بنات انا فيه حريم بيون يشوفوني عشان ولدهم
انا مااعرفهم مووووليه بس سمعت عنهم انهم طيبين وحبوبين
المشكله مو هني 🙁
المشكله ظروفي اللي بتينني
امي مسافره برا مع زوجها وماقط سألت عنا
وشكل الحريم دارين عنها عشان جذي اتصلوا ع اختي العوده والوحيده
وقالوا لها بييون يزورونا ويشوفوني هالاسبوع
واهيا قالت لهم اوكي واختي هذي الوحيده بعد مو هني 🙁
اهيا مستقره مع ريلها منطقه ثانيه بعيده عنا
يعني انا الحين شسوي منو بيستقبل الحريم
معقوله انا باستقبلهم لحالي جذي
اختي اقولها ليش ماتيين تقول انا انسيني
صارلي وقت اترجا ريلي وهو مو موافق بحجه دوامه
اقولها انزين شسوي ماعندي حد تقولي تتيسر دبري حالج !!!
يعني قولولي الحين انا شسوي اقولهم لايجون وخلاص اكنسل السالفه كلها
مع انهم حليلين ووايد سمعت عنهم اشيا طيبه
تكفون خلكم احسن من اختي وعلموني شلون اتصرف شسوي
حتى اختي يوم سألتها علميني على الاقل شلون استقبلهم شنو اقدم لهم**
شنو البس وشنو الاستعدادات اللي لازم اسويها لبشرتي للبيت وجذي
تقولي لاتكبرين السالفه اي شي
يعني شسوي والله ورب البيت مااعرف شي مااعرف شسوي لاتطنشوني**
الله يفرجها
للرفع
عزيزتي اولا البسي لبس انيق محتشم و مشطي شعرك خليه منساب لان الحريم الكبار يحبون الشعر الاملس 🙂
وحطي مكياج خفيف يعني مسكاره كحل من داخل و روج بناتي وردي
وسوي الاشياء المعروفه القهوه الشاهي التمر الحلويات ولو فيه معمول
بس اول شي قدمي لهم عصير بعدين القهوه بعدين الشاي
وانت استقبليهم عادي كأنك تستقبلين احد تعرفيه ولو قالو لك وين امك واختك قولي امي مسافره واختي ماتقدر تجي بحكم ظروف زوجها عادي كوني صريحه وخبريهم انك معتمده على نفسك ودربين امورك بنفسك وانا ماحبيت استقبلكم لاني الحالي وحنا نرحب بضيف وش ماتكون الحاله خلي لسانك عسل
وكوني راقيه بالكلام معهم لاتستحي مره والا تضحكي على كل شي والا تبيني لهم عيوبك يعني لاتقولين انا فيني كذا او كذا بعض البنات في هالمواقف يقولون قصة حياتهم سيئاتهم ومحاسنهم
اتمنى افدتك والله يسير الي فيه الخير لك
عزيزتي البسي لبس انيق محتشم و مشطي شعرك خليه منساب لان الحريم الكبار يحبون الشعر الاملس 🙂
وحطي مكياج خفيف يعني مسكاره كحل من داخل و روج بناتي وردي
وسوي الاشياء المعروفه القهوه الشاهي التمر الحلويات ولو فيه معمول
بس اول شي قدمي لهم عصير بعدين القهوه بعدين الشاي
وانت استقبليهم عادي كأنك تستقبلين احد تعرفيه ولو قالو لك وين امك واختك قولي امي مسافره واختي ماتقدر تجي بحكم ظروف زوجها عادي كوني صريحه بس لاتبين لهم المشاكل حقتكم لو سألوك كيف دبري امورك او انت الي دايما تستقبلين الناس لحالك وخبريهم انك معتمده على نفسك ودربين امورك بنفسك وانك متعوده ترحبين بالضيوف وتسقبلينهم سواء لحالك او معك احد من اهلك
وكوني راقيه بالكلام معهم لاتستحي مره والا تضحكي على كل شي والا تبيني لهم عيوبك يعني لاتقولين انا فيني كذا او كذا بعض البنات في هالمواقف يقولون قصة حياتهم سيئاتهم ومحاسنهم
اتمنى افدتك والله يسير الي فيه الخير لك
الله يووفقك وويسر ويسهل امورك
ويتمم لك على خير
سبحان الله وبحمده سبحان الله العظيم
استغفر الله ربي واتوب اليه
اوركيد جليان
مشكوووورة حبيبتي الله يفرج لج كل هم ويسعدج والله فرحتيني بردج وخففتي علي
ولو اني مازلت شايله هم ماادري شلون بتصرف وياهم وانا واايد واايد خجوله
وشكرا للاخوات اللي دعولي الله يوفقكم وييسر اموركم
وين باجي البنات محتاجه ارائكم
امييين واياك
لا تخافي عيوني والا شي ومثل ما قلت لك
مو اول واحده انت تنحط بهالموقف كثير بنات اهلهم منفصلين وما احد موقف معهم لكنهم اعتمدوا على انفسهم وعودوا نفسهم على مواجهة كل شي ونجحوا في كل امورهم مو بس في شوفه والخطبه 🙂
الله يوفقك
لبسي شي حلو ونااعم وحطي ميكب خفيف
الظيوووف رتبي المكان وجهزي لهم الاكل سويتات وفطاير وغيره
والسوالف بتظهر وان شاء الله ربي يسهل لج حبيبتي
انتي قلتي ما عندج حد فليش ترفضين هاذي فرصه وربي يسهل لج
توكلي على الله وامورج باذن الله ماشيه