اخواتي**
اريد نصيحتكم او رايكم
انا تعودت طول عمري اني اعطي ولا آخذ**
واحمد الله على هذا الشي ولست ندمانة بالعكس افرح ان الله يقدرني اني اعطي الناس واقدم الخير لهم
ومن ذلك اني ما اعرف اقول لأحد ( لا )
كل شي حاضر وطيب**وكان كل هذا على حساب نفسي ..**
لدرجة لما انخطبت ما طلبت من زوجي شي ابد مابي اكلف عليه
وحتى مهري كان عادي وبدون هدايا ولا قدم لي زوجي شي مما يقدمونه العرسان لعرايسهم**
وما سوينا حفلة خطوبة ولا زواج ما كنت ابي أتعب زوجي ولا أتعب **أهلي**
انحرج جدا ما ابي أحد يتعب بسببي
واللي حواليني تعودوا مني هذا الشي**
انهم ياخذون مني فقط **ولا يعطوني .. يقولون اني ما انتظر منهم عطاء .
وانا كنت فرحانة حقيقة بهذا الشي .. مبسوطة اني أعطي وأعطي ولا أنتظر الا القبول من الله تعالى …
لكن .. الحين .. لما مرت السنين .. ومضى العمر .. جلست أحاول أتذكر مثل الناس .. أبي أتذكر ان فيه هدية جتني من الناس العزيزين علي …. ما ألقى … أبي أتذكر ذكريات ايام العرس والخطوبة مثل البنات اللي يقولون انها أحلى أيام العمر .. لكن مع الاسف مافيه ذكريات .. لاني مثل ما قلت لكم استحيت ان اهلي يتعبون عشاني لان امكانياتهم متواضعة وما بغيت أكلف عليهم … وزوجي ماصدق اني كنت اقول له اني ما اهتم بها الاشياء ولا حتى جاملني .. لا حفلات لا عزايم ولا شي عندي أتذكره يحسسني بجمال ذيك الفترة اللي يعيشونها العرايس عادة … والحين يوم مرت السنين … وتزوجوا العيال .. وراحوا وبقيت لحالي .. صرت أدور شيي من الذكريات اللي الناس يعيشونها …. ويسولفون فيها .. ويستعيدون حلاوتها …مالقيت …. مالقيت … مالقيت شي لنفسي أستعيد حلاوة ذكرياته … وحتى يوم سافرنا كم يوم اول ما ازوجنا كانت السفرة كلها على ذوق زوجي ومزاجه وما عطاني فرصة أختار والا أطلب شي …. واللي يزيدني قهر على قهر إن زوجي الآن **لما كثر خيره ، وتوفرت له الامكانيات ،، و جاء الوقت اللي كنت أتوقع انه بيعوضني عن الحرمان اللي فات !!! لقيته **ما يدور الا سعادة نفسه هو ، وراحته هو ،، فقط ،، لوحده !!! يقول انه كبر وتعب ولازم يرتااااح … طيب وأنا ؟؟؟!!!
هل انتهت صلاحيتي خلاااااااص !!!**
هلا يا معطاه
يسعدني اكون اول من ترد عليك
بقولك يااقلبي العطاء نعمه من الله لاتكتمل الا بعدم انتظار الرد
انا كنت مثلك وتعبت كثيييييييييييييييييير لاني عطيت عطيت وكنت مستنيه يجي يوم واحد بس يتذكرلي هالعطاء وخاب ظني بالناس شر خيبه
من يومها واعدت نفسي اني ما ابطل اعطي ولاكن ابطل انتظر الرد من الناس
ودائما اصبحت اقول { فعلت هذا لوجهك يارب فعوضني الخير منكْ}
والحمدلله صرت افرح فرحتين
فرحه اني عطيت لوجه الله
وفرحه العوض من الله
الله يفرحك من عنده ويجعل عطاءتك خالصه لوجهه
كلنا حبيبتي عانينا مثلك
وكل الدلع اللي تشوفيه مع بنات الحين بس
ماشافوه السابقات بكل العوايل مو انتي بس
وطالما انهم بخير وطيبين لا تضايقين نفسك يكفي انك انجزتي اعظم انجاز
ماشاء الله تبارك الله كبرتي وعلمتي وزوجتي
الحين جاء دورك تدلعي وروحي واطلعي وتجمعوا عند الجيران وزوري بناك واولادك
لا تنتظرين شيء من احد
والله الناس بعضهم وليس الكل البعد عنهم راحه ماتبين منهم شيء بس تبين يمسكون شرهم
واذا زوجك يقول ابي ارتاح
خلي اولادك يودونك مشاويرك او سائق
المهم لا تندمي على مافات وخلي نظرك للامام فقط وبتفاءل
ماراح يبقى بالعمر مثل مامضى
واذا قضيناه في الندم ولا اتذكر من اعطاني او من ساعدني راح اتعب وماراح الاقي الا المواجع
امي مثلك
حصل معاه موقف ولما شفته قلت مستحيل يوم من الايام اكون مثلها ومثلك
كانت مشتهيه حلى وجلست شهر هي تقول واخواني يقول طيب طيب شوي وبعد فتره ينسوون
وهي بعد قلبي ماتبي تكلف عليهم وهم عارفين ان امي ماراح تضغط عليهم
وفي يوم من الايام يعني بعد شهر احد اخواني جاب الاحلى وكلن اخذ قطعه باقي قطعه امي
واكلنا كلنا وامي جالسه تتقهوي وتبي تبدا اكل الا يجي ولد اخوي يبي ياخذ حلى امي رغم انه اكل
ولما قلت انا له لا هو قال ؛جده ماراح تقول لا وبتعطيني صح ياجده
قالت امي ؛صح ياوليدي خذها
انا انقهرت وسكت واشوف امي على فكره السالفه لها 3 شهور ولسه امي مشتهيه الاحلى واخواني طناش
حتى الطفل تعود ان امي تعطي ولا تاخذ ولا تتكلم
صراحه وقتها قلت لا للعطاء بلا حدود
احسه في زمانا الناس يفهمونه ضعف شخصيه
ررررررررررررررفع
ياقلبي عليك حلو العطاء وحلو الاخذ كمان
وبقولك ترى انت السبب عودتي الناس عليك ولوكنت تعطي شوي وتوقفي شوي
كان فهمت الناس انك بشر مثلهم ولك حقوق زيهم لكنك انت قلتيها لهم بالفم المليان انا ماتهمني
هذه الاشياء ولا احب اكلف على احد عشان كذا الناس مو مضطرة تجاملك وتقدرك لانك كنت متنازله
عن حقوقك لو من باب المجاملات
ومن اليوم ابدائي صفحة جديدة من حياتك خذي وخذي وخذي على قد ماتقدرين لكن بالتدريج
خذي من زوجك بالسياسة مو بالقوة طبعا وخذي من اهلك ومن اولادك واصري على اللي تبغينه
لاتتنازلين عنه ابدا تحت اي ظرف وما اظن راح تكون طلباتك كبيرة اوشاقة عليهم لانك في الاساس
انسانه معطاءه ويمكن بعد ماتعرفين تطلبين شي لانك مو متعوده
واللي كنت تعطيهم اقطعي عنهم هذا العطاء وحقوقك لاتتنازلين عنها حتى لو كان شي تافه
والله انقهرت عليك ومحروق فلبي بعد
ربي يفرج عنك وويشرح صدرك
مووووفقة