مشكلتي ام زوجي عندي بالبيت فيها انفصام يعني عدة شخصيات فيها الجنون اقربلها يعني مو طبيعيه حركاتها وتصرفاتها اخاف منها بس ماكلمها واجيها لابعد ماأقرا على نفسي تتمشى عريانه بالبيت البسها اقولها
عيب تلبس واذا رحت عنها تفسخها …….مره تضحك بصوت عالي مره تغني بعض الاحيان تقعد يومين ماتنام ماتعرف الليل من النهار
وهي موكبيره عمرها 45سنه والمشكله الاكبر النظافه معدومه عندها ترفض تتحمم الا بالغصب بعد ماتطلع روحي منها
جبنا شغاله لها بس الشغاله ماقدرت عليها وسفرناها…
واذا قلتلها شي تعاندني بشكل مو طبيعي لها بنات وعيال بس ولا واحد تكفل انه ياخذها عنده او يستأجرون لها بيت ويقعدون عندها ويخدمونها
هذي امهم وكلهم كبار اكبرهم 30 واصغرهم 22سنه وساكنين عند ابوهم وزوجته بس رافضين ابوهم وزوجته وهم بعد انهم يتكفلون بامهم لان بينا وبينهم مشاكل بتحديد زوجي يبغونه يطلقني وهو وقف ضدهم لان امورهم
وكلامهم عني اشياء تافه يعني كلام نسوان فلانه قالت كذا قصدها كذا ولاكذا والله حاجات الواحد يستحي يقولها وسببها زوجه ابوه وخواته من ابوه احسبي الله عليهم ونعم الوكيل انا والله زوجي ماخذني من بيت اهلي علشان اخدم امهم يعني لو زوجي وحيد امه اقول معليش بس هم 7 غير زوجي بس هي صعب التعامل معها ولاتسمع
كلامي مستحقرتني والغريبه اذا صار عندنا ضيوف او جانا احد اقوم
انظفها والبسها وكشخها وقعدها معهم تصير هادئه لاكلام ولاحركات غريبه وبعد مايروحون تقلب والله مادري وش اسوي زوجي طيب ولا ابي اخسره
حتى مااحب اتعرف على جيراني وسبب هي البيت وسخ 24ساعه تسوي
بغرفتها وبكل مكان توسخه ماتروح لدوره المياه اكرمكم الله تقول مااقدر ولانمت مدريت عن نفسي ولا ماشوف ولاخفت والحمام مايجيله مترين عن غرفتها……….والغرف مقفلتها اخاف تدخل فيها وتوسخها كنت قبل فتره
مفصله كنب لصالتي تسلطت عليه تجلس عليه وهي مسويه على نفسها وبعض الاحيان تكون الدوره فيها ولاتلبس شي وتعدم الدنيا…
وانا مادري عنها حتى لو دريت مترد علي ابدا تقوم وترجع ثاني مره
صرت عصبيه بسببها وحساسه من اي كلمه لانقدر نروح ولانطلع ولانسافر
ابغا ارتاح منها لو اسبوع مااحد يبغها من عيالها لو راحت لهم مايتحملونها وعلى كل هذا يكرهوني بشكل فضيع واذا جونا يسلمون عليها ويقعدون عندها نصف ساعه ويروحون ولانشوفهم الا بعد 4 شهور يارب مادري وش اسوي لي 4سنوات وانا على هذي الحاله اهلي يقولون اصبري بس انا تعبت صرت افكركثير حتى الحمل ماصار من كثر التفكير
ودي اعرف كيف اتعامل معها علشان ارتاح انا آسفه طولت الكلام بس من
القهر الواحد وده يفضفض لااروح لاحد ولايجيني احد 
لا حول ولا قوه الاباللله والله مااقول غير الله يعينك معلش تحملي علشان زوجك وتاكدي هذا كله بكره تلاقيه عند ربك وعلى كلام اهله خلك منهم بدهم يخربوا بيتك بس انتي لاتعطيهم فرصه وانشاء الله كله في ميزان حسناتك
