سوف اترك بيتي والسبب اولادي

السلام عليكم اخواتي في هذا المنتدى الطيب . سوف اطرح عليكم مشكلتي لعلي اجد عندكم الحل المناسب . انا اسكن في بيت من دورين والمشكله هي اولادي اللذين لا يعرفون الترتيب مع انني كنت احاول بهم واعلمهم على الترتيب بس مافيه فايده انا عندي بنتين وولدين الولد هو الكبير باول ثانوي واللي بعده بنت باول متوسط وبعدها بنت بخامس وبعده ولد بثالث يعني كبار اذا اكلو ما يشيلون اللي بعدهم واذا غيرو ملابسهم يتركونهم على الارض والملابس النظيفه مع الوسخه وكل شي على الارض واذا جيت ولقيت فيه شى ما صلحوه او شئ مرمي بالارض كل واحد يقول مو انا .وكل شي على الارض ملابس وكتب واكسسوارت….. الخ تصدقون فكرت اترك البيت واروح عند اهلى علاشان اخليهم يحسون بقيمتي بس خايفه من العواقب والله اني تعبت حتي ابوهم تعب بس مايحس مثلي انا اللي مقابلتهم اربع وعشرين ساعه والله اني اوقات ادخل غرفتي واجلس اصيح من القهر حتى انني جاني امراض الله يكافيكم الشر كلها اذا سالت الدكتور عن اسبابها قال من الوراثه او الظغوط النفسيه والمشكله ان ماعندنا بعايلتنا فيهم من هالامراض ومنها ظغطي اوقات يرتفع واوقات ينخفض واشياء ثانيه بس يالله الصبروالمشكله ان يوم كان عندي شغالات ماكنت اخليهم يعتمدون عليهم بالعكس كنت اخليهم يصلحون اشيائهم بنفسهم لان عندي قناعه ان الشغاله ماراح تدوم وهم بس عند التلفزيون او النت وحتي اذا جلسو عند التلفزيون والنت مايفكوني يتهاوشون كل واحد يقول ابغى القناه الفلانيه واللي يقول فلان جلس على النت اكثر مني تعبت من الملاحق وراهم ومن الهواش معهم ووالله اني افرح اذا كنت بايام الدوامات علاشان الساعه تسع يدخلون ينامون علاشان احس بالهدوء طبعا بعد المضارب على الدخله للنوم والمشكله الكبرى انني بالاجازه انام انا وبناتي مع وحده من خواتي بنفس الغرفه والوضع نفسه الغرفه حوسه والملابس بالارض لدرجة ما تقدرين تمشين بدون ما تدوسين على اغراضهم والله اني استحي منها وعجزت انا اشيل وهم يرمون انا خلاص وصلت حدي من التعب والظغط النفسي والله اني احس اني اكبر من عمري وحاولت احرمهم من النت بس فتره ويرجعون نفس الشي وبعض الاوقات اقول لنفسي اننا السبب انا وابوهم لاننا ما خلينا عليهم قاصر اي شي يبونه نجيبه طبعا بالمعقول واوقات اقول اني انا السبب لان يضيق صدري اذا ابوهم هاوشهم بس طبعا ما اقول شي قدامهم وانا ابغاهم يتعودون على النظافه والترتيب ساعدوني وفرجو عني الله يفرج عنكم كربه من كرب يوم القيامه

الله يفرجها على الجمييع يارب

المشاركة الأصلية كتبت بواسطة الكلمه الحق شوفي انتي شكلك ضعيفه قدامهم او بمعنى ثاني ما عندك شخصيه اسمحيلي ولا تزعلين مني لان العيال اذا شافوا الام قويه واذا عاقبتهم او حرمتهم من شي تكون حازمه وما تخلي شي ياثر عليها راح يوقفون عند حدهم ويحترمون بعض ويعرف كل واحد دوره في البيت وان البيت هذا ماهو فندق او مطعم ياكلون ويرمون وبس لازم تعودينهم على المسؤليه من الحين وزوجك لازم يساندك ويوقف معك ويكون هو بعد شديد معهم لان الشده احيان تكون مفيده لهم ولا اسمحيلي خلي احد شخصيته قويه يخافون منه يوجههم واتمنى لك التوفيق ولا تزعلين مني هذا والله لاني حاسه فيك وانقهر اذا شفت العيال يستغلون طيبت وحنيه الام 00

لا ليش ازعل انا ما طلبت منكم المساعده بعد الله علاشان ازعل واختي قالت لي قبلك اني اللي لاعب فيني قلبي لاني احس قلبي يوجعني عليهم اذا زعلتهم بس ان شاء الله راح اخذ بنصايحكم لان بعض القسوه رحمه لهم وجزاكم الله خير على طرح ارائكم لمساعدتي ويكفيني اني حسيت بتفاعل منكم