رحـــلتي مع اقلام الكحـــل ومحصلتي الجديــده .::.

رحـــلتي مع اقلام الكحـــل ومحصلتي الجديــده .::.

——————————————————————————–

السلام عليكم

شلونكم ياصبايا

قريت كذا موضوع عن اقلام الكحل

وكثير يشتكون من عدم ثباتها وغيرها من المشاكل

وانا مثلكم ,, الكحل ما يثبت بعيني ابد الا عقب ماحكه حك وتحمر عيني وتدمع

استعملت الغالي والرخيص والاغلب نتايجهم مؤقته او يطلع اللون باهت ويسيح

من خلال كذا ماركه ونوع استفدت من بعضهم وحبيت اعرضهم عليكم

.::.

كحل غيرلان العربي

سواده حلو ونوعا ما يثبت بس عيبه انه يوصخ الدنيا يعني لازم ينحط بحذر

وانا سبب لي مشكله خلاني اتركه.. لما انام ويبقى منه بعيوني,, تطلع لي تجاعيد تخرع تحت العين

وصراحه خفت وخليته

.::.

كحل استي لاودر

جاني دعايه مع اغراض اخذتها ,, صراحه حلو واسود ,, وبعدين سمعت كذا بنت تمدح كحل

استيلاودر بس عيبه انه مو ثابت مع ان سواده حلو

.::.

كحل مــاك (محبوب الكل) ^_^

اخذته في بدايه معرفتي بماك,, سواده حلو ونوعا ما ثابت

بس عيبه يحرق العيون حار جدا عالعيون وبعدين من النوع اللي لما امسحه يوصل

لين اخر خدي وكالعاده تركته

.::.

كحل شيسيدو

شفته على عين رفيجتي سواده على عينها عجيــــــــــــــب ماشاء الله وثابت

تشجعت وشريته ,, سواده حلو ماطلع على عيني مثل عينها طبعا هي ماشاء الله

الكحل ثابت بعينها وبارد جدا عالعين بس عيبه مو ثابت كلش

.::.

كحل نوبا

عشقــــــــــــــــــي الوحيد

اقدر هالكحل جدا لانه ثابت واسوود وحلو مايحرق العين ,, استمريت عليه فتره طويله ومازلت

وانصح البنات فيه,, اخذته بناء على نصيحه رفيجتي.. وصراحه روعه

.::.

كحل بنفت

اخذته بناء على نصيحه وحده من بنات المنتدى وبعدها بفتره قريت موضوع لمارشميلوز عنه

الكحل اسود وثابت يعني ماعليه اخذيه وانتي مرتاحه ^_^

.::.

واخييييييييييييييييييييييييرا

اخر كحل شريته عقب ما سمعت عنه وايد

وقعدت ادوره لين ماحصلته ^_^

كحــل سمـــــــــــــااايلــــــــــــنج

صراحه الكحل حلو مثل ما تكلموا عنه البنات

بس قالوا لي اللي لونه اخضر احسن,, بس على كلام الهندي سيم سيم ماما

صراحه سواده وايد فضيع,, انا عن نفسي حبيته,, ثابت بعد والاحلى لما امسحه ما يوصل لين

نص خدي مثل بنفت وماك وسعره بعشر ريال ^_^

::

وووبس

حبيت انقل لكم تجربتي وان شاء الله تستفيدون منها وياريت اشوف ردودكم الحلوه

وتجاربكم عشان الكل يستفيد

<< جميع الحقوق محفووظه وياليت لو احد نقل الموضوع انه يذكر المصدر تقديرا لتعبي >>