بعد ثلاث ايام عندي عملية استئصال اللوز(خايفه اموت)
السلام عليكم
زي ماهو موضح بالعنوان
عمري 22 سنه وخااايفه من العمليه
خايفه من التخدير الكامل والاخطاء الطبيه😭😭😭
خايفه اموت
تعرفون احد سواها من قبل ولا الاخطاء الطبيه في هذي العمليه كثيرررره؟؟؟
اللي اعرفه انها اسهل عمليه بس ماعندي خلفيه
الله يسهل عليك وتقومين بالسلامه وماتشوفين شر
حبيت ادخل بدعوه وان شاء الله البنات يفيدونك
وعليكم السلام ورحمه الله وبركاته
لاتخافين حبيبتي
انا سويتها واخوي بعد
والحمد لله طيبين
قبل لاتدخلين قولي اللهم اني استودعتك نفسي فاحفظني من شر العمليه يامن لاتضيع ودائعك
الله يسهل امرك
اختي سوتها الحمدلله وماصار لها اي مضاعفات
توكلي على الله وسويها
الله يفرج همك وكل مسلم
لاتخافين موصاير الي ربك كاتبه توكلي على الله استخيري قبل العمليه ولاتنسي الصدقه والدعاء ولوز عمليه سهله وبسيطه جدا
حبيبتي تدرين اني ابي اسويها اليوم قبل باكر
الطب تطور اللحين اعرف ثنتين شالوها بالليزر ماااستغرقت العمليه اكثر من ربع ساعه،،!
وبعد لها فوائد كثير اذا شلتيها ،،تطمني وقوي قلبك قدامك العافيه يارب
توكلي على الله وهو حسبك وثقي فيه واستعيني به أما اجل الإنسان فلا شيء يمنعه قوي إيمانك وقولي اللهم لا سهل إلا ما سهلته وانت تجعل الحزن ان شءت سهلا اسأل الله ان يرزقك شفاءا لا يغادره سقما ويقومك بالسلامة