~ امى عندها السرطان شعرها وقع كله امامى~

عملت ايه بقى امى ناس كتير طلبت منى اقولهم بعتذر لتأخرى فى الرد
رزقكم الله ورزقنى الجنه بصوا امى يا حبيباتى صاااااااااااااااااااابره جدا مر عليها مواقف كتير لا تكل ولا تمل ولا تشكو لاحد اى شئ كان اللى فى ايدها مش ليها بمعنى الكلمه يعنى بعد اما ماتت اخوات اصحاب اهل جيران يتامى الكل بيبكى حاله بعدها عشان كانت بتصل الكل وديما صلة الرحم حتى الاموات كانت خيره جدا حتى تعمل اكفان وتو زعها صدقات ومناسبات اعياد رمضان لازم تطلع كتير اووووووووووووووى لله من المبلغ الصغير حتى المبلغ الكبير لما تطلع شئ لله مبتعدش طلعت ايه الاضحيه كانت بتدبح فى رمضان والمولد النبوى والعيد الصغير كانت بتخرج صدقات وزكوات لله احنا حتى منعرفهاش غير بعد ما ماتت وانا بقولك احنا ولادها ومنقدرش نسد فى الخير اللى بتعمله واللى كان قدامنا حاجه واللى من ورانا كان اكتر كانت متحبش تكسف حد لو حد قالها هاتى عينك تديهالوه بنفس طيبه عمرها ماكانت لا انانيه ولا طماعه عمرها ما خرجت واتفسحت ولا مصايف والجو ده كانت عابشه لينا وبس وازاى نتقى الله كانت مصابه بالسرطان احتسبت وخبت المرض سنه ومن كتر صبرها كانت تعض فى الحيطه من الوجع ولو شافت حد شافها ولا موجود كانها عادى وتضحك وتهزر شكوتها بجد لله وصابره على الالم جدا واصابها شلل واصابها حزام نارى مرض مميت كانت عندها اراده قويه اوى ممكن يكون معاها تستخسر فى نفسها وتدى لغيرها احنا وكل اللى حوالينا بنقولها انتى مش عايشه للدنيا ومنبسطتيش فيها ومع ذلك كان فيه ابتلاء كتير كانت تقول الحمدلله اللهم اجرنى فى مصيبتى وتستغفر كتير اوى وكانت باااااااااااااااره الى اقصى درجه بأمها وابوها وكانت بتقول ان ده اتردلها فى عيالها وكانت امها قبل ما تموت تقولها هوه انا هلاقى فى الجنه احسن من اللى انتى بتعمليه معايا وبرغم احنا مهما عملنا مش هنوفى حقها لانها كانت ام واب تشوف القليل اللى انتى بتعمليه كتير يعنى لو ادتيها كوباية شاى ياه تبقى شايله هم الجميله وتردها بأحسن متستصغرش العمل وتتحرى الحلال فين بقدر الامكان حتى لو ليها اخطاء طبيعة بشر تستغفر وتبكى وتندم فى اخر ايامها بقيت تستغفر كتير اوى وتوب وتصلى مكنتش بتترك لا صلاه ولا صوم وكانت ضعيفه اوى عمرها ما تشتهى شئ يعنى متقولكيش انا نفسى فى حاجه لو عيش وملح الحمدلله ملخص حياة امى الرضا بما قسمه الله الصبر على الابتلاء الصدقات وابواب الخير تربية اولادك تربيه حسنه صلة الرحم حتى الاموات الشكوى واللجؤ لله استحضار الله وان اذنبتى والتوبه وحسن الظن بالله رزقنا واياكم حسن الخاتمه
أمى كانت حلم جميييييييييييل فى حياتنا الله يرحمها ويرحم امواتنا
ربى يجعل مثواها الفردوس الاعلى اللهم بلغت اللهم فاشهد على ما اقول

ويشفي مرضانا ياااارب