السلام عليكم ورحمة الله وبركاته
انا انسانه مطلقه بعد ماشفت من زوجي الذل الخيانه عدم الاحترام … وبسن صغير يعني الحياه قدامي
المشكله اني فقدت الثقه بكل الرجال ، احس خلاااااص ما ابي اتزوج وارتبط بزوج ثاني
اخاف اتزوج ويطلع اخس من الاول وهمي الوحيد بنتي، شلون بتزوج واعيش حياتي واتركها يتشتت وانا متاكده مليون بالميه لو تزوجت ابوها بياخذها
وانا ماني مستوعبه اعيش مع شخص ثاني وارتاح على حساب تشتت بنتي .. لدرجة ما ابي احد يجيب لي سيرة خطيب متقدم لي
انا مو كارهه الاستقرار .. بس وش يضمنّي ان اللي بيتقدم لي انسان صالح ، لان طليقي خدعني وكل الناس مدحوه وبالنهايه اعترف ان اللي مدحوه كاذبين ماااصرت اثق باحد
اتمنى احد ينوّرني ويفيدني ، واللي جرب يزودني بقصته
التجربه الاولى مش دليل انه حياتك كلها بتكون مثلها واخس بسبب رجال كان بحياتك
وماقدرك ولا احترمك بحياته..
لاتحرمين حياتك من الزواج وانتي توك صغيره ممكن تكون حياتك القادمه افضل بكثير
ومش ممكن حد يقارنها بحياتك السابقه..
لو قلتي مابتتزوجين من شان بنتك لا تضيع وتتشتت بينكم مصير البنت تكبر وتكون لها
حياه مستقله عنك وتظلين بروحك في الاخير ..
انتي صلي الاستخاره وادعي الله يقدم لك الخير في كل امورك
موفقه حياتو
حبيبتي مين قالك تثقين في الرجال من الاول والله مالهم امان بس في منهم من يخاف الله ويعاملك بما يرضي الله مو غلط تجربي حياتك مع واحد ثاني بس اتمنى انك استفدتي من تجربتك السابقة والله يسهل امورك يارب
بس مهما كان احس عندي خوف لما احد يخطبني ابيهم يروحون
حاسه ان ولا واحد فيهم انسان سوي وصالح
والله ماكنت كذا ، كنت انسنانه متفائله وايجابيه
بس حسبي الله ع من كان السبب