السلام عليكم يابنات
كيفكم ان شاء الله بخير ….؟
بنات انا كثير تعبانه انا انمرضت من مرض بنتي صارلي اسبوع انام وانا قاعده 
بس الحمدلله ع كل حال
ياخواتي مشكلتي ببنتي الله يخليها لي ياااااارب
عمرها خمس اشهر الله يخليلكم اولادكم
صارلها اسبوع ارتفعت حرارتها فجأه وصار معها سهال (تكرمون) وتطريش بشكل مو طبيعي وصايره لما اوقفها ع رجولها تحني راسها وظهرها لورى وتبكي وكأنها ماتبي احد يشيلها فيه ناس قالوا تسنين بس مو مبين عليها انها قاعده تسنن
وديتها للدكتور وقال جرثومه والحريم الكبار قالولي لاتردين على كلام الدكاتره مايعرفون شي كل ماشافوا طفل تعبان قالوا عنه جرثومه
والعلاج اللي اعطانياه الدكتور تطرشه كله يعني عالفاضي 
وحرارتها خفت من برا جسمها بس كفوفها من جوا وراسها زي النار
مدري وش اسوي..؟
تكفون ساعدوني ترا انا بكريه ومااعرف بهالسوالف
برضوا انا عايشه برا السعوديه والاعشاب هنا يسمونها بأسماء غير عن اللي عندنا
هذي هي مشكلتي
جزاكن الله الف خيــــــــر
اختي ينتج شامه انفاس او فيها ناسيه اسمه بالظبط
يعني يبيلها طب عرب طب شعبي مو مستشفيات اسالي امج او عمتج من يعرف وحده تعرف لهالحالات يعني للأطفال
سلام اختي ان شاء الله ما يكون إلا الخير في بنتك الله يحميها لك يارب
لا تنسي تشربينها ماء يمكن انتي ما تشربينها كثير
اختك ميمي
يعني انج موديتها عند وحده توها والده او وحده جايتك بنتها انفاس او هي انفاس ترى مو زين اتشم بنتك هالاشياء والروائح القويه يستخدمونها العجايز او كانت مع طفل مريض واعداه ان شاءالله تكوني فهمتي علي لان هالاشغلات كلام عرب وشفت حالات كثيره نفس بنتج ماينفعهم مستشفيات
سلامتها الف سلامه ..
حاولي تشترين المحلول المغذي وتشربينها ااه عن الجفاف ..
وحطي لها شوية نشا في رضاعاتها ..
عشان يمسك الاسهال ..
واذا بديتي توكلينها عطيها روب .. وبطاطا او تفاحا مسلوقه ..
وان شاء الله مافيها الا الخير ….
سامحيني عزيزتي ما أقدر أفيدك بحكم اني ما عندي عيال
الله لا يوريكي فيها سوء ولا تنسي تطمنينا عليها…
تحياتي لكـِ
أختك زعيمة الخيال..