مسااءكم خيير وتوفيق خواتي
اول مرة اشارك وان شالله ما تخيبون ظني فيكم
صار لي جم سنة ماحملت 
رحت لدكتورة عقب ماكملت سنة من الزواج وسوت فحوصات للهرمونات و اشعة الصبغية والحمدلله قالت كلشي سليم ماعدا ان الرحم مايل شوي وهدا ما يأثر على الحمل
وراويناها تحليل زوجي قالت مافيه شي .. ماعندي حل الا انكم تسوون تلقيح صناعي
اني هني ويه زوجي بطلنا عيونا مستغربين 
قلنا بنروح لغيرها .. للدكتورة كيران في مستشفى رويال .. شاافت تحليلي قالت عندك قله في المبايض وزوجك عنده كثافة في السائل وعدد الحيوانات المشووه مرتفعة شوي
فعطتنا علاج ..
ثاني يوم دورة آخذ حبوب اسمها فيمارا لمده خمسة ايام تالي اروح في يوم 11 وبشوفون التبويض
وعطوني بعد حبوب فيتامينات
و زوجي بس قالوا له خذ حبوب فيتامينات وكثر من شرب الماي
خايفة من الحبوب والمنشطات تأثر سلبيا علي لانة تقريبا كلشي طبيعي فيني ولله الحمد
افيدوني اللي استخدموا هالفيمارا .. فاد وياهم وهل فيه اشكاليات
عطونا تجاربكم بنات وعطوني شويه أمل 
على العكس حبيبتي الآن عندك فرصة أكبر للحمل مع هذه الحبوب
خليك مستمرة على العلاج مع الطبيبة وان شاء الله نسمع انك حامل يا رب
|
المشاركة الأصلية كتبت بواسطة لطيفة بكلامي
 على العكس حبيبتي الآن عندك فرصة أكبر للحمل مع هذه الحبوب
خليك مستمرة على العلاج مع الطبيبة وان شاء الله نسمع انك حامل يا رب |
شكرا اختي على الدعم المعنوي والدعوة الحلوة
ان شاء الله ربي يكتبلك الحمل المعافى قريبا والخلفة الصالحة
السلام عليكم حبوب الفيمارا زززين استخدمتها اختي كان عندها ضعف في التبويض و جابت معها نتيجة والحين حامل في الشهر الثالث
ظلك متابعه من الدكتوره ربي يكتب لك الحمل عن قريب وتبشرينه