ساعدوني بحل مشكلتي يا اهل الخير**
السلام عليكم ورحمة الله وبركاته**
انا اختكم equal هذا اسمي المستعار حبيت افضفض لكم عن الي بقلبي راجية من الله ان يسددني الى الحل السليم لمشكلتي وابي مساعدة لو بدعاء من كل وحدة تقرا قصتي ..**
بدت مشكلتي بالسنه الاخيرة لي بالجامعة سنه4 من اول السنه بدت قصتي من معاداة وغيره اختي الكبيرة فيني اكرهتني بشكل لا يوصف والله اني ما سويت لها شيء تطفي النت علي وتشغل الليت الي بالغرفة ليما انام وقذفتني بشرفي وعرضي وانا بريئة ممن تقول انا وحدة مصليةومسمية وعارفة ديني ولله الحمد وما اكتفت بهالشيء خلت كل خواتي مقاطعيني لا سلام ولا كلام بينا .(مع العلم اهي كانت تكلم شاب بس تابت ) .
واستمرت تعذبني بتصرفاتها فوق 11 شهر ليما صارت مشكلة ببيتنا ( واهي ان ابوي صاد امي واهي تخونه مع رجال بالتلفون) اهني بلشت تكلمني اهي بس . بس بشكل خفيف اما الباجي من خواي مصرين على المقاطعة . ابوي سامح امي وما طلقها . واهي احلفت انها ما تعيدها . وعقب بشهر 1 سوت اختي الي اصغر مني عملية وانا رحت لها وطاح الحطب بينا كل خواتي ما عدا اختي الي اكبر مني .. و الكبيرة.. ( انا عندي 10 خوات ) لان الي اكبر من تكرهني بشكل ما يوصف والسبب اني تفوقة عليها بكل شيء حى المعرس الي كان يبيها من شافتني امه اخطبتني انا مو اهي .. وانا مالي دخل هذا امر الله ..
وعقب مرت الامور بخير ليما انا شهر 3 اخر هالشهر انا شفت امي معاها تلفون وابوي كان مانعها .. ورحت بغبائي علمته (كان المفروض ما اعلم لانها امي مهما سوت بس الشيطان لعب بمخي الله يلعنه ) وقام ابوي منتفض ومقهور وقرر يسفرها لاهلها فترة تاديب مع انه يحبها وما يبي يطلقها .. وامي قامت تدعي علي واكرهتني وكل خواتي عادني من جديد لدرجة انهم اسرقوا فلوسي كلها وشقوا هدومي ووحدة حاولت تطعني بمقص .. كل هذا علشان قلت لابوي .. وانا عايشة بنار ماني قادرة اتحمل الوضع .. والله صارلي 3 ايام ما اكل مو مشتهية الاكل كلش . وانا الحين قاعدة بالبيت ما اشتغل انطر وظيفتي باذن الله وهن يراقب تصرفاتي .. احس اني بين مباحث قاعدة . الحياة اخنقتني حيل وانا تبت لله اني ما اعيدها كلش بحياتي واني ما اذي احد بس هن مو تاركيني بحال سبيلي .. يقطن نغزات وما يقعدن معاي وانا اشاركهن الغرفة نفسها بالله عليكم شنو الحل ؟؟
لحد يبخل علي ولو برد بسيط لاني راح اقرا كل الردود باذن الله .. وادعوا لي ان الله يرزقني بالزوج الصالح والوظيفة الصالحة ويفرج علي عاجل وليس اجل**
امين وكل من قال امين**
كتبت لكم لاني مغبونه ما عندي احد اسولف معاه …
كان غلطك من البدايه انو علمتي ع امك
بس ماراح ازيد عليك
اسمعي ي عيوني حاولي تصلحين بين امك وابوك
واذا تصالحوا سوي حفله مفاجأه لهم
خواتك اقعدي معهن تكلمي معهن
اذا انتي ماتكلمتي معهن وهن نفس الشي ماراح يتعدل الوضع
اعتذري لهن عن تصرفك مع امك
وقولي ان مالك بالدنيا غير اهلك
خواتك وامك وابوك
حاولي قدر المستطاع تعدلين الوضع
وتبتعدين عن المشاكل
الله يعينك ويفرج همك ويصلح حالك
الله يهديك مايفيد الكلام بعد ماطاح الفاس بالراس ..
كان استشرتينا قبل تقررين تبلغين ابوك
حاولي تصلحي بين امك وابوك واعتذري لاامك وعاهديها ماتكرري الغلط ويوم امك ترضى عليك خواتك بيرجعو يكلمونك وبيصلح الحال ان شاالله
واسئل الله ان يرزقك وبنات المسلمين بالزوج الصالح والوضيفه عاجلا غير اجل اللهم آمين
اختي انصحك بقيام الليل وتضرع والدعاء لله رب العالمين صدقيني راح تتيسر كل امورك وتقربي لله بالعبادات فاكيد سيحبك الله والله اذا احب العبد وضع له القبول في الارض لاتياسي من رحمة الله عيشي بالامل وثقي بالله بان الله سيغير من حالك الى احسن حالحاولي ان تصلحي بين امك واموك في اقرب وقت وعاملي اخوتك بمثل ما تتمني يعاملوك وربي يفرج همك ويرزق بالزوج الصالح والسلام