السلام عليكم ورحمة الله وبركاته
صبااح الخير..
بصراحه اول مره اكتب مشكلتي هنا وبصراحه ماشجعني الا لما اشوف ردود البنات والبنات فيهم خيررر الكل يسااعد ومحد مقصرر
..
بتكلم عن مشكلتي وماعليه يمكن يكوون كلامي ملخبط شوي
انا مملكه وصار لي 4شهور والحمدلله عايشه معه ولا احلى واحبه ويحبني
بس مشكلته عنده اصحابه وهذول ربعه من قبل لا املك عليه
بس اصحابه فاسدين وهو بنفسه قال انهم داشرين يعني بنات ويوصلون حتى للاندونسيات ,, الله يهدي الجميع ويستر على الكل
وانا بصراحه مو حابه انه يمشي معاهم يعني تعرفون الصاحب ساحب
ويووم قلت له قال انتي عارفتني وانا عقلت ولو اني عزووبي ممكن بس حاليا متزووج والمفرووض تثقين فيني مهما طلعت او مشيت مع اي احد
يقول هم بكيفهم خرابهم لنفسهم ..وحاليا هو طالع معهم وهم ربعه ياخدون استراحه والله من طلع وانا على اعصابي
وانا والله مادرري وش اسووي والله مو مرتاحه انه يطلع او يمشي معهم
شوروا علي وش اقوله ؟؟
والله يعطيكم الف عافيه
وسامحوني اذا الكلام مو مررتب
مادري وش اقولك
بس الله يهديه ويبعده عنهم
تبين الصراحه انا ما اعرف عن هذي الاشياء مرة
بس نصييييييحه بيني له انك وااثقه منه وانك مرتاحه واضحكي وانبسطي معاه
ادري بتقوولين شلوون وانا على اعصابي ومدري وشو !!
بس والله ياماااااا وياماااا ناس تطلقوو لانهم ماكانو يثقون فزووجهم
طب انتي تخيلي نفسك مكان زووجك؟؟ تبينو يشك فيكي؟ راح يدمر بيتكمممم ترا !!
ادري كلامي ملخبط ومكررر بس ان شاءالله وصلتك النصيحه !
وتراه من قلب لانه قد حصل لوحده اعرفها من بعيد وهما لسسا مملكين وقبل الزواج بشهر اظن تطلق!!
بالوووووفييق ي عسسل 🙂
ربنا يهديه ويبعده عن الحرام
بس حاولي لاتبيني انك خايفه او شاكة فيه
خبري أخوانك يطبون عليه فجأه بالإستراحه ويشوفونه وش يسوي
الله يسعدكم يارب و يحفظ لج زوجج و يبتعد عن ذولا الشله
استودعيه لربك وادعي بظهر الغيب له بالهدايه ويبعد عنه عيال الحرام ويكفيهم شره
فعلا اختي الشباب مو مثل البنات يعني مب سهوله يتاثرون بصحابهم
حتى انا زوجي كذا ونفس ردة فعلك سالته اذا انت تصاحب ناس مب زينين قال احنا الشباب كل واحد يعرف الصح من الغلط هم عارفين انهم بالغلط وهذا لهم هم الي جاعدين يسونه احنا نتصاحب والاشياء المشتركة الي بيننا غير