السلام عليكم
البارحة تزاعلنا انا وزوجي على سبب جدا تافة
وغلط علي وسبني ومو عارفة شلون اتصرف معاه وارد اعتباري لاني حسيت بالاهانه
بقولكم وش صار بالضبط بدون زيادة او نقصان
رجع زوجي من دوامه وكنت مجهزة له الغداء الخاص بالريجيم تبعه ومجرد ماخلص تمرين نص ساعة بسير الجري حطيت له أكلة أكل وسبح وراح ينام في غرفة النوم تقريبا على الساعة 6:30وانا ضليت جالسة مع اولادي في غرفتهم طفل عمرة 2وبنت عمرها 4وولد عمره40يوم جلست العب مع عيالي من بعد مانظفت الشقه وجات الساعة 9:30المغرب وجلس من نومة قالي ليش ماصحيتيني قلت له مابغيت ازعجك قلت اخليك على راحتك
بدل ملابسة وقالي لبسي ولدي باخذه معاي بنروح لرجال بجيب منه كيكه طالبها منه زوجتها تسويها مرة لذيذة وجهزت الولد وطلعوا ودق علي بعد خمس دقايق وقالي اجهزوا عشان نطلع بس شويه باخذ الكيكة وراجع لبست انا وعيالي وننتظر من الساعة10الى11مادق دقيت علية مارد علي وبنتي نامت فصخت عباتي ورجعتها الدولاب وفجأة دق علي الساعة11:45
قالي10دقايق وانا عندك بتطلعين ولا هونتي
قلت له اللي يريحك قالي يالله البسوا انا جاي لبست العباية مرة ثانيه وجاء زوجي مع ولدي وبإيدة الكيكة وضل 5دقايق يتغزل فيها وانا مبتسمة ومابينت له اني تضايقت من كثر مامدح بطبخ الحرمة المهم اخذت الكيكه منه وحطيتها بالثلاجه بعدها سألته سؤال جدا عادي
قلت بالحرف الواحد
تأخرت جلست مع الرجال في بيته يعني؟
فجأة ماسمعت الا صراخ
يقولي انتي وش عليك جلست معاه في بيته ولا جلسنا في الشارع
قلت له والصدمة على وجهي مو قصدي بس لانك قلت شوية وراجع وطولت
قالي نفسك ماأبي اسمعه اذا شفتيني راجع من عند احد مابيك تتنفسين معاي وتسألين
سدي حلجك يكون افضل
والله اسمعة والدمعة في عيني مسكت نفسي ماأبغى اصيح قدامه ورحت
على طول غرفة نومي فصخت عباتي واخذت ادويتي تبع الخياطه (لاني مسوية خياطة من3اسابيع عشان خياطتي حقت الولادة انفكت)
ودخلت دورة المياه ماشفت الا باب الحمام بيتكسر يرفس فيه مثل المجنون ويصرخ يقولي اطلعي خذي ولدك يصيح فتحت الباب وقلت له ليش تضرب الباب كذا وتصرخ
يقولي ولدك يصيح يبي حليب قلت له الرضاعه جمبك ليه ماتعطية انا بحط دواي
قالي ولدك اولى من الدواء تتركينه يصيح قلت له انا ماتركته لوحده دخلت الحمام واهو بحضنك ورضاعته جمبك على الطاوله
وطلعت اخذت ولدي من عنده ودخلت الغرفة وسكرت الباب بالقوه تخيلوا جاني عند الغرفة ويصرخ يالوصخه قالها يمكن 10مرات وراء بعض ويالنذله ويالخايسة ويالكلبة انتي وحده ماتربيتي وماتعرفين تربين والدليل تصرفاتك تسكرين الباب بالقوة بعد يالنذله وبوريك وبتشوفين وجميع انواع المسبات طبعا شغلت التكييف وارضع ولدي واستغفر ربي بصوت عالي ماابي اسمع كلامه
