حلى يجنن يجنن وسهل ومقاديره متوفره لو أمدح فيه من هنا لبكره مايكفي !
هلا فيكم والله
من زمان على بالي أنزل لكم هالحلى بس والله مافي وقت عندي
بس اليوم قررت أعطيكم طريقته والله والله إنه يجنن بيعجب زوجك لاني اعرف ذوق الرجال وبيعجب عيالك وبيفيدهم وغير كذا مافيه دسامه يعني مافيه دريم ويب وجبن كيري وحليب نستله والخرابيط ذي أكرهها
يالله نجي للطريقه :
اولا : سوي على النار 2 كريم كراميل (كاسين كبيره ونص ماء و10 ملاعق حليب بودره,أول مايبدابالغليان أضيفي 2الكريم كراميل )وخليه يغلي شوي مع التحريك وسكري النار ,بسرعه حطي بالخلاط باكيت كامل بسكويت شاي اللي حجمه صغير وإذا ماعندك عادي حطي ثلاث ارباع الكبير ,وحطي عليه علبة قشطه وفنجان قهوه سكر وملعقه صغيره نسكافيه و(كريم الكراميل اللي سويتيه حطيه مع المقادير بالخلاط وهو حار) إخلطيهم زيييين ,جيبي صينيه بايركس وسط رصي في القاع طبقتين او ثلاث بسكوت شاي جاف(بدون ماتشربينه بحليب) وجيبي اللي بالخلاط وكبيه على البسكويت اللي بالصينيه ودخليه الفريزر (ربع ساعه) وبعد ربع ساعه إذا تأكدتي إنه جمد
على طول سوي كريم كراميل ثاني بس هالمره بحليب صافيو الشوكولاته
حطي 3حبات حليب صافيو على النار واول مايغلي اضيفي له 2م كبيره سكر وأضيفي له 2 كريم كراميل وخليه يغلي شوي وخذيه وصبيه فوق الطبقه الاولى ودخليه الثلاجه وبسسسسسسسسسسس
والله والله جناااان كأنه دانيت وأحلى بعد لو كل يوم صينيه بنخلصها ,يموووت عليه زوجي وعيالي ,ويالله جربوه ولاتنسون تبشروني بالنتايج. آسفه ماصورت الطريقه وماعندي إلا هالصورتين إن شاءالله تكون واضحه
IMG00372-0311-0118
شوفو كيف مرتب ومتماسك
IMG00373-0311-0118
لايفوتكم يابنات ترى لذيييذ بمعنى الكلمه سهل مره وماياخذ وقت ولا جهد
تكفون يابنات اللي تجربه او عجبها تدعيلي بالتوفيق وشكرا لكم .
ما شاء الله يمي يمي
شكلها لذيذ
تسلم الايادي يا قمر …
ان شاء الله اجربها باكر
كنت مجربة وصفة شبيهة باللي ذكرتيها وبالفعل طعمها لذاااذة ..
تسلمين ويعطيج العافية
تسلم ايديك
يعطيك العافيه