رواية فراق الاحباب

المكان : الكويت ..

المكان : وحده من عمارات الكويت ..

الزمان : المغرب الساعة 5.30

كانت خلود جالسه قدام دريشتها وفي ايدها صورة حبيبها محمد وقاعده تغني في اسم محمد .. وهي سرحانه تسمع صوت من دريشة الشقة الي قدامها

جاسم : الله صوتج وايد حلو .. ويفتح الدريشه ولا يطالعها .

خلود : ويعه وانت شكو .. تسمع على بنات خلق الله ..

جاسم : انا اسف انا كنت يم الدريشه ابي افتحها وسمعت صوتج ..

خلود : مو انا كنت متوقعه انا شقه الي قدمنا مافيها احد فاضيه ..

جاسم : أي لانه تونا ساكنين اليوم ..

خلود : زين خلاص لا تطولها .. يالله سكر دريشتك ..

جاسم : وليش تسكرين علي حياتي ..

خلود : شكو دريشه في حياتك ؟؟

جاسم : لانه منها القى ما بقى من حياتي ..

خلود : اوووووه شكلك مينون .. انا ابي اسكر دريشتي وارتاح منك .. وتسكر الدريشه

ويبقى جاسم عند دريشته يطالع السماء وهو سرحان .. وتمت خلود تتابع جاسم من ورا ستارة دريشتها وهو ما يدري عنها وتستغرب جاسم سرحان ولمدة طويلة وهو يطالع السماء وهو جالس يكتب في دفتر كان ما يفارق ايده .. وبعد اربع ايام فتحت خلود الدريشه قصدت منه تهوية الغرفه وفي ايدها الثانيه تليفونها النقال تكلم فيه محمد ..

خلود : محمد شفيك صار لك مده ما تكلمني شنو الي مغيرك علي

محمد : ( بدون نفس ) مافي شي ..(

خلود : شنو مافيه شي انا مزعلتك يا محمد ..

محمد : اوووه تراج اذيتيني وياج ما عندي غيرج يعني !!!

خلود : محمد انت شنو قاعد تقول ؟؟

محمد : اقول خلود انا مشغول مع السلامه ..

خلود : بس محمد .. ويسكر التليفون ويفتح جاسم الدريشه وهو حاط على ظهره بطانيه صوف وبئيده المرتعشه ماسك دفتره ويطالع في السماء ويكتب في دفتره وملامح ويها تبين عليه التعب و خلود ماسكه في ايدها التليفون وايدها الثانية تحت راسها ويالسة تفكر ..

جاسم : يطالع خلود وبصوت ضعيف صباح الخير ..

خلود : تطالعه نعم

جاسم : اسف على الازعاج بس حسيت من المفروض علي اني اصبح على جارتنا ..

خلود : هذا انتم يا الشباب ما تشوفون بنت الا .. ويقاطعها صوت مسج من محمد وتفتحه بسرعه خلود خلاص انسيني انا لقيت غيرج مع السلامه ) وتنصدم خلود من محمد وتحاول تدق عليه ويقاطعها صوت مسج ثاني .. ( خلود تراني عطيت خطي حق ولد خالتي لا تحاولين تدقين علي ومن هول ما شافت يطيح التليفون من ايدها الى ارض العماره ويتكسر .. وتنزل الدمعه من عين خلود وهي ساكته ما تعرف شنو تسوي ؟؟؟

جاسم : عسى ما شر شنو السالفه ؟؟

خلود : بنظرات حقد انتم كلكم نفس بعض الله ياخذكم ويحرقكم مثل ما حرقتوا قلبي

جاسم : بس انا وتسكر دريشة غرفتها بقوه لي درجة انه تكسر زجاج الدريشه

زاد تعب جاسم شوفت خلود جي .. وحس انه يضايقها وعزم انه ما يفتح دريشته لما يشوفها .. علشان ما يضايقها .. وتم على هذا مده مو قصيره .. ومن ناحيه ثانيه كانت خلود حزينه على الي سواه محمد فيها وكانت تفكر وتراج كلامه خافت انه في كلمه قالتها له وضايقته فيها .. بس ما لقت شي ما عمره طلب منها شي غير انه عطته بدون حدود ولا كانت تنطر منه كلمة شكر وكان هو بعد بخيل فيه لها ..

وبعد فتره حست بعدم خروج جاسم و فتحه لدريشته الي كان متعود عليها وكانت تنطره فتره على اقل تتاسف له على سوته علشانه .. بس ما شافته وصارت تنطره عند دريشتها فترات طويله من النهار بس ما طلع ولا اقترب من دريشة ..

