تبين شعرك حرير بساعه ادخلي

السلام عليكم ورحمة الله وبركاته موضوعي طويل بس وربي مفيد

بنات انا شعري من النوع الافريقي مدري ليش انا الوحيده من عيلتي شعري كذا مع اني بيضا يوم اسئل امي تقولي انه عمتها كان نفس شعري وعمتها هذي تمتاز بالبياض والحمره ياريت اخذت بيضها وحمرتها

المهم مره صار عندنا مهرجان بالجنوب وبنفس المهرجان كان فيه سوق يعرضون فيه منتجاتهم ودخلت محل عطاره وحصلت كريم اسمه كريم النخاع التونسي ومن تحته مكتوب لفرد وتنعيم الشعر وسئلته بكم وقالي بستين ريال وشريته المهم ورديت البيت وفتحته كانت ريحته حلوه حيل والعلبه كانت كبيره ومدوره وعريضه ولونها مثل الاصفر والبرتقالي المهم بالتعليمات مكتوب ينحط بعد غسل الشعر وبيني وبينكم غسلت شعري وحطيته بس شفت شعري عادي ما سواله شي انقهرت ع الستين ريال

ورميت العلبه فوق الدولاب ورحت بيت خالي عشان انسى الهم وشعري المجعد والمطعج والمطبات الي فيه

اول مادخلت بيت خالي شفت بنت خالي تقولي يابنت سويت دهان من راسي ومكون من حلبه وبعض الزيوت وسويت قارورتين حق المويه وابي استخدمها لبنتي الحق عليها بعدها صغيره ابيها تكبر وتفاخر بشعرها مثل البنات المهم

وعطتني قاروره وقالتلي اشرايك نتحدا انا وانتي انا ببنتي وانتي لنفسك ونشوف النتيجه بعد كم شهر قلت يلا

المهم استخدمته ثلاث مرات واهلي تضايقو من ريحته لانه حلبه وبالذات ابوي صار يصارخ ويقولي البيت كله حلبه واخواتي يقولون لي عدمتي البيت بالريحه

وانا تركته لانهم ماحبو ريحته وقلت حتى لو استمريت عليه مابيسويلي شي لانه يطول الشعر وانا ابي شي ينعم الشعر لاني مو ناقص طول وشعر مجعد وخشن مثل الافارقه اللهم لك الحمد والشكر

بعد 3 شهور رحت بيت خالي ازاورهم طبعا حنا زيارتنا لهم خفيفه وربي يابنات 3 شهور وشوي ماشفت بنت خالي ويوم دخلت اهي وبنتها انا انصدمت بنتها الي كان شعرها صغير وخفيف ومصلع بمناطق من راسها وربي يابنات انه لما دخلت كانت مسويتلها ضفيره من جهه وحده والشعر تتوقعون لوين وربي لنص شعرها

وبنت خالي هزئتني وقالتلي حتى زوجي تضايق منه بس ماتركته لبنتي واستمريت عليه وانتي خليكي كذا الي يبي شي يسويه ويواصل في الشي عشان النتائج تكون مرضيه

ورجعت البيت وربي مقهوره والدنيا مقفله بوجهي

طلعت انظف دولابي وحصلت الكريم النخاع التونسي وربي كنت بارميه بس وربي جا ع نيتي تدرون وش سويت فيه وربي ماتصدقون

رحت غسلت شعري نظيف ونشفته ومشطه من التشابق واخذت كل خصله وحطيت عليها من هالكريم وجبت الاستشوار المدور العادي وصرت ادهن كل خصله واستشور وربي الكعبه يابنات ان كل خصله احط منها واستشورها كانت تصير مثل المويه ناعم وفوق هذا كله حتى المنابت تنعم لين خلصت كل شعري وربي وربي شعري حسيته يلمع لمع وناعم وحتى لما اتوضا بمويه كان مثل ماهو هذا وانا مستشوراه بسشوار عادي الي مو بحار فمالكم لو مستشورته بسشوار قوي كان طلع خقق المهم استمريت عليه ثلاث ايام فرحانه وصار شعري ناعم وصرت فرحانه ع فكره نعومه طبيهيه مو مثل الفرد الي يوقف الشعر ويبين فرد المهم العلبه خلصت والسبب انه اخواني الخبول يفكرونه كريم ترطيب يدهنون به ايدهم لين خلصوه

اختي الي من الاردن تراه كريم مو زيت واسمه كريم النخاع التونسي

غلطتي اني خليت اخواني يلعبون فيه لين خلصوه وانا على بالي مابحتاجه

بس يوم جاتني الفكره واستخدمته وشفت كيف صار شعري تقولو هيفاء وهبي بلمعته ونعومته هنا تندمت ليش خليت الخبول يخلصونه لي

والحلو ان هالكريم مابه مواد كيماويه بس ربي تستخدمينه لطلعات والمناسبات وحتى لو تبين تدلعين لزوجك وترا لو استمريت عليه وماخلص لمدة شهر كان شعري الحين مثل الكوريين واليابانيين