ام زوجي صدمتني بكلامها الجارح
اناا ساكنه عند ام زوجي ببيت صغير ومتشاركين بالمطبخ واغلب شي تقريبا واهلي بعيدين عنا
تهاوشت اناا وزوجي بموضوع وزعلناا وقالي زوجي خوذي اغراضك بوديك عند اهلك ورحت وكنت زعلاانه وماحد عرف بموضوع هوشتنا بعد اسبوعين اتصل زوجي يراضيني وقال ابجي اخذك بعد يومين
وقالي ان امي بعد ماعرفت اني وديتك لاهلك زعلت وقالت زوجتك الدلوعه كل فتره عند اهلها مابيها تجي بيتي وان جبتها اسكنو بعيد عني
آنُـا بعد ماخبرني زوجي الخبريه انصدمت وبكييت لاني كنت احبها وحاسبتها مثل امي لان امي متوفيه وكنت مارفض لها طلب
تكفون آنُـا راجعه ايش تنصحوني اقولها وكيف اخبي شعوري بالصدمه اتجاهها والله مصدومه وقاعده ابكي وش اسوي
أختي أنتِ بالـأول تأكدي من هذا الخبــر بأي طريقةة
وإذا تأكدتِ وطلع كلآم زوجــك صحيح أعملي مثل ما قالت اسكني ببيت بعيــد عنهــا
ما راح تخسري شئ بل هي اللي راح تخسر وجــودك معهــا ،
وحاولي بقــدر ما تستطيعين إخفاء صدمتــك ما بالقلب إتركيهـ بالقلب
وعامليهــا بطيب وليــن كأن لم يحدث شئ
وصدقيني راح تعرف غلطتهــا وتنــدم ،،
والله يرحــم أمك ويسكنها فسيح جناتهـ وجميع موتى المسلمين
موفقــةة
لاتلوميها الحريم الكبار هذا طبعهم بس قلوبهم نظييفه 🙂
ولاتخلي كلمه طلعت منها بدون قصد تخرب بينكم واعتبريها مثل امك وسامحيها 🙂
حريم الكبار كثير يقولون لكن القلب صافي يمكن هي عشان افتقدتك وطنشي وعامليها كانك ماسمعتي شي
صح لا تلومينها لانها مره كبيره وتقول اشيا ما تثمنها بس قلبها نظيف
ارجعي وعامليها احسن من اول وهي راح تنسى كل شي
موفقه
يا أختي احنا بنقول ما شتمك الا الي وصلك
يعني الصراحة الحق على زوجك ومش كل كلمة امه بتقله ياها بيجي يحكيلك عيب عليه يعني بالذات لما تكون ذم بحقك
على العموم هي ست كبيرة واعذريها واذا معاملتها معك ما تغيرت انسي وافتحي صفحة جديدة وشو عرفك يمكن هالكلمة طلعت معها بلحظة عصبية او نرفزة
خليكي متل ما انت معها وعامليها متل امك ولك الأجر والثواب
لو امك رحمة الله عليها جرحتك بكلمة،فهل ستسامحينها؟ اكيد نعم
اذا سامحي ام زوجك و انسي ماقالت و انت التي قلت انك تعتبرينها في مقام امك؛اكيد انها قالت ماقالت لحبها لك و تعلقها بك،والمخطئ هنا هو زوجك لانه نقل لك كلام ليس من ورائه اي منفعة!
أي صح نسيت اقولك لا تبيني لزوجك انك متضايقه من كلام امه قولي امك ع عيني وعلى راسي واي شي يجئ منها مقبول وانتي مابتكذبي عليه لانك قلتي انها بمقام امك وبتتقبلي منها كل شي 🙂
يمكن يكون يختبرك ويبغى يشوف معاملتك تتغير معاها أو لا ،،