وفي يوم كانت مستعجله تبي تلحق على باص المدرسه فتحت دريشتها ولقته توه فاتح دريشته ولما شافها كان يبي يسكرها ..

خلود : لحظه لحظه ..

جاسم : يفتح الدريشه .. هلا ؟

خلود : شوف في كلام ودي اقوله لك بس انا مستعيله الحين اكلمك العصر اوكي الساعه 5 .. يالله مع السلامه لانه باص المدرسه ينطرني تحت

جاسم : ان شاء الله اذا قدرت مع السلامه ..

خلود لا تكفى حاول ..

جاسم : ان شاء الله ..

وتروح خلود لمدرستها وتعد الساعات علشان تطلع ولما طلعت تمت في غرفتها تطالع الساعه لين تي الساعه 5 ولما يت ركضت لي دريشتها وفتحتها بس ما شافت جاسم عند الدريشه .. جلست قدام الدريشه تنطر وتمر الدقيقه وراى الدقيقه وتجري الساعه وراى الساعه وينزل ظلام الليل على سماء الكويت وتزيد ظلمة غرفة جاسم ظلمه لين يت الساعه 10 بليل وقالت خلود حق نفسها اكيد هو زعلان ولا منحرج مني ابي اسكر الدريشه وانطره بكره وتسكر دريشتها وتحس بنور من غرفة جاسم وترد وتوخر الستاره عن الدريشه وتشوف ام جاسم تفتح الدريشه ويدخل جاسم لي غرفته على كرسيه المتحرك ويقترب من الدريشه وتحط بطانيه صوف على كتف جاسم وترسم على جبهته قبله من شفات امه وتطلع من الغرفه ويقترب جاسم من الدريشة وعينه الى سماء ويتمتم في كلامات وتنزل من عينه دمعه .. وتفتح خلود الدريشه

خلود : بصوت خفيف قوه

جاسم : ولا يحس فيها ..

خلود : ( تعلي في صوتها قوووه ..

جاسم : يلتفت لها ويمسح ما نزل من خده من دموع .. هلا اسف ما انتبهت عليج .. واعذريني لما تاخرت عليج بس ما كان في ايدي توني جاي ..

خلود : لالا مو مهم اهم شي انك رديت .. بس انت شنو قاعد تقول حق روحك .. اشوف شفاتك تتحرك وتنزل دمعه من عينك ..

جاسم : اقول ابتسم واضحك تره الدنيا حلوه

خلود : الله وايد حلو كلامك ..

جاسم : مشكوره هذا كلام اقص على روحي فيه ..

خلود : وليش تقص على روحك ..

جاسم : مو مهم تعرفين .. ولا ودي اقوله لانه وايد يعذبني ..

خلود : على راحتك وعلى العموم انا كان ودي اتاسف لك على الي صار هذاك اليوم ..

جاسم : يعني انا ما كنت مضايقج ..

خلود : هي مو سالفة مضايقني بس كنت ..

جاسم : كنتي متزاعله مع محمد ..

خلود : لا حنا خلاص افترقنا .. وانا مو متحسفه عليه لانه هو الخسران خسر قلب كان يحبه ..

جاسم : واليوم ..

خلود : اكره .. اكره على كثر ما حبيته .. اكره .. والله اكره
جاسم : لا تحلفين الي يحب ما عمره يكره ..

خلود : والله اكره يا ..

جاسم : جاسم ..

خلود : عاشت الاسامي يا جاسم .. وانا اسمي خلود ..

جاسم : عاشت ايامج .. وعاشت الاسامي يا خلود ..

خلود : تسلم .. خلاص يا جاسم لو سمحت لا تذكرني فيه .. زين ابي اسئلك سؤالين ممكن ؟

جاسم : أي حاضر ..

خلود : انا كل مره اشوف وياك كتاب هذا ماسكه وياك وتقعد تكتب فيه شنو تكتب ؟؟؟

جاسم : اكتب قصص .. هوايه من انا صغير نسيته فتره ورديت لها من سنتين ..

خلود : وشنو تكتب وليش رديت للكتابة ؟؟

جاسم : اكتب اشياء وايد كل شي يخطر على بالي … ورديت له من سنتين بسبب مرضي ..

خلود : سؤال ثاني ودي اقوله لك بس مستحيه ..

جاسم : لا قولي لا تخشين شي في قلبج ..

خلود : انت من متى على ..

جاسم : على الكرسي .. انتي شفتيني ..

خلود : أي مو انا كنت انطر ولما صكيت دريشتي امك دشت غرفتك وانت دشيت وراها وشفتك ..