وبعدها طلع واخذ ولدي عمره سنتين ومارجع الا الساعه2:30الفجر
طبعا ماكلمته سويت روحي نايمة واليوم جلست طبعا شايلة بقلبي من البارحة وماسويت غداء حتى عيالي عطيتهم توست وجبن وحليب وماطبخت مالي خلق اسوي شي رجع من دوامه ودخل يتمرن وجاني يقولي سوي دجاج مشوي ورز اسمر وسلطة
طالعته بنظره وقلت له ماتخاف اصير نذله ووسخه واحطلك شي في الاكل قالي بلا كلام زايد وسوي اكلي
والله يابنات ماسويت اكله الا عشان ماتنقلب السالفة علي ويصير اهو اللي له حق وانا مقصرة وما أطبخ له ويخلط اﻷمور كلها مع بعض ويطلعني غلطانه طبخت له الاكل وطلعت من المطبخ ورحت غرفتي وقبل شوي جاني يقولي جهزي عيالي لبستهم وطلع معاهم بدون مايقول وين رايح تركني انا مع ولدي الصغير صار له فوق 3ساعات طالع
قلت استغل الوقت واكتب لكم مشكلتي
يمكن ألقى حل انصحوني شلون اتصرف خصوصا ان هذي تصرفاته بأي مشكلة تصير يرفع صوته ويسوي اشياء مره تنرفز ويقط اللوم بعدين كلة علي ويطلعني غلطانه بحقة بعد يقولون هذي شخصية الشمالي الشرقي..
وش رايكم شلون اعاملة بالوقت الحالي
وبالنسبة للأكل حسيت نفسي كارهه اسوي له شي شلون اتصرف من هالناحية
والسب والشتايم شلون اخذ حقي منه
نزلوا موضوعي ياإداره
كثير متضايقة
والله خوفتيني من زواج اذا هذا حال زوجك معك الله يعينك
ﻻحول وﻻ قوة اﻻ بالله
ولله يا اختي قهرتيني من كل قلببببي
اكيد رح تكرهي تطبخيله بعد يلي صار
ولله مابعرف انتي ما غلطتي بشي وبرافو كنتي واعية وشاطرة
بس بجوز هو كان معصب واجا فش خلقه فيكي
بس طبعا هدا مانه مبرر وحتى انه ما عتزر!!!
حسبي الله ونعم لوكيل
برأيي تضلي تدعيله بالهداية والله يهدي يارب
ربي يعرج عليج يختي . .
و الله حزنت عليج و على مشكلتج . .
بسس اناآ اخذني الشكك في زوجك . .
انو هو . . . . . . لماآ كاآن في بيت رفيجه . .
يمكن صاآر شي هناآكك و غيرهه . . الله اعلم . .
ماآ اقووووول غييير حسبي الله و نعم الووكييييييل فيه . .
الطبخ ما له دخل بمشكلتكم
لا تكبرين موضوع
لا تتكلمين معاه ابدا الى ان هو يجي يرضيكي
وانصحك تطبخين له لا تقولين كرهته بعد ما عمله بس يكبر المشكلة لو دخلت الطبخ في وسط نقاشكم
والله يعينك
الرجال ما يفيد معاهم الا عين حمرء
الله المستعان ادا تقدري لا تخليه ياخد الولد معه وشوفي يخرج ولا لا طبعا ابنك مايعرف يتكلم صحيح وحاولي تتجنبيه جيبي اي جحه بدون مشاكل حتى ماياخده
كـرري
حـسـبـي الـلـه ونـعـم الـوكـيـل
إدعـي لـه غـآلـيـتـي بـآلـهـدآيـة عـسـى الـلـه يـهـديـه ويـسـخـره لـك
مـوفـقـه
مش رجال كامل لسى ماوصل لرجولة الكاملة حركات هبالة يدل على خفت عقلة الله يعينك علية