ي اخواتي..والله اكتب لكن بحرقه والالم يعصر قلبي..مشكلتي مع خواتي يعيروني بالعانس ويحبن بعض ولو وحدده منهن تخانقت معي كلهن يصيرن ضدي تخيلن عشر حريم يتجمعن علي وهذي تعايرني وهذي تشمت وهذي تدعي وطبعا ليه؟؟..تكون وحده منهن جايه ضاربتني ومناديه خواتها يفزعون لها…بعد م اضربووني وخانقوا وخلصوا..كل وحده ترجع لبيتها ولا كان صار شي وانا اجلس طول الليل ابكي وامي ترجع وتخانقني ..وتهددني تقول لابوي يضربني..امي معهن لانهن متزوجات..وتعايرني كل يوم بالعانس ياللي م احد يبيك.. ومشغلاتني خادمة عندهن لا لبس لا اكل لا مصروف ..وفوق هذا يشيشن امي ع الطالعه والنازله وانا يشهد الله اني حتى ملابس ..العيد م اشتريها والسبب هن يشيشن امي علي ليه لانهن تزوجن وهن صغار..انا ماني زينه..عانس..والله ابشع الالقاب وابشع المعاير وابشع الدعاوي يعايروني بها لي ..النعمه م تدوم والدنيا دواره وححسبي ربي ونعم الوكيل
حياتي انا ربي يرزقك بالزوج الصالح يارب
بس انتي تفاهمي معهم بشددده الطيبه ماتنفع تري
الله يصبر قلبك ياروحي
وﻻتشيلين هم انتي منتي عانس بس ﻻن هم تزوجو بدري يشوفونك عانس
ان شاء الله ربي يرزقگ بالزوج الصالح
گثررري من الاستغفار وخاصه احنا في شهر فضيل
وگثري من الدعاء وان شاء الله يجيگ اللي يهنيگ
وماعليگ من الگلمه اللي يقولونها لگ
حتي لاتعبين حالگ
وتفاءلي
وگلي امرگ لله تعالي
السلام عليكم
انت ما لازم تركتي عن حقك و ما تخافي منهم و اذا عايروك مرة ثانية ردي عليهم ما تسكتي و قوليلهم انو الزواج بيد الله و خبريهم أنك احسن منهم لانك ما تنابزيهم بالألقاب و اتركي أمر الزواج الله و الله يبعتلك نصيب جكارة فيهم
الحمدلله والشكر آنتي ضعيفة شخخخخصيه لا تزعلين بس هذا الجد
ي ختي وقفيهن عند حدهن وش هالخوات الخبول
قوليلهن اذا انا عانس أنتن خبلات الله يشفيكن
وقولي لامك اكسبي أمك لصفك او احد من إخوانك مو تكونين ضعيفه
الجاي الي الله ولاتدعي عليهم بل اطلبي منه العوض
وانتي ماجورة ان شاالله فالله مايضيع حق احد..
وكل مااذوك تقربي لله اكثر اجعلي من الصلاة حضنا ترتاحين علي صدرها
وابشري بالفرج والخير من عند الله سواء بالدنيا او الاخرة..
سبق وعانيت من بعض الظلم في بيت اهلي ولكن اقل منك بكثير بصراحة
ولله الحمد اللحين تزوجنا كلنا والعلاقة زينة ونسينا الماضي ولكن اقسم بالله مع اني مااحمل بقلبي حقد بس وربي لين اللحين وانا لي 9 سنوات متزوجة
احلم بهواش وكوابيس مع امي وخواتي مع ان العلاقة تحسنت بكثير واصحي من الحلم حزينة واتذكر الماضي واجلس ابكي ..
لكن احمدالله ..
اسالي الله ان يرزقك بالصالح ويؤلف بين القلوب .. وحاولي بقدر الامكان تتفادين الحقد .. وتصبرين
لان الله لاينظر الي عمل العبد بقدر ماينظر الي القلوب التي صدر منها العمل ..
ماذكرتي لنا كم عمرك حبيبتي
علشان ينادونك بالعانس
ولاتهتمين لهم الدنيا دواره
وهم اكيد عندهم بنات
المفروض يخافون
إذ زمانك صفي لك يوم زمانك ما يصفي لك كل يوم
وإذ بسبب منادتهم لك بلعانس يمكن وحدة فيهم تكون عقيمة أو الثانية تفقد زوجها لا سامح الله
اذكري شء واحد دنيا دوار ويجي يوم ويدور عليهم