جاسم : انا قبل ما كان فيني شي لين سنتين حاشني مرض قعدني على الكرسي هذا ما اقدر امشي منه الا بصعوبه ..

خلود : الله يشفيك ان شاء الله ..

جاسم : ان شاء الله ..

خلود : ممكن اشوف الي انت تكتبه ..

جاسم : أي حاظر بس لحظه ابي اسمي كتابي .. وكتب عليه اسم ( فاقد الشي لا يعطيه) زين شلون اعطيك ايها ..

خلود : حنا قريبين يم بعض حذفه علي وانا امسكه ..

جاسم : اخاف ما يوصل لج ..

خلود : ما عليك انت حذفه وانا امسكه ..

ويحذفه جاسم الكتاب على خلود وتمسكه في ايدينها الثنتين وتضمه على صدرها ..

جاسم : اشوفه وصل لج ..

خلود : حمدالله والله كنت خايفه اني ما امسكه ..

جاسم : عيل اخليج تقرينه لاني لزم اخذ دواي وانام الحين وبكره عندي مراجعه في المستشفى

خلود : طمني عليك .. وانا ابي اسهر عليه ..

جاسم اوكي خلاص عيل تصبحين على خير

خلود : تلقى كل خير في ويهك ..

جاسم : هذه يديده ..

خلود : أي هذه علشانك بس ويحمر خدها خجل وتسكر الدريشه وتجلس على طرف سريرها وتفتح الكتاب واستغربت من عنوان فاقد الشي لا يعطيه ..

وافتحت الكتاب ومن اول سطر لقت روحها تمشي ورا الصفحات صفحه وراى صفحه وقصه ورا قصه ودموع من غير شعور تنزل من عينها وعلى خدها تجري ..

لين ما طلع الصبح ولقت روحها انتهت من اخر قصه وهي تنصدم من روحها لانها تاثرت وايد في القصص ولا توقعت انها راح تبجي هالكثر .. كل القصص نهايتها حزينه ..

وحست من عنوان الكتاب انه قصد منه ان جاسم فاقد الفرحه ولا قدر يعطيها لي ابطال القصه الي يكتبها .. وحست بشعور انه انسان وايد طيب وحساس ومرضه اثر عليه وايد .. وغيرت ملابسها وراحت لمدرستها .. ولما ردت من المدرسه وهي نعسانه ودها تنام قالت حق روحها خلني اشوف جاسم رد ولا لين الحين .. وفتحت الدريشه

وشافت جاسم ينطرها ..

جاسم : انا حاس كنتي تبين تفتحين الدريشه الحين ..

خلود : وانت شنو دراك ؟؟

جاسم : احساس ..

خلود : تدري انك مسهرني من امس ما نمت تميت اقرا القصص كله ولا خليت ولا سطر .. كلامك وايد حلو ومشاعرك صادقه .. ماشاء الله عليك والله موهوب ..

جاسم : لا شدعوا هي مجرد قصص اكتبها القصد منها تضيعت الوقت

خلود : جاسم عمرك حبيت ؟؟؟

جاسم : أي حبيبت نوره . وزينب . وريم . وبعد حبيت سميره . وعشقت سعاد مثل ما عشقت مريم .

خلود : بس هذيل ابطال قصتك !!

جاسم : انتي ما لحظتي بكل القصص اسم بطل واحد ..

خلود : قصدك طارق .. أي صح ..

جاسم : انا حبيت هذيل كلهم وعشت في طارق تصدقين كان ودي انهي كل قصه في شي سعيد بس ما اقدر امنح السعاده وانا بنفسي فاقدها ..

خلود : بس يا جاسم ..

جاسم : لا بس ولا شي لا تحاولين تقنعيني ..

خلود : ما ادري شنو اقولك .. بس انا اخليك الحين واشوفك بالليل لاني وايد نعسانه ..

جاسم : على خير

خلود : تصك الدريشه وترد تفتحها بسرعه .. جاسم جاسم

جاسم : يفتح الدريشه .. نعم

خلود : نسيت اسئلك شنو سويت في المستشفى ؟؟

جاسم : ما سويت شي فحصوني مثل كل مره وصفوني مسكنات وقالوا راجعنا بعد شهر ..

خلود : بالشفا ان شالله ..

جاسم : ان شاء الله ..

خلود : نشوفك بالليل مع السلامه

جاسم مع السلامه ..

وتقوم خلود الساعه 9 ونص بالليل وتركض لين دريشتها وتفتحها ولا تشوف جاسم قدامها ينطرها ..

خلود : من متى انت هني ؟؟

جاسم : انا هني من اول ما خليتني ..

