لاامي نرد عليكم ان شاء الله .. بعد اسبوعين كانت الصدمـــــــــــــه
( ان ولدهم استخـــــــــار وماارتاح )
طيب والهديه وعلامات الاعجاب وين موقعها الحين …؟؟
حسيت اني بطيح من طولي وانا اللي مخططه كيف بتكون الملكه وشنو البس من اعطاني الهديه
قسم تعبانه ومصدومه لاني الرجل الوحيد اللي ارتحت له واستخرت اكثر من مره ب ماحسيت الا بهالاحساس ياكثر ماجو خطاب ورفضتهم من غير شوفه ..مدري هالادمي ليه ارتحت له وهو ماارتاح لي
ماحبيت اسأل سبب الرفض لان دام قالو انتهى يعني انتهى .. بس انا من وصلني الخبر وربي مااكلت شي ولا اقدر انام مدري ليه مدري من قوة الصدمه ولا لاانها اول مرا تصير لي شوفه واتعرض لهالموقف..
بس اللي ابيه الحين هل ارجع هديته لااني مستحيل البسها في يوم من الايام وحرام ذهب ينرمي..؟
ولا شنو اسوي ..
وهل يصير اني ادعي الله يرجعه لي ثاني وتمم خطوبتنا لاني تعلقت فيه لاتقولون من اول نظره ومن هالكلام لابس لاني ارتحت لشخصه ودين اهله والتزامهم..
ولا مايجوز..؟؟
يارب اني فوضت امري كله إليك
ابي ابدأ موضوعي على طول لاني جد تعبانه نفسيا وابي الكل يساعدني بتجاربه وافكاره ونصايحه
مشكلتي
هي ان فيه عائله جات اتقدمتلي حق ولدها بس المصيبه ان ولدهم اصغر مني ب7 سنوات <<بقوه كثيره
المهم وبعد اقناع من ابوي وامي ومرة ابوي توكلت على الله ووافقت على الشوفه طبعا هذا كله بعد
مااصريت ان امه تعرف عمري الحقيقي وتبلع ولدها فيه علشان مايقول غشيتوني ومن هالكلام
وقبل الشوفه بيوم ترددت على الشوفه وغيرت رأئي خوفا من الاحراج والرفض لكن امه قالت لااهلي انه يقول انا لاجمال يهمني ولا عمر اهم شي الدين والاخلاق ..
ارتحت ومالقيت نفسي الا وانا بالسوق اشتري لبس للشوفه..وجاء يوم الشوفه شافتني امه اول شي وخالته معاهم اعجبو فيني ومن لبسي وشكلي طبعا انا موشينه بالعكس الحمدلله وفوق هذا معلمه دين
ياربي لك الحمد والمنه
ويوم دخلت عليه اقدم له العصير اعجب فين وقام يسأل عن صحتي وجلس يطالعني وهو مبتسم
واعطاني هديه وخرجت ع طول ..
طبعا الهديه دليل على الرضا من ناحيتي انا انصدمت لانه مو قد عمره اللي وصلني اكبر واعرض مني
وربي كأني طفلته وهو ابوي حسيت اني ارتحت من شكله واهله اهل دين الحمدلله ففرحت ليلتها انه عجبني وعجبته
قالت امه لاامي نرد عليكم ان شاء الله .. بعد اسبوعين كانت الصدمـــــــــــــه
( ان ولدهم استخـــــــــار وماارتاح )
طيب والهديه وعلامات الاعجاب وين موقعها الحين …؟؟
حسيت اني بطيح من طولي وانا اللي مخططه كيف بتكون الملكه وشنو البس من اعطاني الهديه
قسم تعبانه ومصدومه لاني الرجل الوحيد اللي ارتحت له واستخرت اكثر من مره ب ماحسيت الا بهالاحساس ياكثر ماجو خطاب ورفضتهم من غير شوفه ..مدري هالادمي ليه ارتحت له وهو ماارتاح لي
ماحبيت اسأل سبب الرفض لان دام قالو انتهى يعني انتهى .. بس انا من وصلني الخبر وربي مااكلت شي ولا اقدر انام مدري ليه مدري من قوة الصدمه ولا لاانها اول مرا تصير لي شوفه واتعرض لهالموقف..