اللة
يعينك واللة حالتك صعبة بس صدقينى ان اللة ماراح يضيعلك تعب واصبرى واحتسبى عند رب العالمين
طيب لية مايودونها لمركز يتحملها ؟؟ او على الأقل تكون المسألة انها تتوزع بين اخوانة !!!!! عن جد اللة يعينك رددى دائما (ان اللة مع الصابرين اذا صبروا )
حبيبتي انا مو ضد ام زوجك !!!! لكن انتي مو مجبورة تتحنمليها دام انها حتى الثياب ماتلبسها وتتعمد توسخ البيت لو انها مثل باقي العمات حتى لو كانت تكرهك بنقول تحمليها بس ماتوصل لهدرجة تمشي عريانة وتفشلك جدام الكل وتوصخ لك البيت لما تجيها الدورة
لازم تكلمين زوجك وتقولين لة يشوف لها حل او يشوف اذا كانت عندها حالة نفسية او ياخذ لك شقة بروحكم وانتي مو مجبورة فيها وللحين انتي ع البر اذا مارضى الحمداللّة ماعندك عيال انفصلي عنة ابرك لك
الناس تتحمل ام الزوج بس مو لهدرجة وعندة اخوان مايتحملون فيها ويكهونك بعد هذي جزاة المعروووووف !!!!!!!!!!!!!!!!
|
المشاركة الأصلية كتبت بواسطة مشكلتي
 حبيبتي انا مو ضد ام زوجك !!!! لكن انتي مو مجبورة تتحمليها دام انها حتى الثياب ماتلبسها وتتعمد توسخ البيت لو انها مثل باقي العمات حتى لو كانت تكرهك بنقول تحمليها بس ماتوصل لهدرجة تمشي عريانة وتفشلك جدام الكل وتوصخ لك البيت لما تجيها الدورة
لازم تكلمين زوجك وتقولين لة يشوف لها حل او يشوف اذا كانت عندها حالة نفسية او ياخذ لك شقة بروحكم وانتي مو مجبورة فيها وللحين انتي ع البر اذا مارضى الحمداللّة ماعندك عيال انفصلي عنة ابرك لك الناس تتحمل ام الزوج بس مو لهدرجة وعندة اخوان مايتحملون فيها ويكرهونك بعد هذي جزاة المعروووووف !!!!!!!!!!!!!!!! |
لا حول ولا قوة الابالله حبيبتي عليك بالستغفار والصلاة أخر الليل عسى الله يفرج همك ويسر امرك
اذا حماتك مريضة نفسيا عالجوها حرام تتركوها تتعذب
ومارح اكون مثالية واكذب عليكي واقولك اصبري وجزاكي عند الله هو صح حلو الوحدة تسوي خير ومعروف بس مو للهدرجة انو حياتي تنخرب بصراحة انا لو مكانك مابتحمل هيك وووضع
احكي مع جوزك يشوف حل
والله يكون ف عونك
عزيزتي ,,,
تألمنا للحال التي عليها ام زوجك ونحن نقدِّر شعورك اتجاهها
فــ نسأل الله تعالى لك الأجر والثواب على صبرك وتحملك
واعلمي الحل لمشكلتك هو بعرض ام زوجكِ على أطباء الاختصاص
للقيام بمعالجتها فهي ولا شك مريضة وتحتاج للعلاج
ونوصيك بها خيراً بالدعاء لها ومراعاة حالها
والإحسان إليها بالقول والعمل .
لا يسعني إلا أن أدعو لــها بالشفاء العاجل إن شاء الله تعالى
نسأل الله العظيم رب العرش العظيم أن يشفيها ويعافيها ونسأله
سبحانه أيضا أن يريح قلبك ويزح همك ويفرج كربك
وجعل كل ما تقومي به في موازين حسناتك
ونسأل الله ان يرزقك بالذريه الصالحه عاجلاً غير اجل
وييسر أمـرك يا رب العالمين ..
تحيتـــــــي ,,,
—————–