خلود : شنووو

جاسم : أي والله تميت عند الدريشه من اول ما خليتيني .. انطرج ..

خلود : بينها وبين نفسها ( يا بعد عمري ( ما ادري شنو اقولك ..

جاسم : لا تقولين شي كلميني عن روحج انا لين الحين ما اعرف عنج شي

خلود : انا يا جاسم انسانه مثل أي انسانه في الدنيا حبيت واحد لكن للاسف طلع خاين ..

جاسم : يسكت وينزل راسه لا يكون عبالج انا راح اكون ..

خلود : يحمر خدها خجل ) ومن قال .. ( وترتبك انا اصلا ما فكرت فيك ولا اهتميت لك وهي كله مجرد سوالف واذا تبي اسكر دريشتي ولا راح تسمع صوتي مره ثانيه ..

جاسم : ( يلف راسه لي اتجه ثاني عن خلود يكون احسن ..

خلود : انصدمت ولا قدرت تقول شي

جاسم : يلتفت لها والدموع في عينه .. انا اسف .. مع السلامه ..

خلود : جاسم لا تروح ابيك ..

جاسم : نعم ..

خلود : جاسم ممكن نكون اصدقاء .. .. انا محتاجه لك يا جاسم ..

جاسم : بس

خلود : هذه المره لا بس ولا شي اقولها لك اسكت وخلني اكمل لا اهفك بكس في ويهك وتمسح دمعه من خدها وتضحك

جاسم : يضحك .. ويقول لها الله يقطع ابليسج .. وهم انا بعد احتاج لج ..

خلود : خلاص كل واحد فينا محتاج لي الثاني .. انتهت المشكله ..

جاسم : عيل خلاص .. اصدقاء ..

خلود : زين انت ما كلمتني على روحك ؟؟

جاسم : انا يا خلود وحيد امي وابوي مات من زمان انا ما شفته مات وانا توني صغير ..

خلود : الله يرحمه ..

جاسم : وكنت وايد متفوق في الدراسه لين تخرجت من ثانوي ولما دشيت الجامعه ما خلصت غير كورس واحد وياني المرض .. وانا الحين على هذه حاله .. صار لي سنتين ..

خلود : الله يشفيك ..

جاسم : زين انتي صج عندج اخوان ولا خوات ..

خلود : أي عندي اخت وحده وامي منفصله من ابوي صار لهم اربع اسنين ..

جاسم : عيل وين اختج ما اشوفها

خلود : والله اختي من ربع الانترنت اربع وعشرين ساعه في غرفتها المقابلة
جاسم : وانتي ما تدشين النت ؟؟

خلود : لا ولا أواطنه

جاسم : يضحك ليش؟

خلود : بس جي ..

جاسم : زين شلون ويه الدراسه ..

خلود : والله كل شي اوكي ما عاده ما ده وحده ملعوزتني مكرهتني الدراسه ..

جاسم : شنو هي ؟

خلود : مادة الفلسفه …

جاسم : الله يعينج والله .. شنو رايج اساعدج ..

خلود : بس شلون؟

جاسم : انتي باجر عليج هذه الماده ..

خلود : لا

جاسم : عيل حذفي علي كتابج .. ولا عليج ..

خلود : لا يا جاسم ما ودي اعقدك ويها ..

جاسم : لا تعقيد ولا شي ..

خلود : شلون مو تعقيد وهي ام التعقيد كله ..

جاسم : انا اصلا كنت ادبي و كانت المادة هذه عندي سهله عطيني الكتاب واذا ييتي من الدوام اعطيج الكتاب وانا ملخصه لج .. ومخطط عليه بعد ..

خلود : اوكي ابي اعطيك اياه

وتحذف كتاب خلود لي جاسم ويمسكه جاسم ..

خلود : عيل اخليك الحين ابي انام الساعه الحين يت 12 با ليل ..

جاسم : اوكي تصبحين على خيرعيل ونشوفج باجر ..

خلود : اوكي مع السلامه

جاسم : مع السلامه ..

وقعد جاسم الصبح وجلس يفتح كتاب الفلسفه .. ويقرا فيه ويحاول يلخص فيه لكن
شاف اول حرف من اسم محمد مكتوب في كل صفحه تقريبا .. وبدون شعور مسك القلم ومسح كل حرف لي محمد من الكتاب .. وتم يلخص الكتاب لين الساعة 5 العصر لين انهى المنهج كله .. وبعد التعب مسك جاسم الكتاب وضمه على صدره وتمدد على السرير .. وبعد لحظات سمع صوت دريشة خلود تفتح .. ويقوم ويحول انه يمشي بصعوبه الى كرسيه المتحرك ويتجه الى دريشته ويفتحها .. ولقى خلود ماسكه في ايدها ورده حمراء ..

