السلام عليكم أخواتي
أنا بنت غير متزوجه عمري 20 سنه أتمنى تساعدوني لأني أستحي جدآ من أمي ومشكلتي محرجه
حاليا فيني الدوره وفي اليوم الرابع
اليوم دخلت الحمام أغير الفوطه (الله يكرمكم) لقيت دم أسود وريحته كريه جدآ جدآ
أنا بالعاده ينزل مني دم أحمر عادي ودم غامق وتنزل قطع صغيره متخثره أحيانآ (أتوقع مثل كل البنات طبيعي) وأنا من النوع اللي يتألم كثيرآ وقت الدورة
لكن هالدوره ثاني يوم نزلت مني قطعه دم كبيره متخثره طول الأصبع وخفت لما شفتها وقلت لنفسي هذي كيف نزلت ؟ أنا بنت و مو متزوجه ؟ وخفت تكون تأثر على غشاء البكارة بعدين اتعوذت بالله من الشيطان وقلت لنفسي عادي يمكن إنها مع التقلصات تنزل
بس اليوم شفت الدم أسود وسميك وثخين جدآ مو كأنه سايل وريحته مقرفه (الله يعزكم)
ورجعت أشك وخايفه ايش ممكن يكون تفسير هذا الدم ؟
بحثت بجوجل لقيت في المنتديات الأغلب متزوجات ينزل منهم دم أسود وتطلع حامل ولا يكون نفاس ومن هالكلام … ما لقيت وحده بنت وعذراء مثل حالتي
ملاحظه : أنا أمارس العاده السريه وآخر مره سويتها قبل الدوره بيومين وأنا خايفه يكون مرض بسببها أو أكون فقدت عذريتي؛ لكن خلاص قررت أتوب عنها إن شاء الله وما أرجعلها … ادعولي ربي يثبتني ..
المهم … هذا الدم طبيعي ؟ في وحده بنت حصل معاها كذا قبلي ؟
أرجوكم ساعدوني بسرعه ونزلو موضوعي يا إدارة
*** أستغفر الله العظيم الذي لا إله إلا هو الحي القيوم وأتوب إليه ***
لاحول ولا قوة إلا بالله العظيم ..
والله مـا عندي علـم .. أن شاء الله البقية يفيدونگ
وربي يهديگ و يثبتگ ..
رفع
وعليكم السلام ورحمة الله وبركاته
لاحبيبتي لاتخافين على غشاء البكارة مافيك شي
الدم الاسود دم فاسد..~
يمكن انتي تهملين نفسك وماتدفين نفسك زين او تشربين بارد وغازيات
ومع كل دورة كذا يتجمع الدم لما صار دم فاسد
حبيبتي لاتهملين نفسك انا ماابي اخوفك لكن ترا شرب البارد والغازيات مو زين بالمره
يعني كل دوره تتجمع كتل تتجمع كتل لما تصير كيس ويمكن يتحول خبيث الله يكفينا الشر.!
دفي نفسك زين وارتاحي لما تجيك الدورة وابعدي عن البارد والغازيات
والله يثبتك ويبعدك عن العاده السرية…
وهذا اللي كنت بقوله..
. الله يحفظك و يثبتك يارب:*
كل ينزل منك طبيعي وهذا اوساخ في الرحم يمكن الدورة الي قبلها مانظفتي كويس لا تخافي الوضع عادي جدا-ترى موشرط دائما ينزل دم احمر انا احيانا دم احمر ومرة اسود ومرة بني ومومتزوجه يعني عادي ماله داعي الخوف ودم دورة ماله تأثير في غشاء
عادي يا اختي بعض الاوقات الدم يتأخر في النزول من الرحم فيتغير لونه، يمكن عرضتي نفسج لبرودة او شي بهالفترة، انا الاحظ على نفسي لما اغتسل (عزكم الله) او ابرد يتأخر الدم شوي وما ينزل عدل ولما ينزل يكون لونه غامق فشي جدا عادي لا تخافين.