رواية اتهموني بشي باطل وانتقامي كان بسببهم – روايه اكشن وغموض ورومانسيه وكوميديا

في البدايه سلام عليكم كيف الحال ، بصراحه انا كتبت قبل كذا روايه وللاسف بائت بالفشل لذلك اعتبر هذي اول روايه لي اتمنى التفاعل والدعم ..
لا احلل نقل الروايه بدون ذكر اسمي soso alshahrani
بسم الله نبدا
البارت 1⃣ الاول
الشخصيات //
عائله ابو خالد::عائله فقيره جدا //
الاب ؛ ابو خالد شايب عمره في الخمسين يشتغل قهوجي في احد الشركات الكبيره
الام ؛ ام خالد تشتغل فراشه او قهوجيه في مدرسه بنات
البنت 1:رنيم عمرها 30 مو متزوجه عاطله مملوحه شعرها اسود لنص ظهرها عيونها بني غامق .
البنت 2: ديالا عمرها 23 رجه وفله وتحب الاستهبال هي جميله جدًا شعرها طويل بالحيل لونه بني غامق عيونها عسلي فاااتح على اخضر على رمادي تشبه جدتها ام امها الفلسطينيه << قصه مهمه وطويله بتعرفونها بعدين تذكروا كلامي >> لونهم غريب مره ملامحها حاده وشفايفها توتيه .
البنت 3 : ساره عمرها 18 تقريبا زي اختها ديالا بالرجه جمالها ناعم مو صارخ زي اختها ابد ملامحها ناعمه .
الولد 1: خالد عمره 17 دااااشر لابعد درجه .
الولد 2:عبد الله عمره5 سنوات طيب وكيوت وعلى نياته واخدع شوي

عائله ابو محمد اخو ابو خالد //
عائله غنيه جدا < اكيد تتسائلون كيف اخوان و واحد غني جدا والثاني فقير جدا نفس ماقلت لكم اول قصه طويله بتعرفونها بعدين >
ابو محمد: الاب شايب بالخمسينات تاجر كبير وعنده شركه كبيره بالرياض
الام ؛ متوفيه
البنت1: الماسه عمرها 32 متزوجه وعندها بنت .
البنت2: ريناد عمرها 20 مغروره جدا جدا وصايعه مره
البنت 3 : ريماس حبووبه مره وطيبه وجميله نسبياً عمرها 22 عكس اختها ريناد تماماً
الولد 1: محمد عمره 27 وسيم جدا جدا عيونه سود منحوته وانفه سلة سيف مو ابيض ولا اسمر لونه حلو عوارضه منحوته ورجال بكل معنى الكلمه
الولد 2: اخر العنقود دلوع مره عمره 16 ويحب المشاكل

< ملاحظه ترا فيه شخصيات مهمه ما بعرف عنهم الا لما يجي دورهم عشان ماتلخبطون وكذا >

***********روايه اتهموني بشي باطل وانتقامي كان بسببهم***********

في بيت ابو خالد //
ديالا: سويير تعالي
ساره : تبينه الحقيني
ديالا: وقفي عشان ما يصير لك شي موب زين
ساره : قلت لك تبينه الحقيني
ديالا : طيب طيب
رنيم تصارخ : ببببس بس بس انتي وياها بزران انتوا بزران !!
ديالا : هي اللي اخذت مشطي
ساره : هييي انا يالكذابه
ديالا: شوفيه في يدك
ساره : ذا مشطي
ديالا : لا مشطي
رنيم : اول كذابكم انتي وياها مافي البيت كله الا مشطين واحد لابوي واخواني وواحد لنا احنا وامي
ديالا: ابي امشط شعري لاني بروح لريماس لبنت عمي محمد
رنيم : نععم مافيه
ديالا: طيب ليش !!
رنيم : يعني ماعرفين المشاكل اللي بيننا احنا واياهم !! ة
ديالا : الا بس …
رنيم : لا بس ولا شي يلاه على غرفتكم نوووم الساعه الحين 12 بكره بنقوم ننظف البيت لان امي بتكون مداومه
ساره تتحلطم بصوت واطي : الله يا ذا الدوام كلها قهوجيه في مدرسه
سمعتها ديالا وردت عليها بنفس الهمس او الصوت الواطي: خليها على ربك بس !

********* روايه اتهموني بشي باطل وانتقامي كان بسببهم ***********

في بيت ابو محمد //
ريماس:ياربييه انتي متى تعقلين؟؟
ريناد: مو شغلك ولا عاد تتدخلين في اموري الخاصه احسن لك .
ريماس : انتي الخسرانه
ريناد : اوووف
ريماس طلعت من غرفه ريناد وظربت بالباب وراها
ريناد مسكت جوالها واتصصلت على صديقتها
ريناد : الو كيفك
مياره: تمام قلبي انتي كيفك
ريناد : تمام اقولك مره طفش اب ياطلع تجين معاي
مياره : اوكي لتس قو
ريناد : اوكي بااي

****************رواية اتهموني بشي باطل وانتقامي كان بسببهم **********

في مكاان خااارج البلد وبراا السعوديه بالتحديد في لندن

ابو فهد : تسلم والله يا ابو منصور…. ما تقصر .. حبيبي .. لا لا لاتخاف … باذن الله كل شي تحت الصيطره .. فمان الله .
فهد : يبه مين كنت تكلم ؟؟
ابو فهد : هذا ابو منصور اللي اشغالنا عنده .
فهد : اهاا الا وش صار على اشغالنا اللي بالرياض ؟؟
ابو فهد : لاتخاف يا ولدي كل شي باذن الله تمام
.
.
.
.
.
.
اعرفكم عليهم /////
عائله ابو فهد :: عائله غنيه جدا جدا جدا تجارتهم وشركاتهم تعدت السعوديه والدول العربيه بعد وصلت شركاتهم الى الدول الانجليزيه والاوروبيه ..
ابو فهد : تاجر كبير زي ما ذكرت عمره في اواخر الاربعين
ام فهد:متوفيه
فهد: عمره 27 رجل بمعنى الكلمه وسيم جدا جدا وسامته مايظاهيها الا القليل شهم وراعي فزعه وهو الولد الوحيد لابوه ..
لمياء : اخت فهد الوحيده عمرها 23 طيبه وحبوبه مره وحساسه وتتاثر بسرعه وبيكون لها دور كبير في الروايه .
.
.
.
.
انتهى … ادري انه البارت قصير واغلبه تعريف بالشخصيات لكن باذن الواحد الاحد ان البارت الجاي بيكون اكثر تشويق وحماس ..