جاسم : يطالع خلود ولا قدر يفرق من احلى الورده ولا خلود مساء الخير ..

خلود : هلا مساء النور .. شلونك جاسم ..

جاسم : حمدالله طيب .. وانا توني الحين خلصت من تلخيص المنهج ما عليج الا تحفظين التلخيص .. وادعيلي بعدها ..

خلود : خلني اشوف عيل ا حذفه علي ..

جاسم : يحذف الكتاب الى خلود ) ديري بالج لا تطيحين

خلود : ( تمسكه ما عليك تراني احسن وحده في الكويت تسد كتب ولا كتاب قدر يفلت مني ..

جاسم : يضحك عيل خوش .. تصلحين حارس مرمه ..

خلود : تفتح الكتاب و تقول ) والله ما ادري شنو اقولك( ..

جاسم : شنو ليكون ما قدرت الخص عدل اعذريني صار لي فتره .. والله سويت الي قدرت عليه انا اسف

خلود : لالالا انت فهمتني غلط .. ما شاء الله عليك تلخيصك وايد حلو وهم خطك واضح حيل ..

جاسم : يحط ايده على قلبه أي شوه الحمدالله اني قدرت الخص لج عدل ..

خلود : واحسن شي سويته ..

جاسم : شنو ؟

خلود : انك مسحت اسم زفت محمد ..

جاسم : يسكت وينزل راسه ويطالع في الاتجاه الثاني
خلود : تعرف شنو ابي احط بداله ..

جاسم : يلتفت لها شنو؟؟

خلود : لحظه .. وتكتب بخط عريض اسم جاسم على اول صفحه .. وتوريه له ..

جاسم : شنو هذا ..

خلود : هذا اسمك .. هو يستاهل اني اكتبه ( وتقول حق روحها والله اول ما كتبته كتبته على قلبي يا بعد قلبي )

جاسم : مشكوره ..

خلود : لا عادي كل يوم تعال ..

جاسم : يضحك لما دمعت عينه
خلود : الله ضحكتك وايد حلوه ..

جاسم : بس مو احلى من صوتج .. انا اول ما سمعته مدري شنو صار فيني ..

خلود : ( تستحي لا شدعوا ..

جاسم : أي والله يا خلود ..

خلود : تسلم وخلاص تراني مافيني بعد تراني الحين اصدق عمري

جاسم : يضحك .. بس صدقيني بدون شعور لقيت روحي امسح حرف محمد ..

خلود : ليش مستحته صج ..

جاسم : لانه ما يستاهل وحده مثلج ..

خلود : أي والله .. وانا اتحسف على كل لحظه مضيته وياه

جاسم : خلاص انسيه ولا تذكرينه لانه ما يستاهل حتى تذكرينه

خلود : اوكي ..

جاسم : أي صج متى عيد الحب ..

خلود : بسرعه.. باجر .. و ليش تسال؟؟

جاسم : لاني ما عمري في حياتي ما عيدت فيه ..

خلود : وشنو ودك تعايد فيه ؟؟

جاسم : أي .. ودي ..

خلود : وهي تبتسم وحق منو الهديه راح تيب ..

جاسم : حق امي ..

خلود : تبدلت ابتسامتها الى خيبت رجا ايه زين تسوي تستاهل امك ..

جاسم : وانتي راح تعطين هديتج حق منو؟؟

خلود : بغضب طبعا حق امي .. يالله جاسم اشوفك على خير وتسكر الدريشه وتجلس على الارض وهي معصبه .. وتقول شنو فيها لو دز لي هديه ..

وفي ناحيه ثانية يجلس يفكر جاسم شنو يجيب هديه وجت على باله انه يجيب دبدوب وباقة ورد صناعي .. وينزل من الشقه وهو يمشي وحط ايده على طوف العماره وبكل صعوبه يجر خطواته والتعب يبين عليه .. لين وصل محل الهدايا الي كان تحت العماره ولما دخل المحل شاف خلود واقفه محتاره شنو تشتري مدت ايدها على دبدوب لونه احمر وبين ايدينها قلب مكتوب فيه ilove you و سرحت مد جاسم لها وقال لو سمحتي هذا لي ولما التفت خلود انصدمت و ارتبكت ولا قدرت تقول شي

جاسم : وهذه بعد باقة ورد صناعي ابي اخذها

خلود : وكل هذا حق امك ..