بس اللي ابيه الحين هل ارجع هديته لااني مستحيل البسها في يوم من الايام وحرام ذهب ينرمي..؟
ولا شنو اسوي ..
وهل يصير اني ادعي الله يرجعه لي ثاني وتمم خطوبتنا لاني تعلقت فيه لاتقولون من اول نظره ومن هالكلام لابس لاني ارتحت لشخصه ودين اهله والتزامهم..
ولا مايجوز..؟؟
يارب اني فوضت امري كله إليك
حبيبتي قولي اللهم اجرني في مصيبتي واخلفني خيرا منها
وحتى لو ارتحتي بعد الاستخاره كالما ربي صرفه عنك اكيد ماهو خير لك
وبصراحه كثير 7 سنوات
وان شاء الله ربي يعوضك الافضل منه
الله يعوضك باللي احسن منه واذا كان فيه خير لك يرجع لك يارب
وخلي دايم دعاءك يارب اذا كان فيه خير قربه لي واذا فيه شر ابعده عني وعوضني خير
حبيبتي قسمة ونصيب.. بعدين هو أصغر منك بسبع سنوات كثير:(
والهدية حبيبتي مو لآزم ترجعيها..! عادي استخدميها .والله يعوضلك شخص أكبر منك
الله يهديه بس كان استخار قبل لايتقدم
بعض الناس فيهم غباء
وانتي بالنسبة لك لاتشيلين هم ترى في كل شي يصير لنا في هالحياه خيره
وترى فارق العمر كبير سبع سنوات مو قليل
الله يرزقك باللي يتزوجك ويخاف عليك ويسعدك يااارب
قدر الله ماشاء فعل خذي الهدية كيف بترجعيها
ياقلبي اسال الله لك الزوج الصالح المحب المطيع عاجلن غير اجل
يقلبي ادعي ربك وان شاء الله ربي يعوضك خيييير
سبحان الله ربي راحمك وأنتي ماتدرين
أنا ماراح أتكلم الا بالعقل :
فية رجال ياخذ وحدة أكبر منه بـ7سنوات ؟؟؟
عسى الرجال ياخذون اللي كبرهم واللي أصغر منهم بسنة
لكن من يوم قلتي أنك معلمة دين طحت على السبب ,
ياحبيبتي أكيد هذا واحد ماعندة وظيفة ولا وظيفته على قدة ويبيك تكدين علية وغير كذا تلقينة أصلا هو مو مقتنع بالزواج
وأهلة مصرين علية وأكبر دليل ألحاح أهلة علية وهو بيفتك من الحنة قال أشوف البنت وأقول ما أرتحت وككذا سويت اللي يبون وأرتاح من وجع الراس ..
أنا ماراح أتكلم الا بالعقل :
فية رجال ياخذ وحدة أكبر منه بـ7سنوات ؟؟؟
عسى الرجال ياخذون اللي كبرهم واللي أصغر منهم بسنة
لكن من يوم قلتي أنك معلمة دين طحت على السبب ,
ياحبيبتي أكيد هذا واحد ماعندة وظيفة ولا وظيفته على قدة ويبيك تكدين علية وغير كذا تلقينة أصلا هو مو مقتنع بالزواج
وأهلة مصرين علية وأكبر دليل ألحاح أهلة علية وهو بيفتك من الحنة قال أشوف البنت وأقول ما أرتحت وككذا سويت اللي يبون وأرتاح من وجع الراس ..
لكن أحمدي ربك أنه هووون عن الزواج بداية المشوار مو هون بعد الملكة ولا بعد الدخول
ولا تنسين قولة تعالى : (وعسى أن تكرهوا شيئا وهو خير لكم …)
وآآسفة والله أذا كلامي يجرحك بـ شيء ..