يا حوامل المدينة اتفضلوا
السلام عليكم ورحمة الله وبركاته
كيف حالكم حبايبي
انا حامل بالشهر السادس من المدينة وبأراجع عند الدكتورة سلوى بمستشفى السعودي الالماني بس ما ارتاح عند الدكتورة على قد ما مدحولي فيها ما تعطيني وجه وتكلمني بالقطارة ولو انا ما أسألها ما تتكلم كل ما اروح عندها تعملي سونار الجنين كويس طيب انا بكم اسبوع حامل انا احسب لنفسي ولمن اسألها تتذمر ولا تبتسم 
حتى وابغا اعرف نوع الجنين مره تقلي ساجد مو واضح ومره تقلي حركته كثير مو باين هذا بعد سؤالي طبعا ايه رايكم يا حلوين المرة الجاية ابغا اراجع عند الدكتورة دعاء الثانية ابغا اجربها الي تعرف الالماني بالمدينة تفيدني بعدين صحيح لمن تكون حركة الجنين كثيرة يكون المولود ذكر افيدوني يا قماري 
ربي يقومك بالسلامه واقولك وعن تجربه كم مره وعند كذا دكتور دكاترت الالماني الى في المدينه والله العظيم خراطيييييييييييييييييييييييييييييين وماعندهم سالفه والغلطان الي يروحلهم شكلهم مشترين شهاداتهم
ماهم دارسين طب لاترمين نفسك بين ايديهم شوفي المواساه الكل يمدح فيها
انا ولدت في مستشفى احد مرتين وياربي لك الحمد معامله روعه حتى وهم معصبين يشوفون انك مريضه ويعملونك زين
ومو شرط انه لماتكون الحركه كثيره يكون الجنين ذكر حتى البنت احيانن تجنن في حركتها
معليش طولت
شكرا لمرورك وردك على موضوعي بس انا اتورطت ودفعت فلوس مراجعة الحمل شكلي حاكمل معاهم المراجعة ويمكن ما اولد عندهم الله يوفقني يا رب
ممكن ارسل الرقم والعنوان
ربي يقومك بالسلامه