جاسم : انا اكتشفت انه امي ما تحب هذه سوالف وتقول كل هذه خرابيط وانا على هذا راح اهديه لج انتي

خلود : حست روحها تطير من فرحه .. وحتى انا بعد امي ما تحب عيد الحب وعلى هذا انا راح اهديك هذا القلب الكرستالي ومكتوب اول حرف من اسمي k .. يالله انا ابي اروح واشوفك باجر .. باليل

جاسم : ان شاء الله ..

وتطلع خلود بعد ما حاسبت على اغراضها .. ويصعد جاسم الدرج لانه كان الاصنصير مسكر .. وبعد ما وصل لغرفته حس انه ما يقدر يمشي خطوه وحده .. وسقط على باب غرفته وبعد صعوبه قدرت امه تشيله وتحطه على افراشه وهي تعاتبه ليش تنزل .. وهو ولا يقدر ياخذ نفس .. قال كان ودي ايب هديه يا يمه لي شخص عزيز علي .. وتطلع امه والدمعه على خدها حزن على ولدها ..

اليوم الثاني الساعه 10 بالليل

جاسم : يفتح دريشته في نفس اللحظة الي تفتح خلود فيه دريشتها

خلود : جاسم وينك العصر ماشفتك ؟؟

جاسم : والله يا خلود ما قدرت اقوم من فراشي كله من التعب الي تعبته بسبت الدرج وروحتي محل ..

خلود : انا اسفه يا جاسم ..

جاسم : لا يبه ما صار الا كل خير .. على فكره وايد عاجبني القلب مشكوره عليه ..

خلود : وهم الدبدوب وايد حلو نومته وياي امس حضنته على صدري .. وباقة الورد حطيتها يم راسي علشان كل يوم اجدد يومي فيها

جاسم : وحتى قلب الكرستال مالج حطيته يم راسي .. بس صج ما سئلتي روحج ليش شريتي ورود صناعيه مو طبيعيه ؟

خلود : مو مهم صناعي ولا طبيعي المهم منك ..

جاسم : لا مهم .. لانه طبيعي يذبل بسرعه اما صناعي يدوم ولو جاء يوم وذبل الي في قلبي لج ما يذبل وحبي لج ما عمره يذبل ???

خلود : تسكت وتبتسم توك قدرت تقولها وانا هم احبك يا جاسم .. وكل عام وانت بخير يا حبيب عمري ..

جاسم : وانتي بخير يا عمري ..

كانت هذه ليله اسعد ليله لي جاسم وحس انه الدنيا صج حلوه وصار يتغنى ويه خلود في الدنيا ابتسم واضحك تره الدنيا حلوه وتموا يقولونها لي بعض لين الفجر لين ما حرم بعضهم سلطان النوم ..

اليوم التالي المغرب ..

خلود : بصوت خفيف تنادي جاسم .. جاسم جاسم جاسم ..

جاسم : يفتح الدريشه . هلا خلود اعذريني كنت بره الغرفه ..

خلود : هلا بعمري شنو رايك فيني وانا متزينه ولابسة احلى ملابسي ..

جاسم : رووعه والله .. ما شاء الله عليج ..

خلود : مشكور بس انا لابسة لاني ابي اروح عرس بنت خالي .. وقلت اول واحد راح يشوفني هوجاسم وترخص منك .. والحين بعد اذنك ممكن اروح

جاسم : طبعا لا خلج وياي ..

خلود : خلاص عيل ابي اغسل ويهي وسكر الباب واقعد وياك لين الفجر

جاسم : تعالي وين رايحه اضحك وياج ..

خلود : جاسم والله لو بغيت اني اقعد اقعد .. هو بيني وبينك القعده وياك تسوى الدنيا ومافيها ..

جاسم : بس هذه بنت خالتج ..

جاسم : انج تروحين عرس بنت خالتك .. وتديرين بالج من عمرج وتقرين المعوذات قبل لا تدشين العرس .. تره عيون الناس ما ترحم يا حياتي

خلود : ان شاء الله .. وحاضره .. وما طلبت شي .. ويالله مع السلامه .. واشوفك بالليل

جاسم : ان شاء الله بس لا تطولين علي انا راح اتم انطرج .. ولا راح ارتاح لين اشوفج ..

