انا عندي مشكله خوات زوجي فيهم اطباع وصخه ملاقيف ووقحين بشكل !
انا عايشه معهم بنفس البيت بس بغرفه تخيلو
ياخذون اغراضي ولايرجعونها و يستخدمون من اغراضي بدون اذن يعني تخيلو جزماتي م سلمت منهم والله مابالغ حتى جزمي يلبسونها ! فوق مانهم ياخذون بدون اذن يردونهم خربانين وملعون تاريخهم ! هالايام قمت اشيلهم بغرفتي حطيت لي رف جزم
ولابتوبي ماخذينه مني لهم 4 اشهر م رجعوه واستحي اقول جيبوه
مره شاريه فستان ونسيته عندهم فجاه ارجع البسه اشوفه واسع وعرفت انه وحده منهم لابسته ووسعته هم ماشاء الله عليهم فيهم عافيه وعرض
المشكله وقحات وكل وحده لسانها شبرين وم يحترموني معن مب مقصره وياهم كل ماتنزل مكافءه الجامعه اعزمهم ع مكان وعقب هللحركات جطلت فيهم م عد اخذهم مكان ولا اذكرهم بشي
شوفي حياتي البنات الوقحات يبون ياتطنشيهم وإذا سالوك قوليلهم ممكن تستاذنون
ولا اذا مانفع معهم التطنيش حاول اذا اخذو شي روحي وتكلمي معاهم على انفراد وقوليلهم على كل شي في خاطرك ولاتسكتين لانهم يخلوك ممسحه عندهم افرضي شخصيتك عليهم باتمنى اني افدتك بشي
ضبي اغراضك في غرفتك واقفليها بالمفتاح لان هذا شي يرفع الضغط
الله يعينك
ممكن تكلمينهم بأسلوب كويس أو قولي أحتاج هذا الشيء إلين تكتمل أغراضك بعدين عيب عليهم يدخلون غرفتك وفيه هذا الحل بس أنا أشوف مو كويس أنك تكلمين زوجك وبعدين أنتي في الجامعة يعني تحتاجين اللاب توب حقك كلميهم قولي أحتاجه ولا قولي أن الدكتورة منزله محاضرات على النت وأبغا أشوفها
وبس ولا تستحين أنك تكلمينهم هم ما استحوا منك وفيه أشياء تحتاجينها
المشكلة ما احس في زوجات خواتج المشكلة فيج انتي ..
شخصيتج واسلوبج وتعاملج معهن لازم تغيري من ذاتج ..
عندج غرفة يوم تطلعين مكان قفلي الباب وانتهى بكذي محد يقدر يأخذ شي من اغراضج ..
مع اشكال زوجات اخوج الطيبة ماتمشي …
انا اشتغربت منج يوم قلتي استحي اقول لهن يرجعوو لابتوب
عزيزتي اذا قعدتي جذي تحملي اللي يصير لج منهن …
وعشان تحلين هالشي ترا الحل هي : المواجهـــة ..
اعصب من اللي هم مثلج اللي مايقدرون يردون ويظلون ساكيتن ويستحون ..
قوي شخصيتج .. مثل ما قلتي عنهن ملاقيف ووقحين ..
شو يعني ؟؟ بظلي كذا دايما ..
((
))
ماينفع التطنيش ولا السكوت لانو هالشي راح يزيدهم سوء وحريه اكثر
لاكن كلميهم وجه لوجه ومحد راح يخاصمك لانو ذي حقوقك
الله يعينك
وانت ليش سااااااااكته ..
وشنو تستحين اتقووولين لهم يرجعون اغراضج..
هذا اعتقد مب اعتقد الا اكيد هالشي من حقج..
وبعدين روحج قلتيها ملاقيف ووقحين ..
فكيف المفروض اعامل الناس اللي ما تحترم غيرها..
ابتعد عنهم … وما احتك فيهم وااايد..
واتجنبهم ..
ومب معناته كلامي انج اتصيرين مثلهم ما تحترمينهم
لا احترامينهم بس لا تسكتين عن حقج..
ودام انهم ما يرجعووون اغراضج ..
لا تعطيهم شي مره غير ..
وبعدين ليش ما تكلمين ريلج ..
عشان يتفاهم مع خوووواته ..
وبصراحه بدون ما تزعلين مني حبيبتي ..
الغلط منج من البدايه دامج تعرفين اسلووبهم كذا
فليش تسكتين وما تقولي لهم شي ..
ترا الطيبه الزائده … مب لمصلحتج ..
تحياتي لج .
وموفقه..
خليج قوووويه شخصيه ..🌹