السلام عليكم
ابيكم تلقون لي حل انا متزوجه لي سنه تقريبا و الحين حامل ولله الحمد المشكله ابي اكمل دراستي درست ثانويه وابي الجامعه و زوجي مره مو مأيدني لاني حامل يقول وين نودي البيبي و كيف يمديك تكملين شغل البيت (للمعلوميه ومن سوء الحظ ساكنه في مدينه مالي اقارب فيها و ﻻ عندي خادمه) قلت له عن الحضانه يقول ﻻ ما اضمنهم و ابغى ادرس انتظام ﻻن شهادتها اضمن و اﻻنتساب ماراح اقدر ادفع لمدة 4 سنين ساعدوني تكفوون و وﻻدتي بشهر 2 ما ابي حلمي يضيع شهادتي الثانويه بتكمل 3 سنوات خﻻﻻﻻص سااااااعدوني ابي احل 
لاتهتمين بكلاام زوجك وولدك مافي حل غير انك تحطينه بحضاانه هذا الحل الوحيد …… واذا قالك شغل البيت وووو …قوليله بقسم وقتي وربي يسهلها …. وانتي الله يهديك غلطانه تتزوجين وانتي تدرسين المفروض تكملين دراستك وبعدين تتزوجين …اللي صار صاار وتحملي اللي يجيك الحين …واصرري انك تكملين اذا لك رغبه وماله حق يمنعك من الدراسه ….ولو شرطتي هالشي قبل الزواج كان افضل. واضمن لك
مادري بس لو فعلا شرطتو هذا الشرط وكتبتوه في العقد كان ممكن تجبريه
لكن الان مااظن انك تقدري تغصبي جوزك انه يوافق
خوذيه بالسياسه والطيب قوليله انا ماابغى وظيفه مجرد شهاده جامعيه وخلاص
جربي لعل وعسى
الله يهديك مفروض كتبتي من شروط زواجك انك تكملين دراستك
المهم حاولي فيه يمين يسار لما يوافق
حبيبتي الحضانه أأمن من الشغاله ب100 مره
قولي له هناك امان لاتخاف
وقولي له انج محتاجه للهشادة ضروري
واذا ماكان ماهتم ان تكون عندج شهادة جامعة عالاقل يفكر
حتى بعدين كيف راح تذاكرين لاطفالج وانتي ماعندج الا شهادة متوسط
وحلو الواحد يتعلم
الرسول قال صلى الله عليه وسلم
"اطلبوا العلم ولو بالصين،
والله يهديه
شهادتك سلاحك
اكيد زوجك يمزح
يعني الي تتزوج او تجيب اطفال خلاص ماتقدر تكمل الدراسه
ياكثر المتزوجات الي يشتغلون بعد مو بس يدرسون
انا تزوجت وانا ادرس وبعدها كملت دراسه خارج السعوديه
وحملت وولدت الحمدلله
وكملت دراسه كنت اوديه الحضانه
والحمدلله حملت بالثاني بعد
وبعد ماخلصت بعد 5 سنوات دراسه رجعت السعوديه ومعاي شهادتي
واعرف وحده عندها ماشاءلله 3 اطفال والله
وتوها مخلصه خذت شهادة الدكتوراه
حتى زوجها دائما يقول مو مقصره عالبيت ولا عالاطفال ولا عالدراسه
حبيبتي
الزواج والاطفال مايمنعون الوحده عن دراستها اذا كانت راح تمسك الامور عدل
وتقسم وقتها
بين الدراسة والاطفال