خلود : وانا ما راح اطول الساعه 10 ان شاء الله اكون هني

جاسم : ان شاء الله

وتروح خلود ويتم جاسم ينطرها عند الدريشه .. ولما يت ساعه 10 قالت خلود حق امها انها راح ترد ويه السايق .. لكن امها رفضت لانها خايفه ترد خلود ويه السايق بروحها في الليل .. لكن خلود اصرت وراحت بدون لا تدري امها وردت ويه السايق .. وكان جاسم ينطرها عند الدريشه كان يروح ويرد في كرسيه وكانت خلود لحظتها تركض على الدرج لين توصل الى الشقه .. لكن كان جاسم مل من كثر ما نطر وقال حق روحه كيد ما راح تي وقام بصعوبه من كرسيه علشان يطفي ليت الغرفه .. ولا خلود تدش غرفتها بسرعه وتركض الى دريشتها وتفتحها .. وتشوف جاسم يبي يسكر الليت ..

خلود : جاســــــــــــم انا رديت ..

جاسم : التفت بسرعه وما قدر يوزن روحه ويطيح على الأرض
خلود : جاسم جاسم!!!

جاسم : ( بصعوبه يقترب من الكرسي المتحرك وهو يزحف لين ما ارتكز على حافة السرير وجلس على الكرسي سوري بس انتي فاجئتيني

خلود : وهي حاطه ايدها على قلبها .. الله ياخذك قطعت قلبي .. لحظه خلني اقعد والله احس روحي طلعت وريولي ما تشيلني
جاسم : لا سلامة قلبج يا يا بعد قلبي انتي ..

خلود : وانا ناقصه تخرع بروحي انا متخرعه ؟

جاسم : عسى ما شر حياتي شنو فيج..

خلود : يا عمري انا طلعت من العرس وامي ما تدري علشان هي كانت رافضه ردتي بروحي ويه السايق ..

جاسم : زين ليش ما سمعتي كلام امج !!!

خلود : وهي مبتسمه ومستحيه اول شي انا وعدتك اني أي الساعه 10 ولا اقدر اخالف وعدي ..

جاسم : لا والله .. قولي صج

خلود : صج صج ..

جاسم : أي صج صج ..

خلود : لاني كنت مشتاقه لك موت والله تولهت عليك ولا قدرت حسيت روحي انه الدقيقه مثل الساعه والساعه مثل السنه عنك يا حياتي .. ما ادري شنو سويت فيني خليتني احبك يا جاسم ..

جاسم : هلا

خلود : لو في كلمه اكبر من احبك جان قلتها لك بس يا حسافه ما فيه … جاسم !!

جاسم : ساكت

خلود : جاسم .. شفيك ساكت

جاسم : خلود والله احبـــــــــــــج

خلود : يا بعد عمر خلود والله .. فديت عمرك والله ..

جاسم : وعمرك يا حياتي .. لحظه ابي اوريج شي .. ويورح في زاوية الغرفه ويجيب في ايده قفص ذهبي اللون وفيه عصفورين من عصافير الحب واحد لونه احمر والثاني لونه اخضر حياتي شوفي

خلود : الله روعه شحلاتهم ..

جاسم : هذه امي يابته لي اليوم بعد ما طلعتي على طول ..

خلود : وايد حلوين يا حياتي ..

جاسم : ولا وسميتهم بعد .. الي لونه احمر هي انتي خلود والي لونه اخضر انا جاسم ..

خلود : عمري انت والله ..وان شاء الله والي جمع هذا عصفورين في قفص ذهبي .. يجمعنا في قفص حياتنا .. وتكون لي حقي بروحي واكون لك انت .. بس متى يارب ..

جاسم : حياتي عن قريب ان شاء الله وان شاء الله بعد ما ارجع من السفر ..

خلود : تقاطعه أي سفر ومتى راح تسافر ..

جاسم : هذه السفره لي لندن راح اتعالج هناك .. وصفوني دكتور هناك متخصص مثل هذه الامراض النادره .. وراح اسافر بعد اسبوع ..

خلود : تسكت وتنزل الدمعه من عينها راح اشتاق لك وايد ..

جاسم : لا تبجين يا حياتي .. راح ارجع لج ان شاء الله

خلود : ان شاء الله ..

وتمشي ايام ثقال على خلود وهي تتحسف على كل لحظه تبتعد عنها عن جاسم لي درجه انها ما تنام غير ساعات قليله .. وكانت طول اليوم بقرب من جاسم تكلمه .. وهو يواسيها ويوعدها انه راح يرجع لها ..

ليــــــــــــــلة السفر ….

خلود : وهي تبجي راح تسافر يا جاسم …

جاسم : والله يعز علي نفسي اني اخليج وراح اشتاق لج وايد .. بس شنو اسوي ..

خلود : بس راح اشتاق لك وايد وما ادري شنو راح يصبرني على افراقك ..

جاسم : شوفي اذا اشتقي لي اقري من الكتاب الي عطيتج ايها .. وراح تهون عليج ..

خلود : والله ما يهون علي احد غير شوفتك ..

