سلام عليكم بنات
انا مشكلتي مسويه لي قلق وحابه اتغلب عليها لكن ماقدرت حاولت وحاولت ومافي نتيجه
انا اخاف من الرجال مستحيل حتى ادخل محل لحالي بالمول حتى لو فيه حريم لازم احد من اهلي معي مرات اظطر ادخل لحالي لان اهلي مايحبون المحلات الي تهمني واحبها او يدخلون يعجلوني ومرات لمن ادخل مانتبه انه المحل البائع رجال
الي يصير اني استعجل واخذ شي مايناسبني خصوصا بالفاونديشن دخلت مره محل بمول صيدليه ومع حماسي لمن شفت صيدليه دخلت ومانتبهت انه البائع رجال وكنت اختار فاونديشن وجاء لي واحد يقولي اساعدك باختيار الدرجه شافني حايسهه
وقتها اتخربط مدري شيصير فيني وارتبك واخذ اي شي واطلع ليتني اطلع بلا ماوهق نفسي بشي غلط من ربكه اشوفه كويس وزابط وبس اوصل البيت اتندم
حتى لومجرد اني احاسب او اخذ قهوهه ع سريع لازم الربكهه ذي
ومره كان معي كيس فيه مشتريات ودخلت محل وطلع صوت ذاك الي عند الباب وجاني الامن يقولي كيسك لوسمحتي وكان قريب مني ارتبكت مع انه شي عادي حتى هو نظراته استغرب ويحسبني مسويه شي وفي شي بالكيس
مايصير كذا لمن اتعامل مع نساء
وغير انه حتى سالفة الزواج كارهه اني ازوج وارتبط برجال
مدري اصلا كيف بتعود رجال قريب مني
وانا حابه اتغلب عليها المشكله قبل يحصل لي نصيب مع احد
للان مو اي واحد بيكون تفكيره فيني سليم لوشافني ارتبك لمن يقرب
احيانا توصل اني ارجف حتى لو اخوي واقف جنبي
وكم مره اخوي لاحظ يديني ترجف
صحيح اول كنت بشكل خفيف كذا من الحياء وممكن يروح لمن ادخل كذا محل
لكن اساس المشكله انه مرت كم سنه ورا بعض علي اسلوب صراخ وضرب من اخوي في امي
لكن انتهت المشكله من سنه لكن التاثير سلبي علي ظل
وكلمت دكاتره نفسين كثير طلعو فيني امراض وبلاوي مالها داعي
خلك واثقة من نفسك ومع الوقت راح تتغلبي ع المشكلة ان شاء الله وموفقة يارب
|
المشاركة الأصلية كتبت بواسطة نوررالعيوون
 خلك واثقة من نفسك ومع الوقت راح تتغلبي ع المشكلة ان شاء الله وموفقة يارب
|
وكمان خليك عادي لما تدخلي أي محل خلي تركيزك على الي تبي تاخذينه وبس وانشاء الله يروح هالاحساس
الله ينولك مرادك يارب
سيبيكي من الي يقولك بكل بسااااطة .. خلك واثقة من نفسك !!
عارفين … ماجبتوا شي جديد بس المشكلة كيف ؟؟
انصحك تهتمي جدااا بموضوع العلاج النفسي واقري بالنت بمواضيع تخص تطوير الذات والاسترخاء والتخلص من اﻻفكار السلبيه
واحضري دورات عن هذي اﻻمور وانصحك بمجموعات ابراهيم الفقي رحمة الله عليه جدا راح تفيدك
واشتري كتاب قوة عقلك الباطن من اهم الكتب
ولاااازم تتعلمي تقنيات الاسترخاء وتوكيد الذات بالافكار الايجابيه وتمارسيها بشكل يومي
الموضوع سهل بس اشتغلي على نفسك شوية عشان ترتاحي بعدين
ولا اهملي عشان ما تتفاقم الحالة ..
موفقة يارب