زوجي بالمستشفى بسببي!!!

السلام عليكم ورحمة الله وبركاتة

اخواتي الكريمات تحية طيبة وبعد

انا متزوجة من اربع سنوات وعندي طفل عمرة سنتين ونص وانا عمري 28 وزوجي عمرة 32

حالتنا المادية تعتبر ممتازة وزوجي مو مقصر علي بشي ابدا ، خلوق وكريم وحنون ويلبي اغلب طلباتي

مشكلتي انا اني نشأت في عائلة كانت كل طلباتي اوامر يعني مدللة كثير عند اهلي وهذا الشي خلا لي شخصية قوية حتى انه صار لي هيبة قوية في بيت اهلي والكل صار يحترمني ويخافون من غضبي وعصبيتي .

المهم اني تزوجت ونقلت لبيت زوجي النكد و العصبية على اتفه الأمور

كان هدفي قبل الزواج اني اكون انا المسيطرة على زوجي وكنت ابي يكون لي هيبة وشخصية كما كان في بيت اهلي .

انا من الناس اللي لا يمكن اتغاضى عن اي غلطة او هفوه سواء كانت بقصد او بغير قصد ، كنت اقوم الدنيا على راس زوجي اذا صار اي شي ومهما كان حجم الخطأ .

صار زوجي يحاول قد ما يقدر انه يرضيني لو على حساب امه وابوه .

وصار يخاف من غضبي وصراخي وتنكيدي عليه .

اعترف ان لساني سليط وكنت اشتمه واسبه وهو ساكت وانا وقتها يزيد قهري انه ما يرد علي ، اقوله رد علي يقول ما يصلح اقاطعك حبيبتي !!!!

صار زوجي بالبيت صامت وحزين ، طبعا انا ما اخلي زوجي يطلع من البيت بأي وقت ، اذا رحت عند اهلي يروح هو عند اهله او اصحابه غيرها لا .

المهم انه قبل اسبوع كنا قاعدين عند التلفزيون فقلت له وش فيك ما تسولف معي ؟؟ قال وش تبيني اقول ؟؟ قلت له سولف بأي شي سفهني وسكت وقعد يتابع التلفزيون

انا وقتها زعلت عليه وبديت ارفع صوتي واشتمه واسبه وماخليت كلمة شينه ما قلتها له .

وبعد ما فرغت اللي بقلبي رحت لغرفتي شوي ورجعت الا وزوجي مغمض عيونه .

طبعا حسبته نايم

قلت له طبعا انت جدار ما يؤثر فيك الكلام ولا رد علي

لمسته وصحيته ما صحى … خفت عليه واتصلت على اخوانه وشالوة المستشفى

والحمد لله صحى وكان مغمى عليه

المهم انه اول ما صحى وشافني قال لي اطلعي برا الغرفة ماابي اشوفك

انا رحت للبيت وشلت اغراضي ورحت لبيت اهلي والحين صار لي اسبوع عند اهلي ما اتصل ولا شي مع انه طالع من المستشفى

اهلي عرفوا انه انا السبب واهله بعد عرفوا اني انا السبب