جاسم : يا بعد عمري ما تخافين ما راح اطول .. بس حياتي عندي طلب .. من زمان كان ودي اقولها لج بس مستحي ..

خلود : يا عمري والله .. عيوني لك والله امرني !!

جاسم : ابيج تغني لي !!

خلود : يا عمري بس هذا .. شنو تبين اغني لك ..

جاسم : أي شي تبينه ..

خلود : يا عمري .. راح اغني لك اغنيه حقت نوال .. غالي غالي ..

وتغني

(غالي غالي لو يبعد مها يطول الصد .(

خلود : جاسم والله انك غالي .. علي وراح اشتاق لك وايد .. اعذرني ما اقدر اكمل .. وتبجي

جاسم يغني ويحاول ان دمعته ما تنزل

(غاليه غاليه لو تبعد مها يطول الصد (

خلود : ياعمري والله ويغنونها ساعات طويله لين ما انتصف الليل وارتاحت خلود شويه .. من الحزن

جاسم : حياتي انا اسف بس لازم انام انا الحين

خلود : خلاص نام الحين وانا الصبح اقومك بس خل دريشتك مفتوحة ..

جاسم : خلاص عمري لو قدرتي الساعه 8 الصبح قوميني علشان اقعد وياج شويه وبعدين اسافر الساعه 10 الصبح لازم اكون في المطار ..

خلود : يعني تقعد وياي بس ساعتين ..

جاسم : خلاص الساعه ست قوميني ..

خلود : يا عمري خلاص راح اتم سهرانه لين الساعه 6 الصبح
جاسم : لا عمري لا لازم تنامين ..

خلود : لا حياتي .. ابي اقعد اقره كتابك الي كاتبه .. واقعد اتخيل روحي انا بطلة القصه .. وأحاول في عقلي اني اعدل في نهايه وتكون سعيده ..

جاسم : اذا جي اوكي .. يالله تصبحين على خير ..

خلود : وانت من اهل الخير ..

وتجلس خلود تحت الدريشه وتمسك الكتاب وتقرا فيه .. لين ما نامت وهي جالسه وتقوم الساعه 9.30 على صوت العصافير الي في قفص جاسم وهي مفزوعه .. وتوقف على الدريشه .. ويطيح عينها على قفص عصافير وعصفور اخضر ميت العصفورة الحمراء تغرد في صوت عالي وحزين .. وتصيح خلود على جاسم الي متمدد في االفراش وتنادي عليه

خلود : جاسم جاسم ..

جاسم يا حياتي رد علي .. جاسم شفيك جاسم يا عمري .. رد روحي وتكلم .. يا جاسم .. جاسم وينك .. جاسم حياتي امانه رد علي .. جاسم .. جاسم .. ليش ساكت ما ترد علي .. شفيك .. جاسم جاسم جاسم جاسم .. وتدخل ام جاسم على صوت صراخ خلود وتحرك جاسم من فراشه ولا يتحرك تحول تكلمه ما يرد عليها .. لانه قبل ساعات قليله قد طلعت روحها الطيبه من جسمه .. قبل لايسافر ويتعالج .. وتصارخ خلود وبغير شعور تسقط خلود من دريشته من الدور ثالث الى ارض العماره .. وتركض امها على صوت صراخ الى ارض عماره وتحول تشيلها وتسعفها الى اقرب مستشفى ..

في غرفة العناية المركزه ..

دكتور : ام خلود .. الحمدالله بنتج تعدت مرحلة الخطر .. والرضوض الي فيها ممكن تتعالج وتروح مع الايام .. بس

ام خلود : بس شنو يا دكتور ..

دكتور : بس خلود ما تقدر تمشي بعد مره هذه .. انا اسف حاولنا على قدر ما نقدر بس ما في امل تمشي على ريولها مره ثانيه ..

وتجلس تبجي ام خلود على حضن بنتها الي تدمرت حياتها وهي في عمر الزهور ..

وبعد عدة اسابيع ترد خلود لي شقه وفي نفس اللحظه تسكر ام جاسم دريشة المرحوم جاسم وتعزل من الشقه .. وتدخل خلود غرفتها وتقول حق اختها و امها ان يخلونها بروحها .. وتحرك خلود كرسيها المتحرك الى دريشتها وتفتحها .. وملامح الحزن باينه عليها .. وتجلس تنظر الى دريشة جاسم .. وتمسك في يدها كتابه ويدها ثانيه على خدها وتنظر الى النافذه .. تنظر الى يجي اليوم الي يفتح فيه اسير النافذه نافذتها !!!!!

النهاية]……….